2 SAMUELA 7:23 - PATHIAN LEKHABU IRTHIANG C.L. Bible (BSI)

²³ Nangma mi innitir hrang, sal ata ni irtansuakhai, ni mi Israelhai anga rêng rammuala hin om mahai. An ta hranga thil roiinpui le thil irkhêl ni ithohai khan rammual pumpuia nir hming chu inthangin a iom a ni. Aigupta ram ata ni dongtum hranga ni inzôkhai kha, ni mihai kha maton tiang an fe mai lai khan nam dang le an pathianhai kha nin hnotsuak pehaia.

2 SAMUELA 7:23 ပူးပေါင်းရင်းမြစ်များ

2 SAMUELA 7:24

Khaang khan Israelhai chu kumtuanga ni mihai ni hrangin ni siamhai tâka. Nangma, Rengpa chu an Pathian ni nia.

1 THURCHI SUINA 17:21

Israel mihai ang hi rammuala nam dang om mahai, suak ata nir tana, Aigupta ram ata ni hruai suakhaia, thil roiinpui le irkhêl ta tak ni thoa nir hming an lâr tâka.

NEHEMIA 1:10

“Khan hihai hi ni siahlohai le ni mihai, ni sintho theina irkhêltak le kut hrât taka ni irtansuakhai an nia.

INPÂKNA HLAHAI 106:22

(Hama rama sinirkhêl takhai, Tuikhanglian Sen kôla thil irkhêl takhai) thotu chu.

INPÂKNA HLAHAI 111:9

Ama khan a mihai kuang irtanna a zu tîra, A thuthung chu kumkhua hrangin an kunga; A’rhming chu a’rthiangin a roiinpui a ni.

INPÂKNA HLAHAI 145:6

Mihaiin ni sintho ichiom takhai irtha neizia chu insîr an ta, Kei khomin ni roiinpuizia inpuang ki ti.

INPÂKNA HLAHAI 147:20

Ama khan tu nam chunga khom ama ang khan tho ngai ma; A dân lak chu inhre ual ma. Rengpa chu inpâk roi!

INPÂKNA HLAHAI 40:5

O Rengpa ki Pathian, nangin sinirkhêl ni ithohai leh, keini tiang ni ngaituanahai hi a tam tak taka, Khahai kha ni makunga inlangtir zoi zât ni maka; Inhriattirin hril hrang ni inlân, Tep zoi zât ni no ni.

INPÂKNA HLAHAI 44:3

Ram hi lua hranga anni khandaia an ilâk ni maka, Anni bâna irsaninhring ni ual mahai: An chunga ni lôm sikin, Ni kut chang tiang le ni bân le, ni hmêl vârin a ni uala.

INPÂKNA HLAHAI 65:5

O a ni saninhringtu Pathian, Thil irkhêlhaiin fel takin ni sâm ni ta; Nang chu kôlkunga mi murdihai le, Tuikhanglian chung hlataka omhai iamna chu ni ni:

INPÂKNA HLAHAI 66:3

Pathian kuang, “Ni sinthohai kha ar khêl bâka! Ni sinthotheina irkhêlzia sikin nang a doituhai chu ni kuang irpelût an ti.

FESUAKNA 12:12

Kha zân ngêta khan Aigupta rama fe ki ta, sa le mihriam an rêngin nâilutîr kai chu that ving ki ta; khante Aigupta rama pathianhai chunga roirêlna intung ki ti. Rengpa’n ki iti a ni.

FESUAKNA 33:16

Kin kuang ni hong sa no’n chu, ni mihai le ki chunga hin ni milung a chuk a nih ti itin mo kin inhriat thei hrang? Ni ompuina khan irnêng chunga mi danghai laia danglamna tak a ni inneitir hrang a ni,” a tia.

FESUAKNA 6:7

Khanchu ki mi ni ta nin ta, kei nin Pathian ni ki ti; khanchu keima hi nin Pathian Rengpa Aigupta hai suak nin changna ata hruai suakpu ki nih ti inhria ta nin ti.

FESUAKNA 9:15

Atûn hin ki kut irlek ki ta, ni mihai le nangma khom hripuiin nangni hrem ki ta, hnuaia irthokin sâtpai ni ta ni ti.

FESUAKNA 9:16

Khannisianlân hi thil ki ithôna ang taka hin ki sinthotheina chu inentir a ni theina hrangin le, rammual pumpuia ki’rhming puang indarh a ni theina hrangin nang ki la indam mai a ni hi te.

JEREMIA 32:20

Zoro fe tâk, tiana khan Aigupta rama sinirkhêl le irsinsiana thilhai ni thoa, a vuan sûn ten hin Israel rama le nam danghai laia ni la tho maia, khaangin atûn hmun tina inhriatin ni iom a ni ta.

JEREMIA 32:21

Sinirkhêlhai le irsinsiana thilhai hmangin kin râlhai nin thotira, ni mihai Aigupta rama irthokin hruaisuak hrangin ni sintho theina le ni’rnak ni ihmang a ni.

EZEKIELA 20:9

Khannisian, an omna namhai mithmua ki’rhming a siat loina hrangin an chunga ite tho ta ma unga, Aigupta ram rengata hruaisuakin an kuang ki inhriattir zêl a ni ta.

NAMBAR 6:27

Khanchu Rengpa’n, “Israel irchihai chunga khan ki’rhming hi satvurna’n an inpuangin chu, kei khomin satvurhai ki ti,” a tia.

EFESI 1:6

A lungkhamna roiinpui tak sika a Nâipa lungthunga thilmanboi pêk sikin Pathian inpâk ei ti.

DÂN INHNINA 10:21

Nin mit ngeia nin ihmu, thil roiinpui tak tak le irkhêl tak tak tia nangni chôiindômtu hi nin Pathian chu a ni.

DÂN INHNINA 15:15

Aigupta rama khan suak nin nih ti kha inhre mai roi; Rengpa nin Pathianin suak nangni a insua a ni.

DÂN INHNINA 33:29

O Israel, ni vânnei bâka, Nangma ang hi tukhom om mahai, Rengpa saninhringna nam nin nia, Rengpa kha ni pho le khandai a ni. Nang sûnghual hrang le inhnêtu ni ni theina hrangin ni râlhaiin lungkham an ngên tâka; nangin sirpha ni ti.

DÂN INHNINA 9:26

Rengpa kuanga khan ki chongchaia, O Rengpa pathian ni mi ni’rchon dong hranghai hi thatpai chit no ro, Aigupta ram ata roiinpui takin ni’rtansuaka, inhnê takin ni ihruai suak a ni kha te.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

JOSUA 7:9

Kanaan mihai le hi rama omhaiin an inhriatin ni’rhual an ta, ni that zit an ti! khanchu, a mihai khom hualsûng zoihai mah ni ti ngêt an ti,” a tia.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.