AMOSA 4:2 - PATHIAN LEKHABU IRTHIANG C.L. Bible (BSI)

² Rengpa pathian khan ama irthiangna sâlin khua a sâla: “Irngai u ta, thîrkuaiin nangni a lâk irhmanga, nin laia a la omsunhai nga irkuaia nangni lâk irhmang nikhua a hong itung hrang a ni.

AMOSA 4:2 ပူးပေါင်းရင်းမြစ်များ

JEREMIA 16:16

Khan Rengpa’n, “Nga chel ngaihai tamtak hong hi mihriam chel hranga ki ikoihai an ni. Kha hnung chu sa kâp ngaihai tamtak mual le tânghai le rôl le lungpui kârhaia annihai irdîp hrangin koihai ki ti.

INPÂKNA HLAHAI 89:35

Voikhat ki irthiangnaa sâlin khomâk ki sâma; Davida kuang milak insîr no ning.

AMOSA 6:8

Rengpa, sipaihai Pathian khan, Rengpa pathian khan ama le ama irsâlin khomâk a sâma: Jakoba lârirpâkna kha kin tira, a rêng inhai ki khôkmâka: khasikin khua le a sûnga om murdihai kha ki incheltir hrang a ni.

ISAIA 37:29

Ki chunga hin ni chiara, ni mualphoi dân ki len hriat zoi ta, ni hnâra hnâr kol irbun ki ta, patritui invol ki ta, ni fena hrang lama lei zam ki ta.

EZEKIELA 29:4

Khan ni bâi sûnga irkuai inlatir rap ki ta, Nail vadunga ngahai chu ni hlipa khan inkhophai ki ta, nang le ni tuidunga ngahai kha tâng châra nangni kêlsua ki ti; khanchu tukhomin nang la nuam ta no nihai, phûm khom nang phûm no nihai. Ramsa le chunglêng vatehai bu hrangin nang pe ki ti.

EZEKIELA 38:4

Ama chu irvêltir ki ta, a bâia irkuai infatir ki ta, a sipai murdihai leh kaitôlhai ki ti. A sipaihai le a sakorhai le a sakor chung chuang mihai chu tamtak an nia, sipai tam dôrin pho le khandai an chôi chita.

AMOSA 8:7

Rengpa khan, Jakoba roiinpuina sâlin khomâk a’rsâma, irlêkloiin an sintho rêng rêng irnghil viat no ning, tiin.

INPÂKNA HLAHAI 89:36

A’rchi thâkhai kha kumkhua’n om an ta, A rêngtoihmun kha ki makunga misa angin om sa a ti.

EZEKIELA 34:16

A lei irhmang tâkhai chu zonghai ki ta, a rothai khom hruai kîrhai ki ta, a pop a liamhai khom tuam pehai ki ta, dam loia omhai chu indamtirhai ki ti. Khannisian a dam le a marhai chu inboipaihai ki ti, thil dik tho ngai belrapu chu ki ni sikin.