2 SAMUELA 20:6 - PATHIAN LEKHABU IRTHIANG C.L. Bible (BSI)

⁶ Khanchu rêng khan Abisaia kuang, “Seba hin Absaloma nêkin a ni inbuai ual hrang kêng. Ki mihai hi hruaiin lân, irzûl roi, khano’nchu khua kulpui neia lût irman a ta, ei kut ata a izôkna hrang kêng,” a tia.

2 SAMUELA 20:6 ပူးပေါင်းရင်းမြစ်များ

2 SAMUELA 10:14

Amon irchihaiin Suria mihai laizâm an tho ti an inhriatin chu anni khom kha Abisaia kuanga khan laizâm an tho tâka, khuaa khan an lûta, kha hnung chu Joaba khan Amon irchihai kha a mâkhai raka, Jerusalema a kîr tâka.

2 SAMUELA 11:11

Uria khan Davida kuang, “Israelhai le Judahai kha irsual buala an oma, Thuthung Bôm kha an kuang a oma, ka pu Joaba le a mi lianhai kha rama riakbuka an oma. Itin mo keima hi ki ina fein, ki fâkin ki in hrang, ki dôngma kôla ki izâl ngam hrang? Khaanga thiltho irhoiloi chu tho viat no ning,” a tia.

2 SAMUELA 18:12

Khannisianlân kha mi khan Joaba kuang, “Tangka sângkhat khom nin pe’n lân, rêng nâipa chunga ki kut zel tha no ning. Ki mithmua rêngin nangma le Abisaia le Itaia kuang, ‘Keima sikin ruatharte Absaloma kha chu innatir no roi,’ iti thu nangni a ipêk a ni.

2 SAMUELA 18:2

Khanchu Davida khan a mihai pâl thumin a tîrhaia, pâl khat kha Joaba’n a hruaihaia, pâl khat kha Joaba sangpa Abisaia’n a hruaihaia, pâl khat kha Git mi Itaia’n a hruaihaia. Rengin a mihai kuang khan, “Keima khom nin laia fe sa zêl ki ti,” a tia.

2 SAMUELA 19:7

Khasikin thoiin lân, suak zelin lân, ni mihai milung inchuk lam takin thu hril ro. Khaangin ni tho noa ni’n chu Rengpa irhmingin ki ti, nangtûk zîng tena chu ni kuanga inkhat lua om ta no nihai. Ama kha ni ta hrangin ni hringnuna atûn tena ni chunga thil saloi tung murdi laia thil saloi irkhêl tak ni a ti,” a tia.

2 SAMUELA 2:18

Kha hmuna khan Zeruii nâipasalhai inthum Joaba, Abisaia le Asahela hai an oma. Asahela kha sazuk ang dôra ngalhrât a nia.

2 SAMUELA 21:17

Khannisian Zeruii nâipa Abisaia khan Davida kha a sana, Filistia milianpa kha a doia, a that tâka. Kha hnung chu Davida mihai khan Davida kha irdoina hmuna fe ta loi hrangin chong an inkungtira. “Israelhai roiinpuitir tak ar hmang loina hrangin irdoi hrangin kin laia hong suak ta no ro,” an tia.

2 SAMUELA 23:18

Zeruii nâipa Joaba sangpa Abisaia kha sipai inthang hâitak sômthumhai laia hruaitu tak a nia, a ufei leh mi irzathum a doihaia, a thata, mi hâitak sômthumhai laia khan an lârtak a ni tâka.

2 SAMUELA 3:30

Khaang khan Joaba le a sangpa Abisaia khan an sangpa Asahela kha Gibeona irdoina khan a that sikin Abnera kha an ithat tâk a ni.

2 SAMUELA 3:39

Reng hranga Pathian sahriak irthutir ni khomin lân, a vuan hin ki irzal zap a ni. Hi mi Zeruii nâipa hai hi ki ta hrangin an ivîk hrai a ni. Rengpa’n thil saloi thotuhai kha an sual lam ang takin thuanhai ri se,” a tia.

1 RÊNGHAI 1:33

Reng kôla khan an honga, rêng khan an kuang, “Mi lianhai hruai unglân, ki nâipa Solomona kha ki sakuartung chunga inchuangtir unglân, Gihon-a hruai sa roi.

1 THURCHI SUINA 11:20

Joaba upa Abisaia chu, “Pasal sa sômthumhai” laia a hruaitutak a ni. Ufei leh mi irzathum a doihaia, a thatpai vinga, ar hming satna a hlo a ni.

1 THURCHI SUINA 18:12

Zeruii nâipa Abisaia’n michi khur irhôra Edom-hai a soisaka, mi sîngkhat sângriat a thathaia.

JEREMIA 8:14

Itho sika ei itoi mai ma ni? Hong roi, khopui kul neihaia rot ei ta, so taka son va thi ei ti. A chunga ei tho’nsual sika khan Rengpa ei Pathianin thi hrangin thiamloi a nin chang tâk sikin, ei in hrangin tûr a ni ipêk tâk a ni.

MARKA 3:24

Ram khom, mâni le mâni an irdoiin te, kha ram kha ngîr thei no ni.

1 SAMUELA 26:6

Kha hnung chu Davida khan Hit mi Ahimeleka le Joaba sangpa Abisaia kuang, “Tu mo keima kuanga Saula riakbuka hong hrang?,” a tia. (Joaba le Abisaia-hai nu chu Zeruii a ni.)