Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHAP HLA 4:20 - PATHIAN LEKHABU IRTHIANG C.L. Bible (BSI)

20 Rengpa sahriak pol kin isong tak khom an chângkama a khita, ama le irrualin nam dang laia khom, om kin ti chu kin tia.

အခန်းကိုကြည့်ပါ။ ကော်ပီ




CHAP HLA 4:20
27 ပူးပေါင်းရင်းမြစ်များ  

Khan Rengpa Pathianin irnêng pilin mihriam a siama, a hnâra hringna phûk a mût inlûta, khanchu mihriam kha mihriam hring a hong ni tâka.


Khasikin tôia hi kin hruai no’n chu kin pa hringna le tôia hi a sate’n a’rzompui sikin,


Davida khan a kuang, “Rengpa sahriak irthûtir irhmangtir hrang chunga kut ni thâka, itina chi loi ngân mo ni ini?,” a tia.


Gilbo tânghai khan irdo le rua tho no sian, Loia khom ite vâng no ri se! kha hmuna mi lian pho kha mualphoi takin paiin a oma, Saula pho ngei kha sahriak pol ta loiin a iom a ni.


Khannisianlân mipuihai khan, “Nang chu keini laia hong sa no chi ni. Keinihai hi chu laizâm tho chuk duai ta sianlân, râlhaiin ite bêin ni bê no nihai, a chimrip va thi khomin lân; ite bê’n bê viat no ni; khannisian nangma chu keini sîngkhat nêkin ni ihlu ual a ni. Khasikin khopuia ni om chiana, ni san hrang mi ni hong itîr kha a isa ual a ni,” an tia.


Zeruii nâipa Abisaia khan, “Rengpa sahriak irthutir kha khomâk a sâm sikin Simeia hi that hrang a ni,” a tia.


Deipu Jeremia chu Josia sûnna hla a phuaa, Israelhai laia hla sak mi, nupang le pasal rêng sûnna hla an saka. Sûnna hla irziak khômna bua, kha hla kha a chuanga.


Phâivuapui a tho khoma an irbîkna hrang, ruapui lai ata an hul theina hrang, ramchâra tui luang le tângchâra lungpui raifân angin om an ti.


Khan Babulon sipai pâlhai khan anni chu irzûlin Jeriko kôl phâia khan Zedekia chu an chel tâka. Reng Nebukadnezara chu kha zoro taka Hamath ram hual Ribla khuaa omhai kuang an hruaia, kha khan Nebukadnezara chungthu an rêl pea.


Khan, Babulon sipai pâlhai khan an irzûla, Zedekia chu Jeriko kôl phâia an phâka, a sipaihai khan an imâksan ving a ni.


Khanchu Zedekia chu Hamath ram huala om Ribla khan rêng Nebukadnezara omna khan an hruaia, kha khan Nebukadnezara’n a chungthu a rêla.


A mikothai khom a bong a bûiin a siata, a inkhâr thîra siamhai khom artan zita, rênghai le an mi lianhai chu sala an intânga, dân irchutir thei khom ni ta mahai, Deipuhai khomin Rengpa inlârnahai ite dong ta mahai.


Ama chu ki lênin khum ki ta, ki chânga khit a ti: Kaldai rama Babulon-a khan hong hruai ki ta, kha khan thi hrang ni khom sianlân, hmu chu hmu no ni.


A thuthungna le a chonginkungna chu an siat tâka; chong an kung hnungin hi thil murdi hi a la tho nôk sikin, zôk ta no ni,” a tia.


Ama le anni chu mithi khuaa irteta lei om tâkhai zompui hrangin fe an ta, an irhlîm hnuaia om murdihai chu, nam tinhai laia irthekindarin om a ti.


A hnâ en hoiin, a ra khom a tama, thilhring murdihai fâk hrang a oma; ramsahaiin dâihlîmin an hmanga, chunglêng vatehaiin a ôna an riaka, taksa nei murdihai chu ama infâ ang an ni.


Ni khopui murdia saninzôk theitu hrang kha, ni rêng kha atûn hin khôn mo a iom? Reng le hruaituhai ni pe ro, ni iti hai, ni roirêltuhai kha khôn mo?


Thing ilhlingneiin, “Rêng ni hrangin nin ni nuam tâkin chu ki kung hnuaia hin hong roi; nin hong nuam no’n chu ki ôn ilhling rengata mei hong suak a ta, Lebanon Sidar-hai kâng fâi zit a ti,” a tia.


Tho’nchâi ki lei nei duai khomin, hi hmuna hin ki om Rengpa makunga le a inthang rêng makunga hin ni sêl roi, mi sial mani, mi sakuartung mani ki lei lâk ngai khomin, mi huangin mani, dengintheitirin mani ki om ngai mo? Ki mit inchotir hrangin tu kuanga mo fâkinrûk ki itho? mihai kuang ata minlak ki thôna a omin chu a rêngin tuam nôk ving ki ti,” a tia.


Khan Samuela’n, “Rengpa le a inthang rêng hi a vuan hin ite ki tho’nchâina nei ma ung ti nin mithmua an hriatpuitu chu an ni,” a tia. Khanchu anni’n, “A ni, Rengpa chu an hriattu chu a ni,” an tia.


Khan an hong tungin chu, Samuela khan Jesaia nâipa Eliaba a lei ena, a lungrîlin “Hi mi hi Rengpa kuanga ngîra inthang chu ni ngêt a ti,” a tia.


En ro, a vuan hin Rengpa’n rôl sûnga kin kuta nang a inhlan lam hi ni mitin ni hmu theia, ki mi senkhathai khan chu, nang that hrangin an ni tîra, khannisian ki Rengpa sahriak irthûtir ni nih sikin nang ki la ihôi a ni.


Khanchu a mihai kuang khan, “Rengpa sahriak irthu ki rêngpa chunga kut thâk loi hrangin Rengpa’n nin omtir ri se. Ama kha Rengpa sahriak irthutir a ni sikin a chunga kut ki thâk loina hrangin,” a tia.


Abnera, ni sinthôna hlo ni isam a ni. Rengpa irhmingin ki iti a ni, Rengpa sahriak irthûtir ni pu kha ni hrung insa no sikin, thi zôi inruk ni ni. Reng luthuna ufei le tuiûm kha khôn mo a iom tâk, hong en ngân ta,” a tia.


Khannisianlân Davida khan Abisaia kuang, “A chunga kut tha no ro, Rengpa sahriak irthûtir chunga kut thâka tûte thiamchang om mahai,” a tia.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