AMOSA 4:1 - PATHIAN LEKHABU IRTHIANG C.L. Bible (BSI)

¹ Nangni Samari tânga lêng nuhai, Basan sehrât infa’n mar anghaio, inrianghai manêpa, irsamhai hnenga, pasalhai kuang, “Hong la unglân, in ei ti,” tituhaio, hi thu hi inhre roi.

AMOSA 4:1 ပူးပေါင်းရင်းမြစ်များ

INPÂKNA HLAHAI 22:12

Sehrâtchal tamtakin an nir hual vêla: Basan rama sehrâtchal hrât takhaiin an nir hual vêla.

AMOSA 6:1

Zion tânga hoi ta hraia omhai le Samari tânga raifân taka omhai le nam lian tak mi roiinpuihai, an kuanga Israela sûngkuahai an fenahai chung kha a zîng e!

AMOSA 5:11

Khasikin mi’nrianghai sirpha’n nakhrâtin bu nin lâkpai pea: lung irchuan inhai nin sina, khannisianlân a sûnga lêng no chin ni; grep irhuan hoihai nin siama, khannisianlân a uain in no chin ni.

EZEKIELA 39:18

Sipaihai hme chu fa an ta, irnêng chunga roirêltuhai thisen chu in an ti. Khahai kha an rêngin belrachalhai, belratehai, kêlhai le sehrât mar satakhai anga that ving ni an ti.

THUHRILTU 4:1

Khanchu, ki hei thîra, misa hnuaia dengtheina murdi chu ki hmua; khanchu irngai ta, dengtheia omhai mitrithi khom chu ki hmu saa; lungngam saktu hrang rêng rêng nei mahaia. Dengintheitirtuhai tiang khan sinthotheina chu a om sikin, anni chu tukhomin changpui mahaia.

MALAKIA 3:5

Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.

JOELA 3:3

Tasânin ki mihai an irsema; nâipanghai kha nupang pasalin notizuar le uain lâkna hrangin an zuara.

EZEKIELA 22:29

Mi lianhaiin mi huangin an lâkpai pehai ngaia, ram dang mihai chunga nuamningin an om ngai.

EZEKIELA 22:27

Sorkâr roirêltuhai khom chu inê, an sa fâk irchu irthêr ang an ni. Irchongna irzûlin mi an thathai ngai.

EZEKIELA 22:12

Ni mi senkhathai khan mi thatna hrangin tangka sumhai an lâka, senkhatin an Israel chanpuihai kuang a pung omin sum an inpûktirhaia, nuamninga lohaiin irchon an bûma. Keima an ni’rnghil tâka,” Rengpa Pathianin a ti.

EZEKIELA 22:7

Khopui mihai kha tukhom mâni nu le pa mahrip tho om ta mahaia, ram dang mihai hrangin, meithâi le farahai nuamningin an lohaia.

JEREMIA 51:34

Babulon ram rêngin Jerusalem ar chan india, a ifâk a ni. Khopui chu bêl angin a rongin an omtira, rûlpui angin a invol a ni. A inuam murdi a chôia, a danghai chu a ipai a ni.

JEREMIA 50:27

Sipaihai chu that ving unglân, irchan paihai roi! Babulon ram mihai chung chu intak pehai a ti, anni dûk tho zoro a hong tung tâk sikin,” a tia.

JEREMIA 7:6

Ram dang mihai, farahai le meithâihai hnuaisia ma unglân, hi rama thilsual tho loihai that ma ta roi. Nangni an siat hrang sikin pathian danghai chubai mûk kha ma ta roi.

JEREMIA 6:6

Rengpa itinrêng thotheiin, “Ki rênghai chu Jerusalem an lâk theina hrangin, thing phûra a lût theina hrang leidâk do hrangin thu a pêk tâka. Irhnuaisiana sip a ni sikin, hi khopui hi dûk ki itho hrang a ni.

ISAIA 58:6

“Bu nghei hrang dân ki inuam lam chu, dik loitaka mi dang nin intumnahai mâksana, an ringkol hrui insatpaia, mi dengintheitirhai ngai irletna le, an puak rik murdi inzângtirna hi kêng a ini.

