2 SAMUELA 9:11 - PATHIAN LEKHABU IRTHIANG C.L. Bible (BSI)

¹¹ Ziba khan rêng kuang, “Rêng ka pu’n thu ni ni ipêk lam ang takin tho ki ti,” a tia. Khanchu Mefiboseta khan rêng nâi inkhat anga rêng dokânga khan khalâi a ot mai tâka.

2 SAMUELA 9:11 ပူးပေါင်းရင်းမြစ်များ

2 SAMUELA 15:15

Reng mihai khan rêng kuang, “A ni, ka pu, nang a zuituhai hin kin pu iti murdi tho hrangin kin irsiam diam a ni,” an tia.

2 SAMUELA 19:17

A kôla Benjamina mi sîngkhat hruaiin a zuanga, Saula in sûng mihai enkoltu Ziba le a nâipasalhai sôm hleiringa le a zui sômhnihai khom rêng tung mân Jordan dung an zuang tunga.

2 SAMUELA 19:24

Kha hnung chu Saula tupa Mefiboseta kha rêng don hrangin a zuanga. Rengin Jerusalem a mâk nia irthokin râl irngam taka a hong kîr nôk ni dêna khan Mefiboseta kha a ke khom irsu loiin, a hnerkamul khom ep irrualtir loiin, a puanhai khom irsu loiin.

2 SAMUELA 19:26

Ama khan, “O rêngpa, ke’nbâi ki nih ti khom nin hriata. A ni zuitu kuang, rêng le kin fe suam theina hrangin ki chuangna hrang sakuartung nir fûktir pe’n lân, ki tia, khannisian a ni huanga.

2 SAMUELA 9:10

Nangma le ni nâipasalhai le nang a zuituhai ta hrangin ram kha chîmu song pehai nin ta; ni pu nâipa khan fâk hrang a nei theina hrangin ni chîmu invânghai kha ni hong ichôi pe ngai hrang a ni. Mefiboseta hi chu ki dokânga khalâi a iot mai hrang a ni,” a tia. (Ziba khan nâipasal sôm hleiringa le a zuitu sômhni a ineihai a ni.)

2 SAMUELA 9:12

Mefiboseta khan nâipa, la nâipangtê a neia, ar hming chu Mika a ni. Ziba ina om murdi kha Mefiboseta zui an hong ni tâka.

2 SAMUELA 9:13

Khanchu Mefiboseta a ke inhnia inbâi kha Jerusalema a oma, rêng dokânga khalâi a iot mai tâk a ni.