DANIELA 11:45 - PATHIAN LEKHABU IRTHIANG C.L. Bible (BSI)

⁴⁵ Khan Tuipui le tâng irthiang roiinpui tak kâra khan a rêng puan in chu sung a ta, khannisian a mongna tung a ta, tûte’n san thei ni no ni.

DANIELA 11:45 ပူးပေါင်းရင်းမြစ်များ

INPÂKNA HLAHAI 48:2

Zion, Pathian tâng irthiang chu ar sângin en a hoia; Reng inthangtak khopui khan rammual pumpui lômna a zuang intunga.

ISAIA 10:12

Rengpa’n hiang hin a ti, “Zion tâng le Jerusalem khua chunga ki itho nuam ki tho zoi tika chu, Assuria chu a lârirpâkna le a’rsongna sikin soisak ki ti,” a tia. Assuria rêngin:

ISAIA 11:9

Ki tâng irthiangna tinrênga chu, tûte a na tuang ta no nihaia, an siat khom insiat no nihai; tuikhanglian tui a ibit angin Rengpa an inhriatna hin ram hi bit ta a ti.

ISAIA 14:13

Ni lungrîla chu, Irvâna hong fe ki ta, Pathian ârsihai khêla khin, ki rêngtoihmun indomirsâng ki ti; an inkhômna tâng, hmâr tianga omna khan toi ki ta; sûm nêka irsângin om ki ta.

ISAIA 2:2

Zoro hnungkhôna chu Rengpa in omna tâng chu, tâng roiinpui tak ni a ta, tâng tinrênghai khêl a ta, Nam tinrêng hong nuam an ti.

ISAIA 27:13

Kha tena chu bekul liantak tum an ta, Assuria rama irhmang tâkhai le Aigupta an imâkhai chu hong kîr an ta, Jerusalem tâng irthianga khan Rengpa chubai mûk an ti.

ISAIA 65:25

Inê le kêlbelra hmunkhatin om an ta, kâmkeibaknei khomin sehrât angin fapôl fa a ti. Mirûlhai khomin nêngpil hi bu’n ngam an ti. Ki tâng irthianga khan, thil saloi le natnahai om ta no ni, Rengpa’n a ti.

ISAIA 66:20

Rengpa hranga thil inhlan hrang an hong ichôi ang hin nam tinhai laia urênghai chu hong hruaihai an ti. Sakor chunghaia chuang an ta, tâli chunga toi an ta, a’rzônna fonga toi an ta, sakuartung le saringsei chunga chuangin. Israelhaiin khêng irthianga thil inhlan hrang an hong ichôi ang hin, ki tâng irthiang Jerusalema hong an ti, Rengpa’n a ti.

EZEKIELA 39:2

Ama chu hmun thar tiang irheitir ki ta, Israel tânghai a zuang tung mâna chu, hmâr tiang hlatak ata kha zuang hruai ki ti.

DANIELA 11:16

Khanchu a doitu khan a nuamlam takin doi a ta, a kôla tûte ngîr ngam no nihai, ama chu ram roiinpuia khan om a ta, a kuta siatna om a ti.

DANIELA 11:41

Ram roiinpui khom lûtkhum a ta, tamtak that ni a ti: khannisian a kut ata hihai hi sansuak ni an ti: Edom, Moab, le Amon mihriam sahai chu.

DANIELA 11:44

khannisian nisua le hmâr tianga thu saloiin buai a ta; khanchu mi tamtak irhmangna le lungkânga ningmurin suak a ti.

DANIELA 2:35

Khanchu, thîrhai le pil, dâr, sumru le rângachakhai a rêngin a koidara, misa lum laia hruizôla bu’rsi angin an om tâka: phâivua’n a sêm indarhaia, an omna hmun inhriat thei ni ta ma: millim deltu lung chu tâng liantak a chang tâka, irnêng a sip zita.

DANIELA 7:26

Khannisian roirêlna om a ta, a thuneina inboia insiat ving hrangin hruaipai ni a ti.

DANIELA 8:25

Khan a sintho dân sikin vâr irletna a kuta hlochuk a ta, a lungrîla irsong a ta, lungthia an om laiin tamtak insiat a ti: Rênghai rêng doi a ta, khannisian kut leh ni loiin inkhiakin om a ti.

DANIELA 9:16

O Rengpa nang ki ngên, ni felnahai sikin ni ningmurna le nuarna chu ni khopui Jerusalem tâng irthiang ata kîr sianlân; kin sualhai le kin pahai dik loina sikin Jerusalem le ni mihai hi kin kôla om murdihai hi insîrinsiat kin ni ta.

DANIELA 9:20

Keima le ni mi Israelhai sualna sikin thuphachôia, chongchaia, thuhrila, Rengpa ki Pathian kuanga Pathian tâng irthiang hranga ki zong lai takin,

JOELA 2:20

aniachu, nin kuang ata hmâr tiang ata zuang mi huaisenhai pâl kha irzûlpai zit ki ta; ramchâr le chiaia infetir ki ti, a masa pâl nitâk tianga tuipuia, inhnung inta pâl thang tianga tuikhangliana; hong innam suak a ta, mirim se takin hong innam a ti, thil irkhêltak a tho tâk sikin, tiin a sâma.

MIKA 4:2

Khan, nam tamtakhai kha fe an ta, zuang kîr unglân, Rengpa tânga, Jakoba Pathian ina khin hong fe ei ti; khanchu ama’n a lampui thurchihai kha nir chûtir a ta, a fena lampuihaia khan fe kin tih ti an ta: Zion ata kha dân thu a zuang isuak hrang a nia, Rengpa thu kha Jerusalem ata a zuang isuak hrang a ni.

ZAKARIA 14:8

Kha nikhua kha a hong tung tena chu, Jerusalem ata tuihringhai hong suak a ta, a chimrip chu Tuipui Thia luang lût a ta, a chimrip dang chu Mediteranean tuipuia lût a ti. Kumtuangin luang a ta, fûra khom, sâla khom.

NAMBAR 34:5

Khan Hazaradhara fe pat a ta, Azmon-a dên thaiin; khan ramri chu Azmon ata kha Aigupta tuidung dênin kôi a ta, a suakna chu Tuikhangliana ni a ti.

2 THESALONIKA toc2 2 THESALONIKA 2:4

Ama’n chu mihaiin Pathiana an inei, an ibiak murdihai kha doi a ta, anni nêka roiinpuiin irbe a ta, Pathian Tempil ngeia toiin Pathianin irbe a ti.

2 THESALONIKA toc2 2 THESALONIKA 2:8

Kha zoro tika chu Dân insiatpa kha hong inlang a ta, khannisian ama kha Rengpa Jisua’n hong that a ta, a zuang nôkna roiinpui taka khan zuang irhmangtir a ti.

THUPHUANG 13:10

Tukhom sala om hranga a niin chu sala hruaiin om a ta, khandaia thi hrang a niin chu, khandaia thatin om a ti. Hitaka hin Pathian mihai chu ngîrindetna le iamom taka an om a nangzia an lang,” a tia.

THUPHUANG 20:2

Dragon, rûlpui tar Diabola le Setana kha a chela, kum sângkhat hrangin a khit ta.

THUPHUANG 20:9

Irnêng pumpuia an dâp zitin an hong kâia, mi irthianghai kul le an khopui indet tak kha an irhuala, khannisian irvân ata mei a zuang chuma, anni kha a kâng irhmanghai tâka.