2 SAMUELA 7:18 - PATHIAN LEKHABU IRTHIANG C.L. Bible (BSI)

¹⁸ Khanchu Davida kha irtongna puan ina khan a lûta, Rengpa makunga toiin a chongchaia, “O Rengpa Pathian, tu mo ki nia, ki in sûngkuahai khom i ual mo kin nia, hi ten ramhai hi ni ni ihruai?

2 SAMUELA 7:18 ပူးပေါင်းရင်းမြစ်များ

IRPHUTNA 32:10

kei ni sinthotu chunga hin ni thudik murdi le lungkhamna inlangtir ngai, ki’rchonhai chunga hin, a chînte khom hi hmu inruk ni ma ung; hi Jordan dung hi, ki khianghrol leh vai ki’rkâna; atûn chu pâl hnia sema inpungin ki om tâk.

IRPHUTNA 32:11

Khasikin lungkham takin ka upa Esaua kut ata hi, ni saninzôk ro; nu le nâihai kin rênga ni that hrang chu ki chipuihai sikin.

2 SAMUELA 23:5

“Khaang khan Rengpa’n ki’rchihai hi sat a ivur hrang a ni, kumtuanga thuthung kha keima kuang a tung tâk sikin, thuthung inkhiak thei loi. A ni, chonginkung danglam thei loi ngêt kha, ama kha ki saninhringna irkip le ki lungdo irkip a nia. Rengpa’n intungtir ngêt a ti.

2 SAMUELA 7:17

Rengpa’n a kuang thu a inlang murdi kha Nathana khan Davida kuang an sîr tâka.

1 THURCHI SUINA 17:16

Reng Davida chu Biakbuka khan a fein a toia, a chongchaia, “O Rengpa Pathian, kei le ki in mihai hi ithoa mo hiang dôra ni ni inhlu?

1 THURCHI SUINA 29:14

“Keima le ki mihaiin hi dôra tam ni makunga thilinhlan kin ipêk thei hi, kin thei sika ni maka, itinrêng hi ni ta a nia, khasikin ni ta hi kin hong ipêk nôk a ni.

INPÂKNA HLAHAI 8:4

“Mihriam hi imo a nia ni inhriat mai ngai? Mihriam nâipa khom hi imo a nia, ni ikan ngai?” ki ti ngai.

FESUAKNA 3:11

Khan Mosia’n Pathian kuang khan, “Keima Faroa kuanga zu fea, Israelhai Aigupta ram ata zu hruai suakhai hrangin ite chukna nei mo ni ni isôn?” a tia.

ISAIA 37:14

Palai lekha zuang chôitu chu Hezekia’n a lei hmu’n chu a tepa, Rengpa ina a lûta, Hezekia’n Rengpa makunga a phara,

EFESI 3:8

Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.

ROIRÊLTUHAI 6:15

Gideona’n, “Ka pu, itin mo Israelhai chu ki sansuakhai hrang? Manasea irchi laia hrâtloi tak sûnga mi ki nia, kin insûngkua laia khom nâipang tak ki ni,” a tia.

RUTHI 2:10

Khanchu, Ruthi chu irnênga a kûna, “Kei nam dang mi hi ni nin hriat nuama, hiang taka lung ni ni inkham hi, itina ma ni tâk?,” a tia.

1 SAMUELA 15:17

Samuela’n, “Nangma insâpin mi chînte angin irbe khomin lân, Israel nam pumpui hruaitu kêng ni ini, Rengpa’n Israelhai rêng ni hranga sahriak nang a irthutir a ni.

1 SAMUELA 18:18

Davida khan Saula kuang, “Tu ngân mo ki nia, Israelhai laia ka pa insûngkua khom kha imo a nia, rêng mâkpa ki nina hrang hi?,” a tia.

1 SAMUELA 9:21

Khanchu Saula’n a sâma, “Israel nam laia a chîn tak, Benjamina nama mi mo ni ma ung. Khanchu kin in sûng khom hi Benjamina nam laia a chîn tak mo ni ma. Itina mo hianga keima kuanga ni ihril hi?,” a tia.