2 SAMUELA 8:11 - PATHIAN LEKHABU IRTHIANG C.L. Bible (BSI)

¹¹ Reng Davida khan kha thilhai kha Rengpa ina hmang hrangin an hlana, khabana ram dang mi a inhnê tâkhai ata sumru le rângachak a ilâkhai khom kha an hlan sa tâka.

2 SAMUELA 8:11 ပူးပေါင်းရင်းမြစ်များ

1 RÊNGHAI 7:51

Reng Solomona’n Rengpa tempil a sin zoiin chu a pa Davida’n a lei iser ngai hai, sumru hai, rângachak hai, bêlbûr hai, chu tempil sum sianaa khan a hrêhai ta.

MIKA 4:13

O Zion nâinu, thoiin lân chîl roh: ni ke kha thîr angin siam ki ta, ni ke zapha hmorhai kha dâr angin ki isiam hrang a ni: khan, chi tamtakhai kha zêm phiar ni ti; an thil hlep Rengpa ta hrangin ser indang bîk ni ta, an sum kha irnêng pumpuia Rengpa ta hrangin ser indang ni ti.

1 THURCHI SUINA 29:2

Ki thei la lamin ki hrâtna ki lei hmang tâka, rângachak hai, sumru hai, dârhai, thîr hai, thing hai, lunghlu hai, lung mantam hai, lung enhoi, le sailungvâr hai ki bukkhôm tâka.

1 THURCHI SUINA 18:11

Edom hai, Moab hai, Amon hai, Filistia hai le Amalek hai a sutpaia, rângachak hai, sumru hai le dârhai chu Davida’n tempil sinna hrangin a pêkpai vinga.

2 SAMUELA 8:10

Khanchu Hadadezera kha a doia, an hne sikin chubai mûk hrang le lômpui hrangin Toia khan a nâipa Jorama kha Davida kuang a tîra. Hadadezera khan Toia hi a lei idoi ngai a ni. Khante, Jorama khan sumru le rângachak hai, dâra siam thil a hong chôi pea.

2 THURCHI SUINA 5:1

Khanchu, Solomona’n Rengpa in ta hranga a isin chu a zoi diam tâka: khanchu Solomona’n a pa Davida’n thil a lei inhlan tâkhai kha a bukkhôm nôka; tangkarua hai, rângachak hai, hmangrua dang murdi chu Pathian ina irchon hrêna khan a sia tâka.