DANIELA 11:24 - PATHIAN LEKHABU IRTHIANG C.L. Bible (BSI)

²⁴ Irngei zoro laiin ram bial hoina laia hor siam nôk a ta, a pa le a puhai tho ngailoi la tho a ti; mihai laia râllâk le râllâk thilhaia sum kha sem a ta, a ni kuldet chunga khan, khit thunghai chu la khithai an ta,

DANIELA 11:24 ပူးပေါင်းရင်းမြစ်များ

NEHEMIA 9:25

Kul nei khopuihai, ram satak tak an lâka, thil sa tinrênga bitin an luaa, tuikuang tuk saihai, grep irhuanhai, oliv irhuanhai le theikung dang tamtak an neia: khanchu an fâkin, an khopa, an hong mara, ni satna sikin hoi takin an oma.

THUVÂRHAI 17:8

Mi senkhat irngai dânin chu fâk inrûk hi, dôi angin sin a thotheia; thil tinrêng a tho thei hrangin an iam ngai.

THUVÂRHAI 19:6

Mi tamtakin mi lianhai ditsakna dong an tum ngaia; ditsaktu hrangin chu tinrêng rual sa an ni.

THUVÂRHAI 23:7

“Tho hong ro, hong fa ro” a tiin, a lungrîl taka ti mah. A ngaitua lam ang takin kêng a nina chu a ini.

EZEKIELA 34:14

Tâng chunga durba omna hmuna le irhôrhai le Israel ram murdia hloi hring hmunhaia lungthi takin fâk nêk inzongtirhai ki ti.

EZEKIELA 38:10

Rengpa Pathianin Gog chungthu chu hiang hin a hrila, “Kha zoro kha a tung tena chu thil saloi ngaitua chu phut ta ni ti.

DANIELA 11:23

Khanchu a kuang thuthung a siam zoiin chu a sate’n siat zôi a ta; hong ngîr suak nôk hrangin, mipui tômte khomin an hong ihrât thei hrang a ni.

DANIELA 7:25

Inchungtakpu doiin thu hril a ta, inchungtaka mi irthiang irzaltir a ta, hun le dânhai indanglam tum a ti, kum thum le a chimrip chu a kuta pêk ni a ti.

NAMBAR 13:20

Khanchu ngam takin om unglân, kha rama thei rahai kha hong pêl roi,” a tia. (Grep ra masa zoro lai tak a ni.)

MATHAIA 9:4

Jisua’n an lungrîla an ingaituahai kha a lei inhriata, an kuang, “Ithoa mo khaanga thil saloi nin lungrîla nin ingaitua?

ROIRÊLTUHAI 9:4

Khanchu, Baal-berith an biakna in ata tangka sum sômsari an pêka, kha sum leh khan Abimeleka’n mi inriang tak tak le mi hmanghmunboihai a hruaihaia, anni’n ama an zui tâka.