2 SAMUELA 6:5 - PATHIAN LEKHABU IRTHIANG C.L. Bible (BSI)

⁵ Davida le Israel mihai khan an hrâtna murdi le hlasaka lâm pumin Rengpa an chôiindôma, irhâihoi chi tinrêng perkhuang hai, belem hai, khuang hai leh rosem hai, dâr irbu hai sukin an oma.

2 SAMUELA 6:5 ပူးပေါင်းရင်းမြစ်များ

2 RÊNGHAI 3:15

Elisa’n, “Irhâihoi tum thei hong hruai hi roi” a tia. Irhâihoi tum theiin a hong tum inringin chu, Rengpa kutin Elisa kut a zuan thema.

1 THURCHI SUINA 13:8

Khan Davida le Israel mihaiin hla sakin, theihle, belem, perkhuang, bekulhai inringin Pathian makunga an lâm sup supa.

1 THURCHI SUINA 15:28

Israel mi murdihai chu raifân takin an khêka, bekulhai, kêl irkîhai tumin, têngrep hai sukin, perkhuanghai inper pumin Thuthung Bôm chu Jerusalema an chôikâi tâka.

2 THURCHI SUINA 20:28

Khua an tung tôn chu, perkhuanghai, têngrephai le bekulhai tum pumin tempil an pana.

INPÂKNA HLAHAI 47:5

Pathian chu khêk irhaiin a kâia, Rengpa chu bekul irhai leh a kâi tâka.

DANIELA 3:10

Nangma’n, o inlaltak, mi tukhom bekul, theihle, perkhuang, rosem, têngrep le serânda irhâinei murdi’n khûksadelin millim chubai nin imûk hrang a ni:

DANIELA 3:15

Atûn hin bekul, theihle, perkhuang, rosem, têngrep le serânda irhâinei murdi an ringa khûksadela ki millim siam chubai nin la mûk hrangin chu la sa a ta; nin mûk nuam noa ni’n chu, kha zoro zel khan hâlirvômna meipuia lût nin ti; ki kut ata sansuak theitu pathian chu tu mo a ini hrang?” a tia.

DANIELA 3:5

bekul hai, theihle hai, têngrep hai, serânda le rosem lianhai, irhâinei murdi’n ar hâi nin inhriatin chu rêng Nebukadnezara rângachak millim siam kha khûksadela chubai mûk hranga thupêk nin ni:

DANIELA 3:7

Khasikin mipui om murdi’n, bekul, theihle, têngrep, rosem le serânda le a dang irhâinei murdi irhâi an inhriatin, mi tin, nam tin, chong tinhaiin rêng Nebukadnezara millim siam chu khûksadelin chubai an mûk tâka.

AMOSA 5:23

Nin perkhuang irhâi hoi kha irngai no ning: Khasikin keimaa ni hla nin chok kha lapai roh.

AMOSA 6:5

perkhuanga thaboina hlahai saka Davida anga mâni hranga hla tûk hmang ruahai siama;

1 SAMUELA 10:5

Kha hnung chu Filistia sipaihai omna Pathian tâng va tung ni ta, hiang hin hong ni a ti, kha khua lûtnaa khan, deipuhai perkhuang, khuangte, theihle le serânda chôia bozôl ata zuanghai irtongpuihai ni ta, khêkpuma lâmin om an ti.

1 SAMUELA 16:16

Khasikin ka pu thu ni pe’n lân, perkhuang suk thei tak zong kin ti. Khanchu ramilhli’n nang a chel rikipa, kha mi khan perkhuang suk a ta, hong dam nôk zôi ni ti,” an tia.