2 SAMUELA 7:13 - PATHIAN LEKHABU IRTHIANG C.L. Bible (BSI)

¹³ Ama khan keima tempil sintu chu ni a ti, a ram rêngtoihmun chu kumtuanga hrangin indettir ki ti.

2 SAMUELA 7:13 ပူးပေါင်းရင်းမြစ်များ

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

2 SAMUELA 22:51

Pathian khan inhnêna roiinpui tak, a rêng inthang kuang khan a pêk ngaia; a sahriak irthûtu Davida le ar chihai chunga khan, kumtuangin a lungkham lianzia an langtir ngai.

2 SAMUELA 7:16

Ni in sûngkua le ni ram kha kumtuangin indet ni a ta, ni rêngtoihmun kha kumtuangin indet ni a ti,” tiin Rengpa thu a zuang tunga.

2 SAMUELA 7:27

O itinrêng sinthei Rengpa, Israelhai Pathian, ni suak kuang hin, Ni’rchihai rêngin siam ki ti, tiin nin puang tâka, khasikin ni suak hin hi chongchaina hi ni kuang a intung ngam a ni.

1 RÊNGHAI 2:24

Atûn hin Rengpa’n a chonginkung anga ka pa rêngtoihmuna nin toitirtu le nin dettu, kin sûngkua inlalna nin dingtu hringna zârin ki hril, a vuana Adonija hi chu thatpai hrang a ni,” a tia.

1 RÊNGHAI 2:4

Rengpa khan, nir chihai khom irdîn takin om an ta, lungrîl le thu takin ki thupêkhai an zômin chu Israel rêngtoihmun hi lua thei mai an ti, tia a lei inkung kha a tak chang a ti.

1 RÊNGHAI 2:45

Kei chu sat ni vur a ta, Davida rêngtoihmun chu Rengpa makunga det takin ngîr a ti,” a tia.

1 RÊNGHAI 5:5

Rengpa khan ka pa Davida kuang, ni nâipa rêngtoihmun luatu hin chu ki’rhming chôiindômna hrangin tempil la sin a ti; tia a lei inkung ang tâk khan, Rengpa ki Pathian irhming roiinpuina hrangin tempil sin ki itum tâk a ni.

1 RÊNGHAI 6:12

“Atûn tempil chu ni sin zoi tâka, ki dân le ki thu nan hriattir ni’rngaisânga, ki thupêkhai ni zômin chu ni pa Davida kuanga ki thu inkunghai chu nangma chunga intung ki ti.

1 RÊNGHAI 8:13

Tempil roiinpui tak ni ta hrangin ki sin zoi tâka, kumtuanga ni omna hrang a ni,” a tia.

1 RÊNGHAI 8:15

Hiang hin, “Israelhai Rengpa chu inpâk roi, ama’n chu ka pa Davida kuanga a chonginkung hlo a nin chuktir pe tâk a ni.

1 RÊNGHAI 8:19

Khannisian, nangma’n chu tempil sin no chi ni; ni nâipa ni rîla ra khan kêng ki tempil chu a isin hrang,’ a iti a ni kha.

2 RÊNGHAI 21:4

Jerusalem khua hi nin ni ibiakna hrang hmun chu a ni; tiin Rengpa’n a inthang a ni; kha tempila khan maichâm chi tinrêng a isia a ni.

2 RÊNGHAI 21:7

Davida le a nâipa Solomona kuanga Rengpa’n, “Hi Jerusalem khuaa tempil hmun hi Israel nam sôm le nam hnihai laia ram murdihai ni biakna hmun hranga ki inthang a ni a ti, tempil sûnga khan Aseri irlim a iphun a ni.

2 RÊNGHAI 8:19

Rengpa’n Judahai chu thathai zoi nuam maka, a siahlo Davida kuanga, “Ni’rchihai chu rêng hong chang mai an ta, ti a lei tep ving tâk sikin.

