2 SAMUELA 3:25 - PATHIAN LEKHABU IRTHIANG C.L. Bible (BSI)

²⁵ Ama khan nang huang hrang le ni fena, ni hongna le ni thiltho murdi inhre hranga hong kêng a ini,” a tia.

2 SAMUELA 3:25 ပူးပေါင်းရင်းမြစ်များ

ISAIA 37:28

Keima chunga ni om dânhai, ni lût le ni suak khom kin hriat ving.

DÂN INHNINA 28:6

Nin thiltho tinrênga nangni irhniangtir a ti.

ROM KHUAA MIHAI KUANGA TÎRTÔN PAULA LEKHATHON 2:1

Khasikin, o mihriam, mi hrilsiatpu tukhom ni inlân, irphilna rêng nei viat no chi ni; mi dang ni irêlna ngeia khan nangma theiloi ni ichang kêng; nangma a rêlpu rêng khomin khaanga sin kha ni tho sa ngai sikin.

JOHANA 7:47

Farisaihai khan an sâma, “Nangni khom nangni a lei ihuang ma ni?

JOHANA 7:12

Mipui khan a chungchâng an insîr sup supa. Senkhatin, “Mihriam sa a ni,” an tia, senkhatin, “Ni mah, mipui a hruai insual kêng,” an tia.

INPÂKNA HLAHAI 121:8

Rengpa khan ni suak le ni lût chu nang vêng a ta, Atûna irthoka kumkhua’n.

2 RÊNGHAI 18:32

Rengin ram sataka, grep irhuan satak taka uain tamna rama nangni lan omtir a ti, baidia siam hrang bu sana rama, oliv kung, le a hriak, le khuaitui tamna rama nangni inomtir a ti, a thu nin zômin chu a hring, a damin la suak nin ta, thi no chin ni. Rengpa’n ni sansuak ngêt a ti, tiin Hezekia’n nangni huang no ri se.

2 SAMUELA 10:3

Amona irchihai hruaituhai khan an rêng Hanuna kuang khan, “Davida hin ni pa mahrip a tho sikin lungngam nang sak hrangin a mihai ni kuang a hong itîr ni isôn ma ni? Ni ma, Davida hin a nin hnê theina hranga le hi khua hong en infel hranga anni hi, a hong itîrhai an ni,” a tia.

2 SAMUELA 3:27

Abnera kha Hebron a hong tungin chu Joaba khan kul kotbâia inrûkin chongpui zâi hrangin a koia khanchu Joaba khan a sangpa Asahela thisen suak thuanna hrangin Abnera kha a phînga a sun that tâka.

NAMBAR 27:17

Rengpa mipuihai chu a hrungtu nei loi belra anga an om loina hrangin, an makunga suak le lûta, anni hruaisuaka hruai inlûttu hrangin,” a tia.

IRPHUTNA 42:16

Nangni hi mi dik le mi fel, minlak nin tho le tholoi inhrena hrangin, nin laia mi inkhat tîr unglân, nin sangpa chu zuang hruai bak roi; khano’nchu mi irdîpa zuang nangni ki iti tâk ang khan fe thei loiin ikhumin nin iom hrang a ni,” a tia.

IRPHUTNA 42:12

Khanchu Josefa’n, “Nangni iam ma ung, ram en irdîpa hong kêng ni nin ti,” a tia.

IRPHUTNA 42:9

Khanchu Josefa’n anni thurchi irmanga a iphan kha an hriat suaka, “A ni zuar dîpa hong kêng nin ni dua, kin ram sa le siat thu inhriat nuama,” a tia.

2 SAMUELA 3:24

Khanchu Joaba kha rêng kuang a fe thala, “Ni thil lei tho hi itina mo a ini? Abnera kha ni kuang a honga, itho mo khaanga ni lei itîrpai nôk?

2 SAMUELA 3:26

Davida kuang ata a hong suakin chu Joaba khan Abnera irzûl hrangin mi a tîra, Sira tuisunsuaka irthokin an hong hruaipai nôka, nikhomsianlân Davida khan kha thu kha ite inhre maka.