DANIELA 1:19 - PATHIAN LEKHABU IRTHIANG C.L. Bible (BSI)

¹⁹ Khanchu rêng khan a lei chongpuihaia, anni laia Daniela, Hanania, Misaela le Azaria-hai ang kha tûte om mahaia, khasikin rêng makunga an ngîra.

DANIELA 1:19 ပူးပေါင်းရင်းမြစ်များ

IRPHUTNA 41:46

Josefa chu kum sômthum mi a ni tena hin Aigupta rêng Faroa hnuaia sin a itho a ni ta; Faroa kuang ata suakin kho tina Aigupta ram chu a’rfang suaka,

1 RÊNGHAI 17:1

Gilead rama Tisbe mi Elija’n Ahaba kuang khan, “Rengpa Israelhai Pathian a sin ki itho pe ngai irhmingin nangni kin hril, kum hni kum thum sûng chu keima ircham ni loiin irnêng chunga hin irdo le rua ite tho viat no ni,” a tia.

THUVÂRHAI 22:29

Takirtâia sin sa sin mi nir hmutirin lân, mi narân nêka sa, rênghai rual irnghatpui thei mi chuk nang irhmutir ki ti.

JEREMIA 15:19

Hiang hin Rengpa’n a tia, “Ni hong kîrin chu nang lei pom nôk ki ta, a ni zui chang nôk ni ti. Thu chanlamboi hril loia chongbe a hmangna om nin puangin chu, ki deipu ni nôk ni ti. Mihai kuanga fe nang no nia, anni’n nang hong pan ual an ti.

DANIELA 1:18

Khanchu rêng ina hong hruai lûtna hrang nikhua a hek ni chu thainuzel hruaitu’n annihai kha Nebukadnezara kuang a hon lûthaia.

DANIELA 1:5

Rêng khan rêng bunêk anga nêka, a uain in anga in thei hrang a ngaituaa, khaanga kum thum infâ hrang, kha zoiin rêng makunga an ngîr theina hrangin.

DANIELA 1:6

Hihai lai ata hi Juda nâihai laia mi Daniela, Hanania, Misaela, le Azariahai an oma.

DANIELA 1:7

Khanchu thainuzelhai hruaitupa’n an irhming a phuahaia; Daniela chu Beltesazzara a tia, Hanania chu Sadraka, Misaela chu Mesak, Azaria chu Abednego a tia.

DANIELA 2:13

Khanchu thupêk kha an sua tâka, mi vârhai chu that ni hrang an ni tâka; khan Daniela le a rualhai khom that hrangin an zonghaia.

DANIELA 3:29

“Khasikin mi tin, nam tin, chong tinhaiin Sadraka, Mesaka le Abednego-hai Pathian chunga thil saloi hril murdi chu sâtpai ni an ta, an inhai khom insiat ni an tih ti thupêk ki siam nôk ta. Ama ang dôra sansuak theitu pathian dang rêng rêng om ta mahai,” a tia.