2 SAMUELA 7:15 - PATHIAN LEKHABU IRTHIANG C.L. Bible (BSI)

¹⁵ Nikhomsianlân, rêng ni chang theina hrangin Saula ki ikhâi irhmang kuang ata lungkhamna ki ilâkpai pe ang khan ama chu masan ual no ning.

2 SAMUELA 7:15 ပူးပေါင်းရင်းမြစ်များ

2 SAMUELA 7:14

A pa ni ki ta, ama kha ki nâipa ni a ti. Khan, ama khan thil a tho insualin chu mihriamin nâi a ihêm ngai angin hêm ki ti.

2 SAMUELA 7:16

Ni in sûngkua le ni ram kha kumtuangin indet ni a ta, ni rêngtoihmun kha kumtuangin indet ni a ti,” tiin Rengpa thu a zuang tunga.

1 RÊNGHAI 11:13

Ram pumpui nang sut zit no ninga, ki siahlo Davida le ki ta hranga ki inding Jerusalem sikin nam inkhat chu la chang a ti,” a tia.

INPÂKNA HLAHAI 89:28

Ki lungkhamna kha kumkhua’n ama hrangin vong insa ki ta, Ki thuthung chu a kuang om indet a ti.

INPÂKNA HLAHAI 89:31

Ki thu’nkung an porinchetira, Ki thupêkhai an vong insa no’n chu,

INPÂKNA HLAHAI 89:33

Khannisianlân, ki lungkhamna kha a kuang ata lapai pe zit no ninga, Ki iamomna kha milaka inchang phal viat no ning.

INPÂKNA HLAHAI 89:34

Ki thuthung chu porinchetir no ninga, Ki hmûra thu suak chu indanglamtir viat no ning.

INPÂKNA HLAHAI 89:49

Rengpa, ni tianlai lungkhamna, ni iamomnaa Davida kuang khomâksâma ni inkunghai kha, Khôn mo a om tâk?

ISAIA 37:35

Hi khua hih keima le Davida zârin san ki ta, inzôk ki ti,” a tia.

ISAIA 55:3

Nin mikuar doin ki kuanga hong roi, Irngai unglân, hring nin ti. Kumtuanga hrangin thu thung ei ta, rêng Davida kuang lungthungna thu kin kung tâk ang khan.

ISAIA 9:7

A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.

1 SAMUELA 15:23

A chunga sualnahai hi tasân theihai sualna leh hmunkhat a ni, tukulliannahai hi millim biakna leh hmunkhat a ni. Rengpa thupêk ni hnôl tâk sikin ama khomin rêng hrangin nang a inuam loi a ni,” a tia.

1 SAMUELA 15:26

Samuela’n Saula kuang, “Nang fepui viat no ning, Rengpa thupêk ni hnôl tâka. Rengpa khomin Israel rêng ni hrangin nang a inuam ual ta loi a ni,” a tia.

1 SAMUELA 15:28

Samuela’n a kuang, “A vuana irthokin Rengpa’n Israel ram hi ni kut ata a lâkpai tâka, nangma nêka sa ual mi ni kôlvêla om a ipêk tâk a ni.

1 SAMUELA 16:14

Rengpa irtha khan Saula kha a mâksana, Rengpa itîr ramilhli khan an buaitir ngaia.

1 SAMUELA 19:24

Khanchu ama khomin a silkaihai a’rkheka, Samuela makunga khan a lâma, thu an sîr sa tâka. Kha nî sûn intuanin le kha zân intuanin korongin a zâl tâka. (Khasika khan, “Saula khom kha deipu a ini sa tâk ma ni?,” iti hi an isôn tâk a ni.)