AMOSA 4:9 - PATHIAN LEKHABU IRTHIANG C.L. Bible (BSI)

⁹ Chârkhohroina le duichûtna’n nangni ki hrema: nin irhuanhai, nin grep irhuan hai, nin theipui kung hai, nin oliv thinghai murdi kha thing irnge irlungin a fâk zit tâk a ni: kha khom khan ki kuang hong kîr mak chêi, Rengpa thu suak khan a ti.

AMOSA 4:9 ပူးပေါင်းရင်းမြစ်များ

HAGAIA 2:17

Nin itho suakna murdi chârna hai, irngêhai le irialin nangni ki hrema; khannisianlân, ki tiang hong irhei ual mak chêi, ti hi Rengpa thu suak a ni.

DÂN INHNINA 28:22

Rengpa’n hri nangni irveitir a ta, inkhurpuihai irvei nin ta, invûng sa nin ti. Khua kang a ta, nin chîmuhai inchârtir a ta, thi chianna nin ti.

JOELA 1:4

Thing irnge irlungin a ifâk mihlia murdi chu khâihmimsein a fâka; khaihmimse’n a ifâk mihlia murdi chu irlungin a fâk zoi, thing irnge’n a ifâk ban ka kai kha irlungin a fâk zoi.

AMOSA 4:6

Khan, kei khomin nin khopui murdihai châmna le nin hmun murdihaia irsamna nangni ki pêka; kha tena khom ki kuang hong kîr mak chêia, Rengpa thu suak khan a ti.

AMOSA 4:8

Khanchu, khopui inhni mani, inthum mani kha khopui inkhata tui in hrangin an irvâka, khop mahaia: kha khom khan ki kuang hong kîr mak chêi, Rengpa thu suak khan a ti.

JOELA 2:25

Nin laia ki sipai rual tamtak ki tîr, khâihmimse hai, thing irnge hai, longak hai, thing irnge longakhaiin an ifâk zoi kumhai kha nangni thuan nôk ki ti.

JOELA 1:7

Ki grep hrui an siattira, ki theipui thing hôk a khêt infâi zita, a pai irhmanga; a ônhai khom a khêt invâr zoi ta.

JEREMIA 5:3

A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

JEREMIA 3:10

Hihai zoia hin Israel zuarpuinu, iamom loi Juda chu tumna diktakin ki kuang hong kîr tum loiin tumna milak thoa hong kîr tumin,” keima Rengpa’n ki iti a ni ta.

ISAIA 1:5

Itina mo nin la inuar pe mai? vîk nin la izong mai ma ni?

2 THURCHI SUINA 6:28

“Kin rama hin châm a hong tâka, hrihrâi a lênga, phâivua lumin chîmu a sêm insiata, khâi an intâma, râlhai an hong lian le ni mihai dam loiin an hong om tena hai,

1 RÊNGHAI 8:37

Hi rama hin châm a tâka, hri a lênga, chîmuhai a siata, hri a punga, an râlhaiin ni mihai an doia, inkhur khobûr a lênga an tong zoro khom,

DÂN INHNINA 28:42

Nin thei kung le chîmu danghai chu khâiin fapai zit an ti.

ISAIA 50:11

Khannisian, mâni meiser inchoka, ir-al thei chôihaio, nin thal irling thei vâra khan fe ngân roi ba, Rengpa kut ata nin idong hrang chu, intak tuanga nin ithal dôr dôr hrang a ni.

HABAKUKA 3:17

Theipui kung kha pâr ta no khom sian, Grephruia khan a ra om ta no ngân khomsian; Oliv sika sin sôlna kha mâkana hong niin, Loihai khan bu hong vâng ta no khom sian; Belra pâl kha a ina irthoka sâtthâka omin, Sehrât ina khan sehrât pâl khom om ta nohai khomsian,

ISAIA 9:12

Nisua tianga Suria, nitâk tianga Filistia Israelhai doi hrangin an bâi an âng khumhaia. Kha dôr khom khan Rengpa ningmurna hek maka, a kut a la irlek mai a ni.

HOSEA 11:5

Khannisian an irlet nuam no sikin, Aigupta rama tîr nôk ki ti, Assuria kha an rêng ni a ti.

MALAKIA 3:11

Nangni fâk irhmangpai petu nangni khap pe ki ta, khanchu, nin irnêng rahai kha nangni insiat pe ta no nia, irhuana nin grep ra kha nangni tâk irhmangpai pe ta no nia, Sipaihai Rengpa’n a ti.