CHAP HLA 3:37 - PATHIAN LEKHABU IRTHIANG C.L. Bible (BSI)

³⁷ Rengpa’n thu a pêk no’n chu, tu thu mo hlochuk ngai?

CHAP HLA 3:37 ပူးပေါင်းရင်းမြစ်များ

2 SAMUELA 16:10

Reng khan, Abisaia le a urêngpa Joaba kuang khan, “Nangni’n nin ni inhriatpui hrang ni ma. Rengpa’n ama kha khomâksâm roh a iti pe kêng, khasikin khomâk a ni isâm a ni’n te tu ngân mo a ini? I lo hranga mo hianga a itho? Tu ngân mo a ti thei hranga,” a tia.

1 RÊNGHAI 22:34

Suria sipai thal kâphai hin rêng Ahaba chu a râlthuam irbel kâra khan a kâpa, a tâli chalaitu kuang khan, “Sâbe ki tuang ta hi te, kîrin lân, irdoina hmuna intân ta ro,” a tia.

2 RÊNGHAI 6:33

A lan sîr laiin rêng chu a hong tung zel tâka. “Hiang dôra chardong nin lâktirtu chu Rengpa a nia! itin mo Rengpa thu ki la irngai mai hrang,?” a tia.

JOBA 10:13

Khannisian hi hi ni lungrîla ni thupa, Hi hi nangma kuang a om ti kin hriat.

JOBA 2:10

Khannisianlân, Joba’n a kuanga khan, “Nupang into chong angin te ni chonga. Pathian kuang ata thil sa ei donga, thil saloihai khom ei idong loi hrang mo?,” a tia. Hianga thil a tuang khom hin a Pathian chu insîrinsiat mah.

FESUAKNA 10:10

Khanchu an kuanga khan, “Nangni le nin nâihai, nangni infetir ki ta, Rengpa chu nin kuanga om ri se; khan khom ni sian en roi ba, thil saloi nin matona a la om maia.

THUVÂRHAI 16:9

Mi, a lungrîla a sin hrang a ngaitua theia, kalchôi hrang lam chu Rengpa’n a zêk pe ngai.

THUVÂRHAI 19:21

Mihriam lungrîla thil tamtak ngaitua om khom sianlân, a hnungkhôna chu Rengpa lungdo sin ni a ti.

THUVÂRHAI 21:30

Mihriam vârnahai, inhriatnahai le thiamnahai hi Rengpa doina a niin chu chanlamboi a ni.

ISAIA 46:10

A phut ata a mong dêna thil ki hril ngaia, thil hong tung hrang tianlai ata ki lei hril ngaia, “Ki iti chu det mai a ti, ki iti tâk chu tho ngêt ki ti,” tiin.

JEREMIA 23:32

Rengpa’n ki iti hi irngai roh. An irmang thu minlaka sip inpuang ngai deipuhai chu ki ihnôlhai an ni. An irmang hrilin minlakna le irpâknahaiin ki mihai an hruai insual ngai. Anni chu tîrpaihaia, fe hrangin thu khom pe ma unga, mihai hrangin ite hmangna boi an ni, keima Rengpa’n ki iti a ni,” a tia.

DANIELA 4:35

Khan irnêng luatu murdihai hi ite bêa bê loi a ni. Irvân sipai rualhai laia chu ama thutak a nia, tûte’n ama kut chu irngamtir thei ni ma, nangin te itin mo ni ti? ti lua irdon ngam mahai.

ROM KHUAA MIHAI KUANGA TÎRTÔN PAULA LEKHATHON 9:15

Ama khan, “Lung ki inkham murdi chu lung ki inkham ni a ta, za ki irngaiina murdi chunga za irngai ki ti,” tia Mosia kuanga a insîr kha.

EFESI 1:11

Thil tinrêng hi Pathian lungdo le ti lam taka tho a ni; Khante, Pathianin a phuta a ti lam angin Kristaa a mihai ni hrangin a ni inthang tâk a ni.