DANIELA 11:32 - PATHIAN LEKHABU IRTHIANG C.L. Bible (BSI)

³² Khan thuthung chunga dik loina sual thotuhai chongbâi hoina khan insiat ni an ta, khannisian mi an Pathian inhretuhai chu det an ta, thil tamtak tho thei an ti.

DANIELA 11:32 ပူးပေါင်းရင်းမြစ်များ

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

NEHEMIA 4:14

Khan ki hong en vêla, ki thoia, mi sahai le roirêltuhai, mipui danghai laia, “Annihai so ite chihai viat no unglân, Rengpa roiinpuitak le ichiom tak chu inhre maiin, nin urênghai, nin nâihai nin dôngmahai, nin in inzôk tumin doihai roi,” ki tia.

INPÂKNA HLAHAI 9:10

Khanchu nir hming inhretuhai chu nang iam an ti; Nangin chu, Rengpa, nang a zongtuhai chu rotsan ngai mak che.

THUVÂRHAI 19:5

Inhriatpuitu dik loi chu tôkhmol tuang loiin om no nia, milak chong chungirchuan chu zôk no ni.

THUVÂRHAI 26:28

Milaka mi denginthei nuamtuhai chu ni ihnôl hrang a ni. Chong iamom loiin chu siatna vai an tungtir ngai.

JEREMIA 31:34

Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

DANIELA 11:21

Khanchu a hmuna khan mi ien nuamloi, ram chôiindômna a ipêk loi chu hong suak a ta; ram a hoi lai takin hong a ta, chongbâi hoitak hmangin ram chu nei a ti.

DANIELA 11:34

An irlet khomin changpuina chîntea indomin om an ta, mi tamtak êsêlin, êrôhai an ti.

ZAKARIA 10:12

Ki mihai chu hrât takin siamhai ki ta, ni biak an ta, Kei chu ni zôm an ti,” tiin Rengpa’n a hrila.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

JOHANA 17:3

Hi hi kumtuang hringna chu a ni, nang Pathian tak vai le ni itîr Jisua Krista inhriat hi.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.

THUPHUANG 6:11

Khan, an rêngin puan chek an pêk senga, an suak chanpuihai le an urênghai, anni thata an lei iom ang dêna om hranghai kha an irkip mâka chu la nghâk ual hrangin an hrila.