2 SAMUELA 23:34 - PATHIAN LEKHABU IRTHIANG C.L. Bible (BSI)

³⁴ Maaka mi Ahasbaia nâipa Elifeleta hai, Gilo mi Ahitofela nâipa Eliama,

2 SAMUELA 23:34 ပူးပေါင်းရင်းမြစ်များ

2 SAMUELA 10:6

Amona irchihai khan Davida kha râl an inchangtir tah ti an hriat tâka. Khanchu Amon irchihai khan Bethrehob-a le Zoba ata Suria sipai sînghni, Tob ata mi sîngkhat sânghni le rêng Maaka mi sângkhat an hruaihaia.

2 SAMUELA 10:8

Amon irchihai kha an hong suaka, an rêngpa khopui, Raba lûtna kotbâi tianga khan omhmun an siama; mi danghai Zoba le Rehoba ata Suria sipaihai le Tob mihai le Maaka mihai kha chu a bingin irnak songna hmun an siama.

2 SAMUELA 11:3

Khanchu Davida khan nupang thurchi inhriat infel hrangin mi a tîra. “Eliama nâinu, Bethsebi, Hit mi Uria dôngma a ni,” an tia.

2 SAMUELA 15:12

Absaloma khan irbôlnahai kha an hlan laiin, Gilo khuaa mi Ahithofela, Davida roizêkpui ngai mi inkhat kha, kha khua Gilo ata kha a koia, rêng chunga an thuphan inrûk kha a’rkhêl hraia; Absaloma tiang khan mipuihai kha an pung tîr tîr tâka.

2 SAMUELA 15:31

Mi tu’n mani, Davida kha, Ahithofela kha Absaloma tianga kopin a thupêktuhai laia a kop sah ti an hrila. Davida khan, “O Rengpa Ahithofela roizêk kha chanlamboi inchangtir pe ro,” tiin a chongchaia.

2 SAMUELA 17:23

Ahithofela’n a roizêk kha zôm mah ti an inhriatin chu, a sakuartung an irfûka an suaka, an khuaa a fe tâka. A in sûngkuahai roizêk dân hrang a’rfûk pehai diama, a’rkhâithat tâka. Khanchu an in mihai thâna an phûm tâka.

2 SAMUELA 20:14

Seba khan Israel namhai murdi ram kha hroin Abela Beth Maaka khopuia a tunga; Bikria panama mihai murdi an irbûma. Khopuia khan an zui tâka.

DÂN INHNINA 3:14

Manasea irchi Jaira khan Argob bial, Basan ram hi, Gesur-hai le Maakahai ramri dênin a lâka; khuahai kha a’rhming kopin irhming thar a phuaa, Harot-Jair atûn ten an la ti a ni.

1 SAMUELA 26:6

Kha hnung chu Davida khan Hit mi Ahimeleka le Joaba sangpa Abisaia kuang, “Tu mo keima kuanga Saula riakbuka hong hrang?,” a tia. (Joaba le Abisaia-hai nu chu Zeruii a ni.)