AMOSA 7:6 - PATHIAN LEKHABU IRTHIANG C.L. Bible (BSI)

⁶ Hi thu tiang hin Rengpa kha ar heikîra; Rengpa khan, “Hihai khom hi zuang tung no ni” a tia.

AMOSA 7:6 ပူးပေါင်းရင်းမြစ်များ

IRPHUTNA 6:7

Khanchu Rengpa’n, “Ki mihriam siam, hi irnênga omhai hi inboi ving inlân, mihriamhai, sahai, thilhring hai, chunglêng vahai leh hin; ki siam tâk sikin a sân ki’rsîr,” a tia.

1 THURCHI SUINA 21:15

Rengpa’n Jerusalem insiat hrangin vântîrtôn a zuang tîra, nuam nôk maka, vântîrtônhai kuang khan, “A ruk ta, tho ta no ro,” a tia. Khan vântîrtôn kha Jebus mi Arauna hruizôla khan vântîrtôn kha a ngîra.

INPÂKNA HLAHAI 106:45

A thuthung kha anni an hriat pehai maia, A lungkhamna irkhêl sikin an lungrîl a’rlet tâka.

INPÂKNA HLAHAI 135:14

Rengpa khan a mihai chu roirêl pe a ta, A suakhai chu lunginkham a ti.

INPÂKNA HLAHAI 78:38

Khannisianlân, ama chu inrennaa a sip sikin an pualoina kha a ngaidama, anni kha inboihai ma: A ni, voi tamtak a ningmurna kha a lâk kîra, A ninginmurna kha a rêngin insuak nuam ngai mah.

INPÂKNA HLAHAI 90:13

O Rengpa, zuang kîr nôk ro; idôr ten mo ni ning ni inmurtir hrang? Ni siahlohai chung thua khan ni lungrîl irlêkin lân.

FESUAKNA 32:14

Khasika khan kêng Rengpa’n a lungrîl an danglamtira, a mihai chunga vânduaina irkhêl intungtir hranga a lei ihril kha a irlêktir a ni.

JEREMIA 26:19

Khan rêng Hezekia le Judai ram mipuihai khan Mika kha that mahaia, Rengpa kha Hezekia a tih sikin, a nuam lam tho hrangin irnak a isong a ni. An chunga vânduaina irkhêl tak tung hranga lunginchong kha Rengpa’n a ithûlpai a ni. Atûn hin eini khomin ei chunga hin vânduaina ichiom tak ei intungtir hrang a ni ta,” an tia.

JEREMIA 42:10

‘Hi rama om mai nin nuamin chu, khaangin nangni siam loiin nangni san inding ki ta; nangni phôi loiin phunindet ki ti. Nin chunga siat ripna kin tungtir sikin, ki milung a ina a ni.

JOELA 2:13

nin puan ni loiin nin milung thêr unglân, Rengpa nin Pathian tiang khan irhei roi: ama kha lunginkham thei tak le inrennaa sip, milung irnêm le khonzâna nei intam, thil saloi ata hong kîr ngai a ni,” a tia.

AMOSA 7:3

Hi thu tiang hin Rengpa kha ar hei kîra Rengpa khan, “Ni nôk ta no ni”, a tia.

AMOSA 7:7

Hiang hin a nin entir nôka; khataka khan, Rengpa kha bang irdîn taka irfûktir kôla a ngîr ki hmua, a kuta enirmîlna a oma.

JONA 3:10

Khanchu, Pathianin an thilthohai kha enin, a lampui saloi kha an irheisan tih a hmua; an kuang a lei insîr tâk angin, tho a itum thil saloi kha Pathian khan ar hei kîra; a itho ta loi a ni.

JONA 4:2

Rengpa kuanga khan a chongchaia, “O Rengpa nang ki ngên, hi hi kin rama ki om laia ki insîr kha mo ni ma? Hi sika hin Tarsis tiang ki intânpat a ni kha te: nang chu lungkhamna sip, thil saloi tiang ata irheikîr ngai ni nih ti kin hriat.

ROIRÊLTUHAI 10:16

Khanchu, an kôla pathian dang irlimhai chu an paia, Rengpa chu chubai an mûk tâka; Israelhai inriang zia a hmu’n chu a sân lung an khamhaia.

ROIRÊLTUHAI 2:18

Rengpa’n hruaituhai a pêkhaia, Rengpa’n kha hruaituhai kha a ompuihai ngai, an dam sûng chu an râlhai kut ata a saninzôk ngai; anni dengintheitirtu le opbetuhai sika an inrûm chu Rengpa’n an ren nôkhai ngai.