2 SAMUELA 4:11 - PATHIAN LEKHABU IRTHIANG C.L. Bible (BSI)

¹¹ Mi fel ama insûngluma, a zalhmuna om, Saula an ithat thisen man khan nin chunga ki inphût nôk ual, atûn hin irnêng ata nangni irhmangtir hrang ki ni,” a tia.

2 SAMUELA 4:11 ပူးပေါင်းရင်းမြစ်များ

IRPHUTNA 4:11

Khasikin, irnêng, ni kut ata ni sangpa thisen dong hrang a bâi lei ângtu ata hi khosâl tong ni ta;

IRPHUTNA 6:13

Khanchu Pathianin Nova kuang khan, “Taksa murdi hek hrang nikhua chu ki kuang a om ta, annihai sikin irnêng chung hi hnarsana’n a sipa, khasikin irnêng chung hi ki insiatpai hrang tâk kêng, a tia.

IRPHUTNA 7:23

Pathianin a thilsiam hai, mihriam, ramsa, sahai, vahai le irnênga bokvâk murdihai an thi zoia. Nova le irkuanga lût ti no chu zôkin hmu hrang om ta mahaia.

2 SAMUELA 16:8

Saula rêng ram kha ni lâkpai pea, atûn hin Saula in sûng mihai thisen kha Rengpa’n ni chunga a insum a ni ta. Rengpa khan ram kha ni nâipa Absaloma a ipêk a ni ta. Thisen insua ngai mi ni ni sikin ni bingin siatna ni chunga ni intungtir tâk a ni,” a tia.

2 SAMUELA 3:27

Abnera kha Hebron a hong tungin chu Joaba khan kul kotbâia inrûkin chongpui zâi hrangin a koia khanchu Joaba khan a sangpa Asahela thisen suak thuanna hrangin Abnera kha a phînga a sun that tâka.

2 SAMUELA 3:39

Reng hranga Pathian sahriak irthutir ni khomin lân, a vuan hin ki irzal zap a ni. Hi mi Zeruii nâipa hai hi ki ta hrangin an ivîk hrai a ni. Rengpa’n thil saloi thotuhai kha an sual lam ang takin thuanhai ri se,” a tia.

1 RÊNGHAI 2:32

Ka pa Davida inhre loiin mi inhni a doihaia. Rengpa khan an thisen suakna man tuam ri se. Khan mi inhni, Nera nâipa Abnera, Israel, sipai ulian le Jethera nâipa Amasa Juda sipai ulianpu kha, ama irthûla that le invûng an ini a nia.

INPÂKNA HLAHAI 109:15

Khahai kha Rengpa makunga om mai ri se, Ama khan anni inhriat maina kha irnêng ata an boipai theina hrangin.

INPÂKNA HLAHAI 9:12

Pathianin dengthei tuanghai kha an hriat maia; An ichap irhâi irnghil ngai mah. Ama khan mi nunsiahai chu deng an theitir ngai.

FESUAKNA 21:12

“Mi tukhomin mi vîk sianlân, a ivîk kha a thi’n chu, ama khom kha that ngêt hrang a ni.

FESUAKNA 9:15

Atûn hin ki kut irlek ki ta, ni mihai le nangma khom hripuiin nangni hrem ki ta, hnuaia irthokin sâtpai ni ta ni ti.

THUVÂRHAI 2:22

Mi siathai rêk chu hi ram ata Pathianin irzûlpaihai a ta, mi sualhai khom thingkung angin thatpaihai a ti.

THUVÂRHAI 25:26

Mi fel, mi saloi makunga irpelût chu tuikuang milui tâk le tuihnâr innimtir ang kha a ni.

JEREMIA 10:11

Nangma’n anni chu hiang hin ni inhril ngêt hrang a ni; irnêng le irvân siamtu ni loi, pathianhai chu insiat ni an ta, hi irnêng chunga hin kho hmuna khom hmu ni ta no ni.

HABAKUKA 1:12

O Rengpa ki Pathian, ki mi Irthiang, kumtuang mi ni ini loi ma ni? Thi ngai mak che. O Rengpa, nangin anni kha roirêlna hrangin nin thang tâka, O Lungpui, nangin anni kha ni sep hrangin ni inkunghai an ni.

HABAKUKA 1:4

Khasikin, dân thu khan ar fêna om thei maka, Roirêlna thu suak ual ngai ma: Mi felhai kha mi siahai khan an irhual vêla. Khasikin roirêlna kha dikloi takin a suak ngai a ni.

1 JOHANA 3:12

Mi sual ata suak Kaina, a urêngpa Abela that anga khan chu om no iduah. Ithoa mo a ithat kha? Ama sinthohai a suala, a urêngpa sinthohai a fel sikin.