AMOSA 5:2 - PATHIAN LEKHABU IRTHIANG C.L. Bible (BSI)

² Dôngmate irthiang Israel kha a tûk tâka; inding nôk ta no ni; a ram chunga pai thâk a ni ta; ama inngîrtir hrangin tûte om mahai.

AMOSA 5:2 ပူးပေါင်းရင်းမြစ်များ

JEREMIA 14:17

Khanchu Rengpa’n ki chardongna chu mipuihai kuanga hianga hril hrang hin a ni hrila: “A sûn a zânin ki mitrithi luang mai sianlân, ki chap hi mong no inlân, ki mihaiin intakna popliam an tong tâka an na hrai tâk sikin.

AMOSA 9:11

Hi thil thotu Rengpa thu suak khan hiang hin a ti, “Kha nikhuaa khan Davida kairêng chim kha indingtir ki ta, a pophai kha tuam ki ta; a siathai kha irfûktir nôk ki ta, tianlaia a iom angin sin nôk ki ti.

AMOSA 8:14

Pathian irlim sâla khomâksâma, ‘O Dan, ni Pathian a hring angin,’ le Beerseba fena lampui a ihring mai angin, tihai kha, khaang mihai khom kha chu irtet an ti, thoi nôk viat no nihai, tiin.

HOSEA 14:1

O Israel, Rengpa ni Pathian tiang khan kîr nôk ro, ni pualoina sika ngei ni itûk tâk a ni.

HOSEA 6:2

Sûn hni tena nin hringtir a ta; sûn thum nia ni kaithoi a ta, a makunga om ei ti.

CHAP HLA 2:13

O, Jerusalem imo ki itih ta hrang? Nangma ang hi tu mo om? O, Zion dôngmate, itin mo lungngam nang ki la isak hrang? a natna tong chu tuipui lian anga irzatak a ni sikin, tu mo a lan dam thei hrang?

JEREMIA 51:64

Babulon chu hiang hin ngîm a ta, thoi ta no ni. A chunga Rengpa’n siatchitna an tungtir hrang sikin,” tiin insîr roh. Jeremia thu’nsîrhai chu hi hin a imong a ni ta.

JEREMIA 50:32

Ni nam irpâkna chu irthîn a ta, inrîl a ti, tûte an dingtir nôk hrangin nang san no nihai. Ni khopui chu hâl ki ta, a kôlvêla om murdi kânghai ving a ti,” a tia.

JEREMIA 31:4

O dôngmate Israel, nan ding inthartir nôk ki ti. Nin khuanghai lâkin raifân taka lâm hrangin suak nin ti.

JEREMIA 18:13

Khan Rengpa’n, “Nam danghai kha irdonhai ngân roi ba; hianga thil hi a lei tung ta ngai mo? Israel mihaiin, thil intak tak an lei itho a ni ta.

JEREMIA 4:20

Vânduaina irkhêl tak an tungtir baka; Ram pumpui a isiat zoi a ni ta. Mitkhap kârin kin puan inhai a siat zoia; an puanzârhai ite om zoi ta mah.

JEREMIA 2:27

Thing chu nin pa a nia, lung chu nin nu a ni, nangni a tituhai nin rêngin nin hmâimôk a ti.

ISAIA 43:17

Sakor le tâli ki hruaihaia, sipai rual hrâttak ki ikoihai kha. An thal zoia, a thoi thei nôk om loiin, meiser thatpai rip angin an inthim zoi ta.

ISAIA 37:22

Rengpa Israelhai Pathian thu hril chu hi hih a ni: Zion nâinu’n nang a en irhnuaia, nang a innuisana, Jerusalem nâinu’n chu ni irot hi a lu nang an thikkhuma.

ISAIA 24:20

Zu’nrui angin hon hnîng van hnîng a ta, irnak irvun boi angin om a ti. Sualnahai hi irkhêl takin irtetpui a ta, thoi ta no ni.

ISAIA 14:21

An hong thoi khomin, hnuai chunga hin khua a sip loina hrangin an puhai sualna sikin an nâihai that hrangin tumin lân, iti’n.

ISAIA 3:8

Jerusalem chu a ichim a ni ta hi, Judai ram khom a isiat zoi a ni ta. Rengpa doiin an chonga, sin an tho ngai a ni, a roiinpuina an êsêl sikin.

2 RÊNGHAI 17:16

Rengpa an Pathian thupêk murdi chu an hnôla, dâr thîrin sehrâtte irlim inhni an irkula, chubai an mûka. pathiannu Aseri irlim an siama, ârsi chubai an mûka, Baal sin an thoa.

2 RÊNGHAI 15:29

Pekahia inlal zoro hin Assuria rêng Tiglat Pilesera hin Ijon khua, Abela Bethmaka, Janoa, Kades le Hazor khua hai lâkin, Gilead ram, Galili ram le Naftalia ramhai a lâk saa, mipuihai chu Suria rama a thonhaia.

JEREMIA 8:4

Rengpa’n a mihai kuanga insîr hrangin a ni tîra, “Mi an irtetin an thoi nôk ngai mo ni ma? Mi’n lampui chaninvâi sianlân, a ikîr nôk ngai mo ni ma?

JEREMIA 9:9

Hi thilhai sika hin anni chu dûk ki itho loi hrang mo? Hianga nam chunga hin phuba ki ilâk loi hrang mo? Keima Rengpa’n ki iti a ni.

JEREMIA 9:21

Thinahai chu ei inkhâra a hong lûta, ei in roiinpui tak sûnga a hong lûta; Nâipanghai chu kotbâia a tuk inrîlhaia, kholaia ruatharhai khom a tuk inrîlhai ta.