CHAP HLA 1:20 - PATHIAN LEKHABU IRTHIANG C.L. Bible (BSI)

²⁰ Rengpa ki ituang lam hi ni en ro, Ki lum hlut hluta ite invol thei ma ung, Ki sual hrai sika a ni; Ki’rsîr tatak ta, Khandaia ni that hrang lak ki kôla hin an pung maia, In sûng tiang lak hripuiin a ni bôm.

CHAP HLA 1:20 ပူးပေါင်းရင်းမြစ်များ

JOBA 30:27

ki ningmurna hi dâi thei ta maka; Intak tuangnahai hin a ni de ta.

JOBA 33:27

“Thil dik tho loiin thil dik loi ki lei tho ta hi te, Khannisian, ki irphu angin chu la tuang ma ung,” ti’n vântâng laia hla sak a ti.

INPÂKNA HLAHAI 22:14

Tui anga bunpaiin ki oma. Ki ru murdihai khom irphêtin a oma: Ki milung hi khuaihlu angin a zôi zoi ta.

INPÂKNA HLAHAI 38:8

Ki’rzala, a ni zeng zuaka; Ki milung hoiloina sikin kin hrûm rak raka,

THUVÂRHAI 28:13

An siatna irthuphai chu tuanintung ngai mahai. Ip loia inpuanga irlettuhai chu Pathian lungkhamna dong an ti.

ISAIA 16:11

Khasikin ki sûnga rîlhai khom Moabhai inrenna sikin perkhuang irhâi angin ar hâi a oma, ki phîng khom Kir-heres inrenna sikin perkhuang irhâi angin a om zoi ta.

ISAIA 38:14

Vangalsâng angin kin hrâm ngaia, vasu angin kin kur long long ngaia. Chung tianga thîrin ki mit an vûng zoi ta. Rengpa imanêpa ki om hi, a bul zuang tum ta roh.

JEREMIA 14:18

Dâi pên tiang ki fe lakin, irdoina hmuna thi miruak tamtak ki hmua; Kho sûnga ki lûtin, phîngchâma thi mipui ki hmuhaia. Deipuhai le ochaihai chu an inhriat loina ram an pan tâka,” tiin.

JEREMIA 14:20

Rengpa ni chunga kin isual a ni ta; kin sualnahai le kin irchibulhai sualna kin inpuang a ni.

JEREMIA 2:35

ite tho’nchâi ma unga; ‘Rengpa chu ki chunga a ning a inmur pe ta loi a ni,’ ni tia. Aniachu, keima Rengpa’n sual sin loi anga nir huang sikin, dûk nang tho ki ti.

JEREMIA 3:13

Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.

JEREMIA 31:20

Efraima chu ki nâipa indit tak, ki inhlu ngôi ngôi a ini loi ma ni? Hnôl ki tum khomin ki milunga a om maia, ama chu kin hriat maia lung ki inkham sabak a ni.

JEREMIA 4:19

A na! tuang zoi ta ma ung, a na! Ki milung a na hraia a nin buai zoi ta! ki idâihrek thei ta loi a ni hi; bekul tum irhâi le irdoina khêk irhâi kin hriat tâk sikin.

JEREMIA 48:36

“Mi an inei murdi an inchân zoi hrangin, theihle tuma a chûlpuina hla an isak ngai ang hin, ki lungrîl chu Moab le Kir Heres ta hrangin a ichap a ni.

CHAP HLA 1:11

Fâk hrang zongin an khêka, An hringna hrangin an neinun sahai zuarin fâk nêk an zonga, “Rengpa, ni en ro, kin intem lam hi,” tiin khopui chu a khêka.

CHAP HLA 1:18

Rengpa hi chu a dik a nia, a thu ki zôm no sikin, mi murdi’n ki thurchi hi irngai ta roi, Ki ituang natinsat lam hi nin hmu ving, Kin ruatharte le dôngmatehai sala an in-ôk zoi tâk.

CHAP HLA 1:8

Jerusalem hin thil saloi a tho intam hrai sikin, a innim a ni ta. A’rngaiinhluhai khan an en irhniama, a silkai boi kha an hmusuak tâk sikin, Inzakin a khêka, hnung songsanin a om.

CHAP HLA 1:9

A porinchena a silkaia kopin, thup thei ta loiin a om. A zoro hek hrang ngaitua ta loiin a oma, a siatna irkhêl hrai sikin, Irtharngam pêktu tûte nei ta loiin; En ro, Rengpa kin ngîrhmun siat lam hi, râlhai an ihrât a ni ta,

CHAP HLA 2:11

Ki mitrithi suak hraina sikin, ite infel ma ung, Ki mihai dongtum kin sâpin kin renhai sabaka. Ki milung a siat sabak a ni. Nâipang le nâitesenhai khom kholaidunga ruak irtet dûlin an oma.

CHAP HLA 5:16

Ki lu ata rênglukhum a tâka; kin chung a rik, kin lei tho insual tâka.

EZEKIELA 7:15

Khandai chu pên tiang a oma, châm le hripui chu kul sûng tianga khan a lênga; loia om chu khandaiin thi an ta, khopui sûnga om chu hripui le châmin thi an ti.

DANIELA 9:5

Ni thupêk le roirêlnahai ata rotsanin kin suala, dikloi le felloi takin kin tho tâka;

HOSEA 11:8

O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

HABAKUKA 3:16

Kin hriatin ki sûngrîl kha an thinga, Ki hmûrhai kha hnukirhai khan an thing nor nora; ki ruhaia khan hmonna a hong lûta, Kha ki omna hmuna khan ki inthing a ni; Buaina nia khan irngam ki ta, Mipui, sipai pâl anga ni rûntu chunga a hong tung tika chu.

DÂN INHNINA 32:25

Tuala khandai tong an ta, in sûnga khom thil irkhêltak tak, dôngmate ruatharte, vânglai that an ta, nâipang khom tar khom hôi no nihai.