DANIELA 11:8 - PATHIAN LEKHABU IRTHIANG C.L. Bible (BSI)

⁸ Khan an pathianhai, an irlim siamhai le an sumru le rângachak bêlbûr sahai leh khan Aigupta rama chôipai ving a ta, kum idôr vêl mani chu hmâr tianga rêng ata lei irngam ni a ti.

DANIELA 11:8 ပူးပေါင်းရင်းမြစ်များ

ISAIA 37:19

An pathianhai meia an hâl pehaia, annihai kha pathian ni ual mahai, mihriamhaiin thing le lunga an isiam pa pai an ni, khasikin a siat thei chu an ni ving.

HOSEA 13:15

A urênghai laia irhniang tak ni khomsian, nisua tianga phâivua hong pût a ta, ramchâr ata Rengpa itho ngêt kha a zuang lai tak a ni; a tuihnârhai kha kang a ta, a tuikuanghai kha châr zoi a ti. Bêlbûr sa murdi, a châr kha insiat zit a ta.

HOSEA 8:6

Israel kut theithiamhai millim siam kha, Pathian ni ma. A ni, Samaria sehrâtte irlim kha inkhoipai zit ni a ti;

DANIELA 10:3

Bu zel ne ma unga, sa mani uain mani ki bâia thun viat loiin, hapta thum a luzôl a hîp zoi mâka chu sahriak khom irthu loiin.

JEREMIA 46:25

Rengpa Itinrêngthothei Israelhai Pathianin, “Thebes khuaa pathian, Amona, Faroa, Aigupta le a pathianhai an rêng le Faroa chunga irnghattuhai chu dûk ki ithohai hrang a ni.

ISAIA 2:16

Tarsis-a irkuang, a lian le a sa murdi, a rêngin ngîm zoi a ti.

ROIRÊLTUHAI 18:24

Mika’n, “Imo a ini tâk nin tia; ki ochai nin ni suta, pathian ki isiamhai chu nin inrûka, ite nin imâksan om ma,” a tia.

DÂN INHNINA 12:3

An maichâmhai kha inthekindarh nin ta, an lungphunhai kha sukinsiat nin ta, Aseri irlim an thing phunhai kha hâl nin ta, thinga millim an isinhai kha hlek insiat zit nin ta, hihai makunghaia hin chubai mûka an kûn nôk ta loina hrang dôrin insiatpai nin ti.

NAMBAR 33:4

Ferkân kût nî khan Aigupta mihai mithmua, an nâilutîr murdi Rengpa’n a ithat pehai kha an phûm laiin Israel irchihai chu irkhêl takin an suaka. Rengpa’n an pathianhai khom a hrem pehaia.

FESUAKNA 12:12

Kha zân ngêta khan Aigupta rama fe ki ta, sa le mihriam an rêngin nâilutîr kai chu that ving ki ta; khante Aigupta rama pathianhai chunga roirêlna intung ki ti. Rengpa’n ki iti a ni.

IRPHUTNA 31:30

Khan ni pa irngaiin a fe nuam zap khom unglân, itho sika mo ki pathiantehai nin ni inrûk pe?” a tia.

DANIELA 11:9

Sim tianga rêng rama khan, hmâr tianga rêng kha hong lût a ta, khannisian a rama la kîr nôk a ti.

2 SAMUELA 5:21

Filistia mihaiin laizâm an tho lai khan an millimhai an mâksana; Davida le a mihai khan an lâkpai tâka.