DANIELA 11:35 - PATHIAN LEKHABU IRTHIANG C.L. Bible (BSI)

³⁵ Khan a vârhai laia senkhatin, anni infâi le irthiang hrang le invâr hrangin irtetpui an ta, a mongna ni dênin; zoro inkung a la ni mai sikin.

DANIELA 11:35 ပူးပေါင်းရင်းမြစ်များ

2 THURCHI SUINA 32:31

A chunga sinirkhêl irsinsia hrangin Babulon rêngin palai a hong tîrin chu mi i ang mo a ini iti, Pathianin eninfel hrangin a bingin a isia a ni.

THUVÂRHAI 17:3

Rângachak le sumtak chu meiin a’rthîta, mihriam lungrîl rêk chu Rengpa’n a fia ngai.

ISAIA 27:9

Nam dang maichâm lunghai chu, chinai lung angin an suk khoia, Aseri irlim le lung danghai an pai ving zoi hnunga, Israelhai sualna chu ngaidam ni a ti.

DANIELA 11:27

Hi rênghai hi chu an lungrîla sat loina irput ni an ta, Dokâng hmun khata minlak tho an ta; hlo chu chuk pe ual no ni, a mongna chu zoro inkung saia ni a ti.

DANIELA 11:29

Zoro indang nî khan hong kîr nôk a ta, sim tiang fe a ti, khannisian an hnung ual hin chu matona ang kha chu ni no ni.

DANIELA 11:33

Khan mihai laia a vârhai chu, mi tamtak irchutirhai an ta, khannisian, khandai hai, meichok hai, sal intângna le inrûk irhmangna’n mi tamtak irlet an ti.

DANIELA 11:40

Khan mongna nî chu sim tianga rêngin ama hong nor a ta; hmâr tianga rêngin tâli le sakor chung chuang mi le irhuang tamtakhai le kêllaiher angin ama doi an ta, ramhai lûtin, chin zoi a ta, palthuanhai a ti.

DANIELA 12:3

Hruaitu vârhai chu irvân vâr angin vâr an ta, mi tamtak felna tianga hong kîrhai chu ârsi angin kum kumtuangin vâr an ti.

DANIELA 12:4

Khannisian nang o Daniela, thu kha thupin lân, lekhabu kha intukhak ro, a mong dênin; mi tamtak intânin, inhriatnahai hong pung a ti,” a tia.

DANIELA 8:10

Irvâna omhai phâk rakin a liana, ârsihai khom hnuaia an thâkpaihai theia, a sirphahaia.

DANIELA 8:17

Khanchu ki ngîrna tiang a zuang nâia; a sân ki lei chia, ki’rtet raka; khannisian ama’n “O mihriam nâipa, inhre thiam ro, inlârna chu zoro hekna hrang a nia,” a tia.

DANIELA 8:19

Ama’n, “Irngai ro, ningmurna hnungkhôna thil hong om hranghai chu nan hril ki ta; zoro hekna lei inkung a ni tâk sikin.

DANIELA 9:27

Khan hapta khat hrangin mi tamtak kuang thuthung det siam a ta; khan hapta chimrip hrangin irbôlna le thilinhlan bâng a ta, a chiartu chu intirom tha chunga chuangin zuang a ta; khan a mongna, zuang tung ngêt hranga inkung khan ningmurna chu chiartuhai chunga khan buak khumhai ni an ti,” a tia.

HABAKUKA 2:3

Inlârna hi zoro inkung sûng hrang vai a ni lelea, A king nikhua anai tîr tîra, mâkana ni no ni. Sôt viat khomsian nghâk ro; A zuang tung ngêt hrang sikin inhnung ual no ni.

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

MATHAIA 16:17

Jisua’n a kuang, “Simon Barjona, taksa le thisenin nang a inhriattir ni maka, ka Pa irvâna mi’n nang a inhriatir a ni.

MATHAIA 26:56

Khannisianlân, deipu lekha thuhai kha a hong tung theina hrangin hihai murdi hi a hong iom a ni,” a tia. Khannisianlân, a irchutirhaiin ama kha an mâksana, an rot zit tâka.

JOHANA 15:2

Ki irzompui ôn raloi murdi chu a pai ngaia, a ra murdi chu a’rthial infâi ngaia, a ra tam ualna hrangin.

JOHANA 20:25

Irchutir danghai khan a kuang, “Rengpa kha kin hmu ta kêng,” an tia. Ama khan, “A kuta thîr hembêna sabê ki hmua, thîr hembêna sabêhaia ki kut leh ki tôna, a kâng kin them mâka chu iam no ning,” a tia.

TÎRTÔNHAI SINTHO 13:13

Paula le a rualhai chu Pafos ata irkuangin an suaka, Pamfulia rama Perga khua an tunga, Johan Marka khan anni kha a’rheisanhaia, Jerusalema a kîr nôk tâka.

DÂN INHNINA 8:16

Ramchâra khan nin pahai khomin an inhriat ngai loi Mana khan nangni an fâa, nangni fiana hrangin le nin ta hrangin a isa hrang mo saloi hrang nin inhriat theina hrangin intak nangni an tuangtir a ni.

JAKOBA toc2 JAKOBA 1:2

Ki urênghaio, fiana chi tinrêng nin tong tena thil raifân omin bê zit roi,

THUPHUANG 14:15

Khan, vântîrtôn dang Pathian biak ina irthokin a hong suaka, sûm chunga toitu kuanga khan hnukirhai inring takin, “Ni kôite kha hmangin lân, bu kha ât roh; a ât zoro tâk kêng; irnêng buhai kha an hmin tâk sikin!” a tia.

THUPHUANG 17:17

Pathian thu le a thil tumhai a hong tung indik theina hrangin, rêng sômkhathai khan an irchamneina sahrâng kuang pe hrangin Pathianin lung irrualna an neia.

THUPHUANG 2:10

Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.

THUPHUANG 7:14

“Ka pu, inhre ma ung. Nangma’n nin hriat,” tiin ki sâma. Ama khan ki kuang, “Hihai hi dengintheina ichiom tak ata hong zôkhai kha an nia, an puanhai Belrate thisena irsunfaiin an inchek tâkhai a ni.