AMOSA 4:7 - PATHIAN LEKHABU IRTHIANG C.L. Bible (BSI)

⁷ Khan, bu ât hrang zoro tha thum a la ni laiin nin chunga rotho hrang khom ki khapa; khopui inkhat chunga kin thotirin, khopui dang chunga inthotir ma ung: hmun khat chunga kin thotir ngaia, a tho no hmun kha a châr ngaia.

AMOSA 4:7 ပူးပေါင်းရင်းမြစ်များ

JEREMIA 3:3

Annihai tak sika hin kêng rua tho maka, rotui hnungkhôn khom a itho ta loi a ni. Kha tena khom khan notizuar ni la hmang maia. Inzakin ni biang sen zel suak maka.

FESUAKNA 9:26

Israel irchihai omna, Gosen ram ti no chu irial tâk loina om mah.

ISAIA 5:6

Mapai ki ta, a ôn sât ta no ning. A hmun khom chuan infâi ta no ning, hloi ilhling neiin sip zoi a ta, sûmhai thu pe ki ta, rua inthotir ta no ning.

JAKOBA toc2 JAKOBA 5:17

Elija kha eini anga mihriam ma mai kêng a ini, rua tho loi hrangin sathnem irngai takin a chongchaia, kum thum le tha ruk sûng irnêng chunga rua tho ta mah.

JOELA 2:23

Nangni, Zion nâihaio, lôm roi, Rengpa nin Pathiana khan raiinfân roi: rotui masa kha a ruk bakin nangni a pêka, nin ta hrangin rua an thotira, tha khatnaa rua masa le rua hnungkhôn kha.

FESUAKNA 10:23

Sûn thum sûng chu mi tukhom an om hmun ata suak thei loiin, a’rhmu khom irhmu thei loiin an oma, khan khom Israel irchihaiin chu an omna khan a vâr pehai maia.

FESUAKNA 9:4

Rengpa’n a kut thâk a ta, hri irkhêl tak hong om a ti. Khanchu Rengpa’n, Aigupta mihai le Israel mi sahai zêkhai a ta, Israel irchihai ta chu ite thi viat no ni,’ a tih ti’n hrilin lân,” a tia.

THUPHUANG 11:6

Khahai khan Pathian thu an insîr sûng chu rua tholoi hranga irvân khâr theina irtha an neia, tui, thisen, inchang theina irtha an nei sa, khabana rammual hi an nuam dôr dengintheina tinrênga dengintheitir theina irtha an nei sa a ni.

JOHANA 4:35

Nangni’n bu âtna hrangin ‘Tha minli a la om,’ nin iti ngai mo ni ma? Thîr unglân, loihai hi en u ta, buhai chu ât thei zôi zel hrangin a hmin ta tih nangni ki hril.

ZAKARIA 14:17

Tu nam khom Rengpa Pathian chu biak hranga Jerusalema a hong fe noa niin chu, an rama rua rêng rêng tho no ni.

JEREMIA 14:22

Nam danghai millimhai khan rua inthotir thei mahaia; Irvâna a bingin rua inthotir thei mah. O Rengpa, kin Pathian, kin sabeina chu ni chunga kin irnghat a ni, hi thil tinrêng tho ngaitu ni ni sikin.

JEREMIA 14:4

Rua a tho no sikin irnêng a châr zoi tâka, loi thotuhai lungzîngin an hmâi en sa ta maka.

DÂN INHNINA 11:17

Rengpa kha a ninginmur a ta, irvânhai khi khârin, rua inthotir no nia, irnênga ite rana no ni. Rengpa nangni pêk ram satak ata hi irhmangna lat nin ti.

FESUAKNA 8:22

Khanchu kha ni tena chu, ki mihai omna Gosen ram chu zêkpai ki ta, thoivâi om viat no nihai; hnuai chunghai khom hin Rengpa ki ni, ti an hong inhriat theina hrangin.

1 KORINTH 4:7

Tu mo mi chunga ulian nangni siam? Nin idonghai kha Pathian nangni ipêk ni ma mo? Nin dongin teh ithoa mo dong no anga nin irsong?

FESUAKNA 10:22

Mosia’n irvân tiang a bân a phara; khanchu sûn thum sûng chu Aigupta ram pumpui chu inthim irsa khakin a om tâka.

JEREMIA 14:3

Mi irchonghaiin an suakhai tui chôi hrangin an tîra, Tuikuang tiang an fea, khannisian tui hmu mahai, an tuibêlhai a rongin an hong ichôi nôk a ni. Inzak le beidongin an hmâi an thupa.