2 SAMUELA 8:6 - PATHIAN LEKHABU IRTHIANG C.L. Bible (BSI)

⁶ Kha hnung chu Davida khan Suria rama Damaska khan sipai a siaa; khanchu Suria mihai kha Davida thuhnuaia an om tâka; khâzana an hong pêk ngaia. Rengpa’n Davida chu a fena tina inhnêna a pêka.

2 SAMUELA 8:6 ပူးပေါင်းရင်းမြစ်များ

2 SAMUELA 10:19

Khaang khan Hadadezera thuhnuaia an rênghai khan Israelhai makunga an dinghmun a siat tâk ti an inhriatin chu, Israelhai leh irngeina an siama, an thuhnuaia an om tâka. Khanchu Suria mihai khan Amon irchihai kha san nôk ngam ta mahai.

2 SAMUELA 23:14

Kha zoroa khan Davida chu tânga irhuana a oma, khan Filistia sipaihai pâl khan Bethelehem-a an oma.

2 SAMUELA 3:18

Atûn hin nin tah hrangin zoro inchum a ni. Rengpa’n Davida chungthua khan, ‘A ni zui Davida kutin ki mi Israelhai kha Filistia mihai kut ata le an râlhai murdi kut ata kha saninsuahai ki ti,’ a iti kha inhre mai roi,” a tia.

2 SAMUELA 5:10

Rengpa itinrêng sin thei Pathian kha a kuang a om mai sikin, Davida chu a hong iroiinpui u ual a ni ta.

2 SAMUELA 7:9

Ni fena hmun tina ni kuang ki om maia, ni maton tianga râl omhai ki’rzûlpaihai ngaia. Irnênga mi inthangtak takhai irhming angin irhming inthangin nang ki siama.

2 SAMUELA 8:14

Edom ram hmun tina sipai a siahaia, khanchu Edom mi murdi kha Davida thuhnuaia an om tâka, khâzana an hong chôi ngaia. Rengpa’n Davida chu a fena kipa an hnêtir maia.

2 SAMUELA 8:2

Kha zoiin Moab mihai a doi inhne nôka, a hringa a ichelhai kha irnênga an zâltirhaia, inthum laia inhni a thathaia. Khanchu Moab mihai kha a thuhnuaia an om tâka, khâzana an hong ichôi ngai a ni ta.

2 SAMUELA 8:7

Davida khan Hadadezera mi lianhai rângachak phohai a lâkpai pea, Jerusalema a chôia,

1 RÊNGHAI 4:21

Solomona chu Eufrates tuidung ata Aigupta ram dep Filistia ram dênin roi a rêla. Kha ram pumpuia khan Solomona kuang omna man chôiin an oma, Solomona dam sûng chu a khua le tuia tep sa an ni.

2 RÊNGHAI 1:1

Israel rêng Ahaba a thi zoiin chu Moabhai chu kha Israelhai leh ir-en nuam mahaia.

2 RÊNGHAI 14:28

Jeroboama sintho dang murdi chu, irdoina hmuna a hâi lam le Damaska le Ferkânna Hamath, Israelhai ram a ilâkna thuhai chu Israel rênghai thurchi irziakna lekhabua a chuang.

2 RÊNGHAI 18:7

Khasikin, Rengpa’n a ompuia, a sin thôna murdi hmang a ichang pe a ni. Assuria hai a doihaia, an thu la nuam loiin a oma.

2 RÊNGHAI 3:4

Moab rêng Mesa khan kêlbelra a vâia, a kum tin Israel rêng kuang chôirual angin belrate nuaikhat le belrachal nuaikhat mul a pêk ngaia.

1 THURCHI SUINA 18:13

Edom rama sipai a siahai hluka, Davida khua le tui an chang zoi ta. Rengpa’n Davida chu khô hmuna khom an hrâttir mai ta.

2 THURCHI SUINA 17:2

Judai ram kul omna khuahaia sipai a siaa, Judai ram thingtânga sipai a siahaia.

INPÂKNA HLAHAI 140:7

O Rengpa, ki Pathian, ki saninzôkna det, Nangma’n irdoi nia khan ki lu ni ni hôi pea.

INPÂKNA HLAHAI 60:10

O Pathian, nangma ngeiin ni ni inthâ mo ni ma? O Pathian, kin sipaihai kuang lak suak ta mak chea.

THUVÂRHAI 21:31

Sakor chu râl buala hmang hrangin le irsiam chian thei a ni ngai, Khannisian inhnêna chu Rengpa ta a ni.

1 SAMUELA 13:3

Jonathana khan Gibe khuaa Filistia sipaihai kha a doi inhnêa, Filistia mihaiin an len hriata. Kha hnung chu Saula khan Hebrai mi murdi irdoina koi hrangin mi a tîra, an ram pumpuia khan bekul an tuma.

1 SAMUELA 14:1

Sûn khat chu Saula nâipa Jonathana khan râltukfam chôitu ruathartepa kuanga khan, “Tho so varâl tianga Filistia mihai riakbuka son la va fe rei,” a tia. Khannisian Jonathana’n a pa chu inhril maka,

1 SAMUELA 14:15

Filistia mi murdi tâng rama omhai khom an irlo a len thing sêpa; râl hrungtuhai le riakbuka omhai khom a satêrenga irlo inthinga ichiin an oma, irnêng inhnînga, chardong irkhêl tak an ituang a ni ta.

1 SAMUELA 14:6

Jonathana khan a râltukfam chôitu ruathartepa kuang khan, “Tho sertan loi Filistia sipaihai omna son la va fe rei. Rengpa’n a ni san duai khom a ni thei; a ni sanin chu ei tôm khoma ei tam khoma a saninzôka om Rengpa ta hrangin ite tho thei loi om ma,” a tia.