DANIELA 10:19 - PATHIAN LEKHABU IRTHIANG C.L. Bible (BSI)

¹⁹ Khanchu ki kuang, “O mi inditom tak, chi no’n lân, irtharngam takin om ro, a ni, hong hrât ta ro,” a tia. Ki kuang thu a hril lai takin ki hong hrât thei tâka. “Ki rêngpa’n thu hril ri se, nangin ni nin hrâttir tâka,” ki tia.

DANIELA 10:19 ပူးပေါင်းရင်းမြစ်များ

INPÂKNA HLAHAI 138:3

Nang kin sam ni kha nangma’n ni ni sâma; Nangma hrâtna’n ni nin hrâta.

ISAIA 35:4

Lungrîl sôlhai chu, “Ei Pathianin phuba la a ti, Nin milung inngar unglân, chi viat no roi, nangni thuan a ta, nangni saninhring ngêt a ti,” ti roi.

ISAIA 41:10

Chi no ro, nang ompui mai ki ti, Ni charindong viat no ro, ni Pathian kêng ki ni, hrâtna nang pe ki tia, nang san ki ti. Ki kut chang tianga hrât tak leh hin nang chel ki ti.

ISAIA 41:14

Israel mi, O Jakoba mi chînte ni khomin lân, “Chi no ro, nang san ki ti,” Rengpa thusuakin a ti. Israel mi irthianghai, irtan hrangtu ki ni.

DANIELA 10:18

Khanchu mihriam anga inlang khan a ni hon them nôka, ki hong hrât suak tâka.

DANIELA 9:23

Ni zong phut lai khan thupêk a suak tâka, hril hranga zuang kêng ki ni; inditom tak ni nia; khasikin thil chu irngaitua’n lân, inlârna chu inhre thei roh.

HAGAIA 2:4

O Zerubabela, atûn chu hâitakin om roh, ti hi Rengpa thu suak a ni; o ochai inlaltak Josua, Jehozadaka nâipa, nang khom hrât takin om roh, khan, nangni hi rama mi murdihaio, hrât takin om sa roi ti hi Rengpa thu suak a ni. sin tho roi, nin kuang ki oma, ti hi Sipaihai Rengpa thu suak a ni:

ZAKARIA 8:13

O Juda le Israel mihai, tiana khan chu ram dang mihaiin, ‘Israel le Juda chunga siatna a itung ang hi ni chunga khom tung ri se’ tiin khomâk an irsâm ngaia. Khannisian nang saninzôk ki ta, ram dang mihaiin, ‘Israel le Juda chunga satvurna a itung ang hi ni chunga khom tung ri se,’ tiin la hril an ti. Khasikin ngam takin omin lân, chi no ro,” a tia.

ZAKARIA 8:9

“Ngam takin om roi! Ki tempil indingthar nôk hranga lungphûm phûma a om laia deipuhaiin thu an lei ihrilhai kha atûn khom kha thuhai dên kha nin inhriat nôka.

JOHANA 11:3

Khanchu, a farnuhaiin, “Rengpa, ni lungthung kha dam ma,” tiin mi an van hriltira.

JOHANA 11:36

Judahai khan “En u ta, Lazara hi lung a thung bâka!” an tia.

JOHANA 11:5

Jisua’n Marthi le a zuarpuinu le Lazara kha lung a thunga,

JOHANA 14:27

Irtharngamna nangni ki mâk pe, keima irtharngamna kêng nangni ki ipêk; rammualin a ipêk ang ni loiin nangni ki ipêk a ni. Nin milung dûk tong no ri se, chi khom chi no ri se.

JOHANA 16:33

Keimaa irtharngamna nin hmûna hrangin nin kuang hi thu hi ki insîr a ni; rammuala hin intak nin tuang ngai; khannisian hâi takin om roi! Keiin rammual kin hnê ta,” a tia.

JOHANA 19:26

Jisua’n a nu le a kôla ngîr irchutir lung a ithungtu kha a hmu’n chu a nu kuang, “Ka nu, en ta, ni nâipa kha,” a tia.

JOHANA 21:20

Khan, Petera kha a hong irheia, irchutir, Jisua’n lung a ithung, zânbu fâk laia Jisua tiang va kûna, “Rengpa, tu mo nang a chel hrang?” tia irdontu kha a hnunga a hmua.

1 KORINTH 16:13

Irtûng chianin om unglân, iamnaa ngîrindet unglân, hâi unglân, hrât takin om roi.

2 KORINTH 12:9

Khannisianlân, ama khan, “Ki lungkhamna hi kêng ni irhelpui tak, ni hrât loi zoro’n kêng ki sinthotheina a irkip ngai,” tiin a ni sâm. Khasikin ki chunga Krista sinthotheina ki chunga a om theina hrangin lôm takin ki hrât loinahai hi song ual ta ki ti.

EFESI 6:10

A mong taka chu Rengpa le a hrâtna ata kha sinthotheina la mai ngai roi.

2 TIMOTHEA toc2 2 TIMOTHEA 2:1

Ki nâipa, nang chu Krista Jisua lungkhamna hin nang inhrât ri se.

JOSUA 1:9

Hâitakin irnak la roh ki iti kha inhriat mai ro, chi no’n lân, rot no ro; kei Rengpa hin ni fena tina nang ki ompui mai a ni,” a tia.

THUPHUANG 1:17

Ama kha ki hmu le chu, a ke bula ithi ang dôrin kin rîla. Ama khan a kut chang tiang ki chunga irnghatin ki kuang, “Chi no roh! kei hi a maton tak le a hnungkhôn tak.

ROIRÊLTUHAI 6:23

Rengpa’n, “Charindong no ro, irtharngam takin om ro, thi no chi ni,” a tia.