2 SAMUELA 22:29 - PATHIAN LEKHABU IRTHIANG C.L. Bible (BSI)

²⁹ O Rengpa nang chu ki meiser ni nia; Keimaa inthim om hi nin vârtir pe roh.

2 SAMUELA 22:29 ပူးပေါင်းရင်းမြစ်များ

INPÂKNA HLAHAI 27:1

Rengpa chu ki vârna le ni saninhringtu a ni; tu mo ki ichi hrang? Rengpa chu ki hringna kulpui a ni; tu mo ki ichi hrang?

JOHANA 8:12

Jisua’n Farisaihai kuang thu an sîr nôka, “Keima hi rammual êl invârpu ki ni. Tukhom a ni zuitu chu inthima lêng viat no nihaia, hringna vâr nei ual an ti,” a tia.

THUPHUANG 21:23

Khopui êl hrangin misa le tha nang ta mah, Rengpa roiinpuina khan a êla, Belrate kha a meiser a ni.

JOBA 29:3

A meiser chu ki lu chunga a vâra, A vârna tûngin inthim chu ki khêl ta.

JOHANA 12:46

Rammuala hin vâr angin ki izuang a ni, tukhom a ni iam murdi’n chu inthima an om nona hrangin.

MIKA 7:9

Rengpa chunga thil ki tho’nsual tâk sikin, a milung hoi loina tak tak kha pêl ki ti, ki chungchâng nin sîrpuia, ki ta hrangin roirêlna kha a tung mâka chu: vâra ni hruaisuak a ta, khan, a felna kha hmu ki ti.

INPÂKNA HLAHAI 112:4

Mi dikhai hrangin inthima khan vâr a hong suak ngaia, Rengpa chu mi lunginkham thei tak, inrennaa sip le fel tak a ni.

ISAIA 50:10

Nangni laia Rengpa chi ngai mi, A siahlo a thu irngaituahai ngai, vâr nei loiin inthima om ngai khom unglân, Rengpa irhming iam mai unglân, Pathiana khan irnghat roi.

INPÂKNA HLAHAI 97:11

Mi felhai hrangin khua a zuang vâra, Milung dikhai hrangin lômna a zuang tung ta.

INPÂKNA HLAHAI 84:11

Rengpa Pathian kha misa le phô a ni: Rengpa khan lungkhamna le roiinpuina nang pe a ta: Diktaka omhai ata chu thil sa rêng rêng inhnar no ni.

INPÂKNA HLAHAI 18:28

Nangin ki meiser hi ni hâl pe ni ta; Rengpa ki Pathian khan kin thimna hi nin vârtir a ti.

INPÂKNA HLAHAI 4:6

“Satna rêng rêng tu’n mo nin hmutir ta hrang?” tituhai chu tamtak an om. Rengpa, nangma ngeiin ni hmêl vâr khan ni zuan êl roh.

2 SAMUELA 21:17

Khannisian Zeruii nâipa Abisaia khan Davida kha a sana, Filistia milianpa kha a doia, a that tâka. Kha hnung chu Davida mihai khan Davida kha irdoina hmuna fe ta loi hrangin chong an inkungtira. “Israelhai roiinpuitir tak ar hmang loina hrangin irdoi hrangin kin laia hong suak ta no ro,” an tia.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

1 RÊNGHAI 11:36

Nam khat chu a nâipa pe ki ti, an ni biakna hranga ki inthang Jerusalem khuaa Davida irchihaiin roirêl an ti.