AMOSA 2:7 - PATHIAN LEKHABU IRTHIANG C.L. Bible (BSI)

⁷ mi inrianghai lu chunga pildi ten khom an hnarsaa, inrianghai an inrûkpai pea, pa le nâipa’n dôngmate inkhat an inmai irhlôma, ki’rhming irthiang an porinchetir a ni.

AMOSA 2:7 ပူးပေါင်းရင်းမြစ်များ

AMOSA 5:12

Nin sualnahai a tamzia le nin sualnahai a’rkhêlzia kin hriata; mi felhai dengintheitira, fâkinrûkna lâka, kul mikota mi irsamhai dongtum ngei khom pêk phal loihai.

EZEKIELA 22:11

Senkhat uire an oma, senkhat an moi siatpui an oma, senkhat an far inchanghai chunga sinsiat tho khom an oma.

ISAIA 10:2

Inrianghai lampui nin danhaia, diktaka roirêl pe ni ngai mahai; meithâihai huangin, farahai nin inrûk pehai ngai.

1 KORINTH 5:1

Nin laia irditna saloi a om tih mi’n an hong insîr bak ngaia, khaang dôra irditna saloi kha chu Jentailhai laia lua om ngai mah. Mi inkhatin a puinghâksia a zâlpui ngai ti khom ki lei inhriat.

MIKA 2:9

Ki mi nupanghai kha an in hoitak ata nin inhnot suaka; an nâipangtehai ata ki roiinpuina kha nin lâkpai ving tâk a ni.

MIKA 2:2

Mi dang loihai an irzuka, an lâkpai pehaia; inhai an irzuka an lâk tâka; mi le an in sûng mihai, mi le an irchonhai dênin an ihnuaisia a ni.

ROM KHUAA MIHAI KUANGA TÎRTÔN PAULA LEKHATHON 2:24

“Nangnihai sikin Pathian irhming chu Jentailhai laia hrilinsiat a ni,” ti irziak ang khan.

ZEFANIA 3:3

A sûnga a hruaituhai kha kâmkeibaknei inrûm lai an nia; a roirêltuhai kha khohloi tianga ine an nia; a tûk dêna insoi hrang ite hôi mahai.

AMOSA 8:4

Hi hi irngaitua roi, O! mi’rsamhai fâk zoi nuama, ram mi’nriang inboi nuamhaio.

AMOSA 4:1

Nangni Samari tânga lêng nuhai, Basan sehrât infa’n mar anghaio, inrianghai manêpa, irsamhai hnenga, pasalhai kuang, “Hong la unglân, in ei ti,” tituhaio, hi thu hi inhre roi.

EZEKIELA 36:20

An fena hmun tina, ki’rhming irthiang chu an porinchetira, a san chu mihaiin, ‘Hihai hi Rengpa mihai chu an nia, a ram ata rothai chu an ni,’ an ti ngai sika hin.

THUVÂRHAI 28:21

Theibîk nei hi dik mah. Roirêltu senkhat chu a chînte thilpêk inrûk hmûna hrang sikin tho’nsual an ti.

1 RÊNGHAI 21:4

Jezreel mi Nabota’n, kin puhai irhuan irchon nang pe thei no ning a ti sikin ningmur puma nuarin a in tiang Ahaba chu a rota. Bang tianga irheiin a zâlhmuna a zâla bu khom ne nuam ta maka.

2 SAMUELA 12:14

Khannisianlân hi ni thil tho hin Rengpa irhming a insiat hrai sikin ni nâi kha chu a ithi ngêt hrang a ni,” a tia.

LEVI DÂN 20:3

Mâni nâi Moleka kuang inhlana ki hmun irthiang porinchetira, ki’rhming irthiang insiattu chu irheisan ki ta, ensan ki ti.

LEVI DÂN 18:15

Ni nâipa dôngma, ni moi khom pôl no ro,

LEVI DÂN 18:8

Ni pa dôngma dang tukhom pôlin ni pa ni imualinphoitir hrang ni ma.

HOSEA 4:14

Nin nâinuhaiin noti an zuara, nin moihai an uire’n hrem no ning: anni ngei khom notizuarhai le an bingin an fe sikin. Notizuarhai leh hmunkhatin irbôl suama; inhre thiam loi mipuihai kha tûk siat an ti.

LEVI DÂN 18:21

Moleka biakna hrang hâlirvôm hrangin ni nâi ni ipêk viat viat hrang ni ma, ni Pathian irhming ni porinchetir ni ti, Rengpa ki ni.

ISAIA 3:14

Rengpa’n an ulianhai le an hruaituhai chung thu a hong rêla. Nangnihai hi grep irhuan inram zoitu nin ni, mi inrianghai thil nin lâka, nin ina nin bukkhôma.

ISAIA 3:15

Ithoa mo hianga ki mihai nin isoisakhai, mi inriang an ineisun nin lâk pehaia? Rengpa, tinrêng Rengpa thu suakin a ti.

ISAIA 10:1

Dân ihnôngom tak siamin, thupêk ngar tak insuaktuhai nin lu chung la rik a ti.

AMOSA 5:11

Khasikin mi’nrianghai sirpha’n nakhrâtin bu nin lâkpai pea: lung irchuan inhai nin sina, khannisianlân a sûnga lêng no chin ni; grep irhuan hoihai nin siama, khannisianlân a uain in no chin ni.