ISAIA 5:8

Mi danghai nêka, tam ualin, irhuan hmun lian thohaio, nangni intak pe a ti. Tûte irleng ta no nihaia, beidong tuangin nin bingin la om nin ti.

THUHRILTU 5:8

Inrianghai chu sorkârin dengintheitirhaiin felna le dikna chu an chunga tho pehai loia an iom ni hmu khomin, ni charindong no roh. Ram hruaitu murdihai chu anni nêka irsâng ualhaiin an en zuihai maia, khan anni nêka irsâng ualhai khom chu an la oma.

INPÂKNA HLAHAI 140:12

Rengpa khan dengtheina tuanghai chu an chungchânga thop a ti, ti kin hriata, Mi irsamhai hrangin roirêl dik inlang a ti.

INPÂKNA HLAHAI 12:5

Rengpa khan, “Inrianghai sirbea an om sik le, invâihai inrûm sikin thoi zôi ki ti.

JOBA 20:19

inrianghai kha opbe’n a’rheisanhaia, mi in sin sai kha ar chûpuihaia.

1 RÊNGHAI 16:24

Semera kuang ata Samari tânga sumru sângruk leh a’rchôka, kha hmuna khan khopui an dinga, kul a siama, kha tâng neitu irhming Semera chôiin a khua irhming khom Samari a tia.

DÂN INHNINA 28:33

Sôl taka nin itho suak kha nin inhriat ngai loi nam dangin nangni hong lapai pe an ta; kha nin dengintheina le opbêna no chu ite hlo no chin ni.

JEREMIA 50:11

Khan Rengpa’n, “Babulon rama mihai, ki nam nin insiata, lômna le râifânna’n nin sipa, sepui buchîl angin le sakor inhrâm angin nin irvêl thût thûta.

DÂN INHNINA 24:14

Mi’nriang le mi’nvâi chu, nangni irchipui a ni mani, nin kho sûnga om sa nam dang a ni’n mani sinthoa nin sorin chu dengintheitir no roi;

EZEKIELA 18:12

inriang le mi irsamna neihai deng an theihaia, a huanghaia, mi’n neinun bândaa an isia khom pe kîr loiin, millim biakin, thil porinchehai a thoa,

AMOSA 6:6

berbu liana uain ina, hriak sataka irpolhai kha; khannisianlân Josefa-hai intakna sikin charindong mahai.

NAMBAR 21:33

Khanchu an kîr nôka, Basan lampui tiang an fea, khanchu Basan rêng Oga chu sipai hruaiin Edrei-a doi hrangin a suaka.

JOBA 24:4

Inrianghai an soisakhaia, Ram sûnga mi inrianghai an thuphai ngaia.

THUVÂRHAI 22:7

Inrianghai chu irchonghai suak an ni. Lâkai ni lâkin chu nin tângnapu suak ni ni.

ISAIA 28:1

Phâi hoitak kôla om, Efraima inrui thal âka om chu an tak pe. Zû’nrui pâr beta a ichuai angin an ichuan khopui, rênglukhum sa chu, chuai a ti.

ISAIA 56:12

“Tho zu zong ei ti; rakzu tui thum in telin om ei ti, nangtûk len vâng chu a vuana nêkin la thum ual a ti,” an ti.

EZEKIELA 34:16

A lei irhmang tâkhai chu zonghai ki ta, a rothai khom hruai kîrhai ki ta, a pop a liamhai khom tuam pehai ki ta, dam loia omhai chu indamtirhai ki ti. Khannisian a dam le a marhai chu inboipaihai ki ti, thil dik tho ngai belrapu chu ki ni sikin.

AMOSA 3:1

O, Israel nâihaio, Aigupta ram ata ki ihruai suak in sûngkuahaio, Rengpa’n hianga nangni a ihrilsiatna thu hi irngaitua roi,

AMOSA 3:3

An irngei no’n chu mi inhni an ife suam thei hrang ma ni?