2 SAMUELA 3:39 - PATHIAN LEKHABU IRTHIANG C.L. Bible (BSI)

³⁹ Reng hranga Pathian sahriak irthutir ni khomin lân, a vuan hin ki irzal zap a ni. Hi mi Zeruii nâipa hai hi ki ta hrangin an ivîk hrai a ni. Rengpa’n thil saloi thotuhai kha an sual lam ang takin thuanhai ri se,” a tia.

2 SAMUELA 3:39 ပူးပေါင်းရင်းမြစ်များ

2 SAMUELA 16:10

Reng khan, Abisaia le a urêngpa Joaba kuang khan, “Nangni’n nin ni inhriatpui hrang ni ma. Rengpa’n ama kha khomâksâm roh a iti pe kêng, khasikin khomâk a ni isâm a ni’n te tu ngân mo a ini? I lo hranga mo hianga a itho? Tu ngân mo a ti thei hranga,” a tia.

2 SAMUELA 19:13

Amasa kuang, “Ki thisen irzompui mo ni mak che? Atûna irthokin Joaba irthûla ki sipai hruaituin nang ki siam no’n chu, Pathianin a nuam nuamin ni lo ri se, kha nêka na ual khomin, a ti va ti roi,” a tia.

2 SAMUELA 19:22

Khannisian Davida khan Abisaia le a upa Joaba kuang khan, “Nin irngaidân hril hrangin tu’n mo nangni a inphût? Nin ni inbuai hrang mo a ini? A vuan hin Israel rêng chu keima kêng ki ini. Khasikin a vuan hin Israel mi murdi that hrang ni maka,” a tia.

2 SAMUELA 3:38

Reng khan a mi lianhai kuang, “A vuan hin Israel mi lian le roiinpui a ithi a ni, iti nin inhriat loi ma ni?

1 RÊNGHAI 2:32

Ka pa Davida inhre loiin mi inhni a doihaia. Rengpa khan an thisen suakna man tuam ri se. Khan mi inhni, Nera nâipa Abnera, Israel, sipai ulian le Jethera nâipa Amasa Juda sipai ulianpu kha, ama irthûla that le invûng an ini a nia.

1 RÊNGHAI 2:9

Khannisianlân, denginthei loiin chu insua no ro, pasal puihling ni nia, a tho hrang lam chu inhria ni ti. A tar tena ni that hrang sikin,” a tia.

1 THURCHI SUINA 22:5

Davida’n, “Ki nâipa Solomona sin hrang tempil chu roiinpui tak, rammuala irhming inthang a ini hrang a ni. A la nâipanga, a duk a dak lan hre maka, a irzukna lan suaktir pe ki ta,” a ti lungrîla. Khanchu a thi mân tempil sinna hrang hrâtna tamtak a lei irfûktir pe a ni.

1 THURCHI SUINA 29:1

Reng Davida’n irbukkhômhai laia, “Ki nâipa Solomona hi Pathian inthang mi a nia, khannisian, a la nâiinpang hraia, a sia le sa lan hriat infel maka. Sin tho hrang lak a tama, a isin hrang lak hi mihriam in ni maka, Rengpa Pathian in a ni.

2 THURCHI SUINA 13:7

Solomona nâipa Rehoboama chu ite bêin bê maka; ama lak nâipang a nia, annihai ngam hrangin a lungrîl la puihling maka.

INPÂKNA HLAHAI 101:8

A nitin hi rama mi siahai murdi hi inboipai ki ta; Rengpa khopui ata hi thil tho’nsualtuhai murdi inboipai hrangin. Intak tuangtu chongchaina a sôla, Rengpa makunga a lungzîng thu an sîr laia khan.

INPÂKNA HLAHAI 28:4

An sintho ang zêl le, an thilthohai a sualzia ang dênin thuanin lân; An kuta an itho ang dênin thuanin lân; An sualna man irhmutir roh.

INPÂKNA HLAHAI 62:12

O Rengpa, lungkhamna hi ni ta ngêt a ni: Mi tin an sintho ang taka ni thuan ngai a ni.

INPÂKNA HLAHAI 7:16

An tho’nsualna kha an chunga dên a hong kîr nôka, An hnarsa siatna khom an chunga dên a ichum nôk a ni.

INPÂKNA HLAHAI 75:10

Mi siahai khom irsortir ki ti; Mi felhai rêk chu irsângtirin om an ti.

FESUAKNA 21:12

“Mi tukhomin mi vîk sianlân, a ivîk kha a thi’n chu, ama khom kha that ngêt hrang a ni.

THUVÂRHAI 20:8

Roirêlnaa rêngtoihmun khan a mitin thil saloihai murdi a khâipai ngai.

THUVÂRHAI 25:5

Reng makunga irthokin lungvâr saloi phua ngai mi kha khaipaiin lân, a rêng ram chu dikna’n indet ni a ti.

ISAIA 3:11

Mi sualhai chung chu a rik, an siat hrang sikin. An itho angin an chunga khom tho ni a ti.

ISAIA 7:4

A kuang khan hiang hin va ti ro: ‘Irtûngin lân, chi no ro, Suria rêng Rezina le Remalia nâipa ningmur hi chu thingthubong khulût ang ma mai hi a ni.

JEREMIA 38:5

Khanchu rêng Zedekia’n, “Khaang khan a ni’n teh a sa, a chunga hin nin nuam lam takin tho roi; nangni khap thei no ning,” a tia.

DANIELA 6:16

Khanchu rêng khan thu a pêkhaia, Daniela chu an hong hruaia, kâmkeibaknei khura an paia. Rêngin Daniela kuang, “Ni Pathian a sin ni itho pe maipu khan nang saninzôk a ti,” a tia.

NAMBAR 32:23

Khannisian nin thu inkung kha nin pom maia ni’n chu, irngai roi, nangni ki hril hi, Rengpa chunga nin insual ni a ti. Khasikin nin inchâi viat hrang ni ma, khano’nchu nin sualna sikin hremin om nin ti.

ROM KHUAA MIHAI KUANGA TÎRTÔN PAULA LEKHATHON 13:4

Ni satna hranga Pathian sinthopu a ni. Thil sual ni tho’n chu chi ro, khandai kha an ichôi pai pai ni ma. Pathian sinthotuhai an nia, thil sual thotuhai chunga Pathian hremna irlektuhai an ni.

2 TIMOTHEA toc2 2 TIMOTHEA 4:14

Alexander, dâr thîrsu kha ki chunga a sual tak tak ngai; a sintho ang takin Rengpa’n thuan a ti.

ROIRÊLTUHAI 9:57

Sekemmihai khom an thilinsual thôna sikin, Pathianin a intuangtirhaia, Gideona nâipa Jothama khomâksâm chu anni chunga a tung tâk a ni.