2 SAMUELA 23:18 - PATHIAN LEKHABU IRTHIANG C.L. Bible (BSI)

¹⁸ Zeruii nâipa Joaba sangpa Abisaia kha sipai inthang hâitak sômthumhai laia hruaitu tak a nia, a ufei leh mi irzathum a doihaia, a thata, mi hâitak sômthumhai laia khan an lârtak a ni tâka.

2 SAMUELA 23:18 ပူးပေါင်းရင်းမြစ်များ

2 SAMUELA 10:14

Amon irchihaiin Suria mihai laizâm an tho ti an inhriatin chu anni khom kha Abisaia kuanga khan laizâm an tho tâka, khuaa khan an lûta, kha hnung chu Joaba khan Amon irchihai kha a mâkhai raka, Jerusalema a kîr tâka.

2 SAMUELA 10:10

A sipai danghai murdi kha a sangpa Abisaia hruaina hnuaia a siahai vinga, Amon irchihai doi hrangin irnak songna hmun a lei siam saa.

2 SAMUELA 18:2

Khanchu Davida khan a mihai pâl thumin a tîrhaia, pâl khat kha Joaba’n a hruaihaia, pâl khat kha Joaba sangpa Abisaia’n a hruaihaia, pâl khat kha Git mi Itaia’n a hruaihaia. Rengin a mihai kuang khan, “Keima khom nin laia fe sa zêl ki ti,” a tia.

1 THURCHI SUINA 2:16

An farnuhai chu Zeruii le Abigaili an ni. Zeruii hin nâipasal inthum Abisaia, Joaba, Asahela hai an ni.

2 SAMUELA 20:10

Amasa khan Joaba’n khandai kut hi tianga a ichôi kha uksak ta maka, khanchu Joaba khan a phînga an vita, a rîlhai kha a che duar tâka. Voikhat zelin a thi tâka. Joaba khan sun nôk ual ta maka. Kha hnung chu Joaba le a sangpa Abisaia khan Seba kha an irzûl thala.

2 SAMUELA 3:30

Khaang khan Joaba le a sangpa Abisaia khan an sangpa Asahela kha Gibeona irdoina khan a that sikin Abnera kha an ithat tâk a ni.

2 SAMUELA 2:18

Kha hmuna khan Zeruii nâipasalhai inthum Joaba, Abisaia le Asahela hai an oma. Asahela kha sazuk ang dôra ngalhrât a nia.

2 SAMUELA 23:19

Sômthumhai laia khan an lârtak a ni tâk sikin an hruaitu tak a ni tâka. Khannisian mi hâitakhai pasal thumhai laia chang pha maka.

THUHRILTU 4:12

Mi inkhat chu inhnê khomin a om thei, khannisian mi inhniin chu an irsansuak thei. Hrui inthum a inhrual chu oltenga irtantir thei ni ma.