2 SAMUELA 3:9 - PATHIAN LEKHABU IRTHIANG C.L. Bible (BSI)

^9-10 Saula le a insûngkuahai kut ata ram kha lapai pea, Israelhai le Judahai chunga Dana irthokin Beerseba dênin Davida rêngtoihmun indingtir nôk hrangin Rengpa’n Davida kuang chong a irkhâm angin ki tho tuanintung no’n chu Pathianin Abnera chu a ilo lam takin lo ri se, kha nêka irkhêl ual khomin,” a tia.

2 SAMUELA 3:9 ပူးပေါင်းရင်းမြစ်များ

2 SAMUELA 19:13

Amasa kuang, “Ki thisen irzompui mo ni mak che? Atûna irthokin Joaba irthûla ki sipai hruaituin nang ki siam no’n chu, Pathianin a nuam nuamin ni lo ri se, kha nêka na ual khomin, a ti va ti roi,” a tia.

2 SAMUELA 19:14

Khanchu Judahai murdi’n an lungrîl kha Davida tiang ar hei nôk tâka. Khanchu rêng kuang, “Ni mihai leh khan hong kîr nôk ta roi, ti hrangin mi a hong tîra.

2 SAMUELA 3:35

Sûn sôtin mi murdihai khan Davida kha fâk inzongtir hrangin an inthêma; khannisianlân Davida khan, “Misa a tâk mâka chu bu mani, thil dang mani ite ki irtem a omin chu, Pathianin a ilo loin ni lo ri se, hi nêka irkhêl ual khomin,” tiin chong an kunga.

1 RÊNGHAI 19:2

Jezebeli’n Elija kuang khan, “Deipuhai chunga ni itho angin nangtûk, hiang zoro hin nang ki that no’n chu pathianhaiin an inuam angin ni lo ri sehai, a sate’n deng nin theitir ri sehai,” a tih tia hril hrangin mi a tîrhaia.

1 RÊNGHAI 2:23

Reng Solomona’n Rengpa irhming sâmin hiang hin chong ar chama, “Adonija’n chu a thina hrang a izong a ni no’n chu Pathianin a inuam angin a ni lo khoma a satea dengthei khomin a tia.

1 THURCHI SUINA 12:23

Rengpa thu angin Saula ram Davida ilua hrang Hebron khuaa Davida kuang irdoina râltukfam irbela fehai chu hiang hin a ni.

RUTHI 1:17

Ni thinaa thi ki ta, kha khan phûmin om ki ti. Nang le kei hi thina ni loia thil dangin ni sen hrang nêkin chu Rengpa’n i ang khomin a nuam nuamin ni lo ri se,” a tia.

1 SAMUELA 14:44

Saula’n a kuang, “Nang a that noa ni’n chu Pathianin nang a ilo lam takin nang lo ri se, kha nêka intak ual khomin,” a tia.

1 SAMUELA 15:28

Samuela’n a kuang, “A vuana irthokin Rengpa’n Israel ram hi ni kut ata a lâkpai tâka, nangma nêka sa ual mi ni kôlvêla om a ipêk tâk a ni.

1 SAMUELA 25:22

Nangtûk zîng khovâr mân, kha pa ta murdi laia pasal nâipang inkhat lua khom ki hôi pea ni’n chu Pathianin Davida hi a nuam nuamin ni lo ri se. Hi nêka na ual khomin ni lo ri se,” a ti tâka.

1 SAMUELA 28:17

Keima hmangin a insîr ang khan ni chunga a itho tâk a ni hi. Rengpa khan ni kut ata ram kha nang a sutpai tâka, Davida kha a ipêk tâk a ni.

1 SAMUELA 3:17

Elia khan, “I thil mo Rengpa’n ni kuanga a insîr? keima kuang ite ip nei no ro duah. Ni kuanga a insîr murdi kha keima kuang ip ni neiin chu, Pathianin irkhêl takin kuttum nan tuangtir ri se,” a tia.