1 THURCHI SUINA 28:10

A hmun irthianga in sin hrangin Rengpa’n nang an thang ti inhre ro, irnak songin lân, sin phut chian ta ro,” a tia.

2 THURCHI SUINA 33:4

Kumtuanga Rengpa biakna hrang tempil an kunga khan nam dang pathian maichâm a sina.

2 THURCHI SUINA 6:16

Khasikin O Rengpa, Israelhai Pathian, ni siahlo ka pa Davida kuanga, “Ni’rchihai chu nangma omdân angin an omdân an irdîn photin chu, ki mithmua Israelhai rêngtoihmuna toi hrang chu irhmâi no chi ni,” tia ni lei inkung kha hlo’nchuktir roh.

JOBA 36:7

Mi felhai chu irnghil ngai maka, Rêngtoihmuna rênghai kuang kumtuangin an toitira, chôiindômin an om ngai.

INPÂKNA HLAHAI 72:17

A’rhming chu kumkhua’n dâi no ni: A’rhming chu misa a om sûng chu dâi loiin om mai a ta: Mihai chu amaa khan satvurin om an ta; Nam tinrêngin ama chu vânnei ti an ti.

INPÂKNA HLAHAI 89:21

Ki kut hi a kuanga indetin om a ta; Ki bân hin ama kha inhrâttir a ti.

INPÂKNA HLAHAI 89:29

A chi thâkhai kha kumkhua’n inomtir ki ta, A rêngtoihmun chu irvân om sûng ni dênin inomtir sa ki ti.

INPÂKNA HLAHAI 89:4

“Ni’rchihai chu kumkhua hrangin indettir ki ta, Ni rêngtoihmun khom irlo tin tin dênin inding mai ki ti,” tiin.

ISAIA 49:8

Rengpa’n hiang hin a ti: “A zorotaka nang don ki ti, a zorotaka nang sansuak ki ti, nang ki hrunga, nangma sikin nam danghai leh thu kin thunga, Ni ram indingtir nôkin, nin irchon ram chuai sai nin lua thei ving nôkna hrangin.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

ISAIA 9:7

A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.

JEREMIA 33:17

Keima, Rengpa ngêtin chonginkungin Davida irchia mi Israelhai rêng hrangin om mai a ta,

EZEKIELA 37:25

Khanchu an irchibulhai omna ram, ki sinthotu Jakoba kuanga ki lei ipêk rama khan om ta an ta, khataka khan kumkhontuangin anni le an nâi le tehai le an irchi suanpârhai chu om ta an ti. Ki sinthotu rêng Davida angin an chunga kumtuangin roirêl ta a ti.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

ZAKARIA 6:12

Khan Sipaihai Rengpa’n hiang hin a hril tiin ama chu hril ro, ‘Khan ar hming ôn an iti kha, ama chu tuanintung takin la om a ta, Rengpa biakbuk chu lan ding thar nôk a ti.

ZAKARIA 6:13

Ama ngei chu kha biakbuk sintu kha la ni a ta, rêngin a idong ngai mânlianna chu la dong a ta, a mihai chunga roi la rêl a ti. A rêngtoihmun kôla ochai chu ngîr a ta, ama leh irngei tak le irrual takin sin thosuam an ti’ tiin.

MATHAIA 16:18

Khasikin nang Petera; lungpui ni ni tih nang ki hril, hi lungpui chunga hin ki koiindang inding ki ta, thina khomin inhnê no ni.

HEBRAI toc2 HEBRAI 3:3

In sintu khan a in nêkin chôiindômna a idong ual ngai ang khan, Jisua hi Mosia nêkin roiinpuina dong ual ok inruk a ni.

1 PETERA toc2 1 PETERA 2:5

Khanchu nangni khom lung hring ang hong niin irtha tianga in hrang angin bukkhôm roi. Kha khan Jisua Krista zâra Pathian pom inruk, irtha tiang irbôlna inhlan hrang, ochai irthiang hong ni nin ti.