2 SAMUELA 7:24 - PATHIAN LEKHABU IRTHIANG C.L. Bible (BSI)

²⁴ Khaang khan Israelhai chu kumtuanga ni mihai ni hrangin ni siamhai tâka. Nangma, Rengpa chu an Pathian ni nia.

2 SAMUELA 7:24 ပူးပေါင်းရင်းမြစ်များ

DÂN INHNINA 26:18

A vuan hin Rengpa khan a inkung angin a mihai ta hrang nangni a pom tak tak tâk a ni.

1 PETERA toc2 1 PETERA 2:10

Matona khan Pathian mi la ni ngai mak chêia, atûn chu Pathian mihai nin hong ni tâk; matona khan Pathian za’rngaina lan hre ngai mak chêia, atûn chu a za’rngaina nin hong dong tâk kêng.

JOHANA 1:12

Mi senkhatin chu an lei lôma, ama iamtu murdihai chu an kuang Pathian nâihai ni theina hrang a pêka.

JEREMIA 31:33

Kha ni tena Israel in sûngkuahai le ki thuthung hrang chu hi hi a ni. An lungrîla ki dân sia ki ta, an milunga irziak sa ki ti. Kei an Pathian ni ki ta, anni chu ki mihai ni an ti.

ISAIA 12:2

Pathian chu a ni saninhringtu a ni, Ama iam ki ta, chi ta no ning. Rengpa ki Pathian chu, a nin hrâttu, ki hla a ni. A ni saninhringtu a ni.

INPÂKNA HLAHAI 48:14

Hi Pathian hi kumkhontuanga ei Pathian a ini hrang a ni: Thi dên khoma a ni hruaitu ni a ti.

IRPHUTNA 17:7

Khan kei le nangma le ni’rchi hong pung hranghai Pathian ni hrangin kumtuanga hek ta loi hranga thuthung ki indet a ni ta.

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

HOSEA 1:10

Aniachu, Israel nâihai kha tuikhanglian chiai vâiphin, varh theiloi le tep sêng loi zât ni an ta, khan, hiang hin ni a ta, an kuang, ki mihai ni mak chêi, tihna hmuna khan, Pathian hring nâihai nin ni e, ti ni a ti.

JEREMIA 32:38

Khanchu ki mihai ni an ta, keima an Pathian ni ki ti.

JEREMIA 31:1

Kha zoiin chu keima hi Israel in sûngkua murdihai Pathian ni ki ta, anni khom ki mihai ni an ti, Rengpa thu suakin a ti.

1 THURCHI SUINA 17:22

Israel mihai chu kumtuanga ni mi ni hrangin ni tia, o Rengpa nang hi Pathian tatak ni ni ngêt a ni.

2 SAMUELA 7:23

Nangma mi innitir hrang, sal ata ni irtansuakhai, ni mi Israelhai anga rêng rammuala hin om mahai. An ta hranga thil roiinpui le thil irkhêl ni ithohai khan rammual pumpuia nir hming chu inthangin a iom a ni. Aigupta ram ata ni dongtum hranga ni inzôkhai kha, ni mihai kha maton tiang an fe mai lai khan nam dang le an pathianhai kha nin hnotsuak pehaia.

DÂN INHNINA 27:9

Mosia khan Levia irchi ochaihai le Israel mi murdi kuang, ‘O Israelhaio, nin beng do unglân, ki thu hi irngai u ta. A vuan hin nin Pathian Rengpa mihai nin ni tâk a ni.

FESUAKNA 15:2

Rengpa chu ni changpuitu hrât tak a nia, Ki saninhringna a nia, ki Pathian a ni, ama inpâk ki ti, ki Pathian a ni, ama chôiindôm ki ti. Kin pahai Pathian a nia, a roiinpuizia hril kin ti.

FESUAKNA 6:7

Khanchu ki mi ni ta nin ta, kei nin Pathian ni ki ti; khanchu keima hi nin Pathian Rengpa Aigupta hai suak nin changna ata hruai suakpu ki nih ti inhria ta nin ti.

IRPHUTNA 17:8

Khan ni kôl le ni hnunga ni’rchi la hong om hranghaiin chu ni mikhualna ram, Kanaan ram murdi hi kumkhua irchon hrangin nangni ki pêk; khan keima hi an Pathian ni ki ti,” a tia.

DÂN INHNINA 32:6

Mi’nvêt le mi hnanghaio, hiang hin mo Rengpa nin Pathian kha nin ithuan hrang? Nangni neitu nin pa a ni, nangni a siama, nangni a inpuihlingtir a ni.

2 SAMUELA 7:25

“Khan, atûn hin O Rengpa Pathian, ni suak chungchâng thu le ar chi suanpârhai chungthu ni insîr kha kumtuanga hrangin indetin lân, ni ihril tâk ang khan tho roh.