CHAP HLA 3:29 - PATHIAN LEKHABU IRTHIANG C.L. Bible (BSI)

²⁹ Kûn chiana irdô rak hrang a nia, beiindong loi hrang a ni.

CHAP HLA 3:29 ပူးပေါင်းရင်းမြစ်များ

2 THURCHI SUINA 33:12

A chardong hrai sikin Pathian Rengpa makunga irhnuai takin, changpuina ar zong tâka.

JOBA 16:15

Bora puan ki sila, mualphoi takin nêngpila ki toia.

JOBA 40:4

keima mi chanlamboi hin, itin mo nang ki isâm thei hrang? Ki bâi ki inhruk a ni.

JEREMIA 31:17

Ni sûnmatona chu ni dongtum la sa a ti, nin rama ngêt ni nâihai chu la hong kîr an tih ti hi Rengpa thu suak a ni.

EZEKIELA 16:63

Ni sintho murdihai ki ngaidam zit tika inhriat ni ta, ni hmâimôk rup a ta, inzak sikin ni bâi a kak thei ta loina hrangin,” ti hi Rengpa pathian thusuak a ni.

JOELA 2:14

Rengpa nin Pathian kuang baidi inhlan le in hranga inhlanhai khom khan, kîrin, lungrîl irhei kîrin, satvurna mâksanin om no nih ti tu’n mo an hriat?

JONA 3:9

Kin irhmang loina hrangin, Pathian kha kîrin, lungrîl irheitirin, a ninginmurna irkhêltak ata kha zuang irheikîr no nih ti tu’n mo an hriat?” tiin.

ZEFANIA 2:3

Nangni irnênga mi thuhnuairôl murdi, a thu zômtuhaio, Rengpa kha zong roi; Felna zong unglân, thuhnuairôl tum roi: Rengpa ninginmurna nikhuaa khan ithupin nin om thei itinin.

LUKA 18:13

“Khâzana irfuangtu chu inhnung tiang a ngîra, irvân tiang khom tang ngam maka, ‘O Pathian, keima mi sual hi lung nin kham roh,’ tiin a rôp ar chûm tâka.

ROM KHUAA MIHAI KUANGA TÎRTÔN PAULA LEKHATHON 3:19

Dân thuhai chu Dân hnuaia omhai chunga hmang hrang a nih ti ei inhriat; tûte’n ite an insîr thei loina hrang le rammual hi Pathian roirêla a omna hrangin.