2 SAMUELA 20:1 - PATHIAN LEKHABU IRTHIANG C.L. Bible (BSI)

¹ Gilgal-a khan Benjamina rama mi Bikria nâipa Seba; mi nunsia inkhat hi a lei oma. Ama khan bekul a tuma, “Davida kuang hin ite dongtum nei mak me, zui ta no ih! O Israel mihai mâni in chita kîr ta ei ti,” a tia.

2 SAMUELA 20:1 ပူးပေါင်းရင်းမြစ်များ

IRPHUTNA 46:21

Benjamina nâihai chu, Bela, Bekera, Asbela, Gera, Naamana, Ehia, Rosa, Mupima, Hupima le Arda-hai an ni.

2 SAMUELA 15:10

Khannisian, Absaloma’n nam tin laia palai a tîrhaia, “Bekul irhâi nin inhriat tena chu Absaloma chu Hebrona khan rêng a chang ta ti roi,” tiin an hriltirhaia.

2 SAMUELA 16:11

Davida khan Abisaia le a mi lianhai murdi kuang khan, “Irngai ta roi, ki nâipa, ki rîla ra ngêtin, ni that a itum a ni; khasikin hi Benjamina len vâng hin chu a itum irkhêl ual hrang a ni. Khasikin ite lôhai no roi, khomâk kha ni sâm ri sehai; Rengpa’n khomâk a ni isâm a ni.

2 SAMUELA 16:7

Simeia hin khomâk a sâma, hiang hin a tia, “Fe irhmang ta ro, fâk irhmang ta ro, nangma thisen insuak ngai, mihriam sa loipa.

2 SAMUELA 18:17

Absaloma ruak kha an lâka, rampui hnuaia rôl inthûk taka khan an pai tâka, a chunga lung leh an irkhûa, Israelhai kha mâni in senga an pan ta.

2 SAMUELA 20:2

Khanchu Israel mihaiin Davida zui ta loiin Seba hai leh an rot tâka; khannisian Juda mihai kha chu an det maia, Davida kha Jordan dunga irthokin Jerusalem dênin an zui tâka.

2 SAMUELA 20:22

Kha hnung chu nupangnu vârna hmangin khopuia mipuihai laia khan a fea. Bikria nâipa Seba lu kha an tanpaia, Joaba kuang tiang khan an paisuak tâka. Joaba khan a mihai khopui an mâkna hrangin bekul a tuma, khanchu an mâni in chita an lût tâka. Joaba chu Jerusalema rêng kuang khan a kîr nôk tâka.

2 SAMUELA 23:6

Khannisianlân mi siathai kha chu an rêngin a pai irhmangtir ngaia, ilhling ang an ni. Tûte’n kut korongin tôn thei no ni.

1 RÊNGHAI 12:16

Israel mihai khan rêngin an thu irngai pehai mah ti an inhriatin chu rêng kha an irdona. “Davida rama imo kin dongtum hrang? Jesaia irchihai laia imo kin dongtum nei hrang? Davida irchihai chu an om balamin om ri sehai,” an tia. Israel mihaiin chu an in tiang an rotsana.

1 RÊNGHAI 21:10

mi sual inhni ama sêl hrangin a maton tiang inlôitirhai unglân, ‘Pathian le rêng nin sîrinsiat a ni,’ tiin sêlhai sian kho sûng ata hruaisuak unglân, dêng that roi,” tiin.

2 THURCHI SUINA 10:16

Israel mihaiin rêngin an thu a irngaitua pehai loi a nih ti an inhriatin chu, hiang hin an tia. “Davida rama imo dongtum kin neia? Jesaia irchihai lai ata dongtum i ual mo kin nei? Davida irchihai chu an omin om ri sehai,” an tia. Israel mihai chu anni in tiang an fe tâka.

2 THURCHI SUINA 10:6

Reng Rehoboama chu a pa Solomona dam laia a kôla om ngai ulianhai ar donhaia, “Hi mihai hi itin mo ti pehai inlân nin ni tipui?,” a tia.

INPÂKNA HLAHAI 17:13

O Rengpa, thoiin lân, Ama kha ma songin lân, inkûntir khak roh: Ki hringna hi ni khandaiin saninzôkin lân,

INPÂKNA HLAHAI 34:19

Mi fel intaknahai chu a tama, Khannisianlân Rengpa’n khahai murdia khan a sansuak ngai.

THUVÂRHAI 25:8

Thil ni mita ni ihmuhai kha roirêl hmuna fepui zôi zel no ro. Nakana inhriatpuitu dangin ni dik loina an langtir itinin, tho hrang lam inhre no chi ni.

THUVÂRHAI 26:21

Meiholin chu mei ar altir ngaia, thingin chu mei an choktir ngai; khaang khan buaina siamtuhaiin chu irsualna an inpungtir mai ngai.

MARKA 3:24

Ram khom, mâni le mâni an irdoiin te, kha ram kha ngîr thei no ni.

LUKA 19:14

Khan, kha khuaa mihai khan an hnôla, “Hi pa hi rêng hrangin nuam ma ung” ti hrangin palai an tîr zui sa zôia.

LUKA 19:27

Khan, hi ki râlhai inlal hranga ni inuam loituhai hi, hong hruai unglân, ki makunga that roi,” a tia.

JOHANA 13:8

Petera’n a kuang, “Ki ke irsu viat no chi ni,” a tia. Jisua’n a sâma, “Ni ke ki’rsûk no’n chu ki irchutir ni thei no chi ni,” a tia.

DÂN INHNINA 13:13

nin laia mi sual, chukloi tak tak omna khuaa mihai kha, nin la ibiak ngai loi pathian biak hrangin an inthêm lût ta, ti nin inhriatin chu,

ROIRÊLTUHAI 19:22

Râifân le lômtaka bu an fâk laiin khopuia mi sual pôlin in kha an hong irhuala, mikot chu an hong suk tuk tuka, in neipu tarpa kuang, “Ni ina mikhual tunghai kha hong hruaisuak ta, lei irpôlpuihai ro ung,” an tia.

ROIRÊLTUHAI 3:27

Ehuda chu Efraima tâng ram a hong tungin chu bekul a tuma, Israelhai chu tâng ram rengata a kuang an zu fea, ama’n a hruaihaia.

RUTHI 2:3

Khanchu a fea, bu âttuhai lâksel chu a va zong irkhôm tâka. Elimelek urêng Boaza loi khera khan a va fe tâka.

1 SAMUELA 13:2

Saula khan Israelhai laia mi sângthum an thanghaia; sânghnihai kha Mikmas-a le Bethel tânga ama kuang an oma, sângkhat kha Benjamina rama Gibe khuaa Jonathana kuang an oma. A danghai chu an in omna chita an fea.

1 SAMUELA 2:12

Elia nâipasalhai kha mi chanlamboi an nia, Rengpa khom mahrip tho loi

1 SAMUELA 30:22

Khannisian Davida kuanga fehai laia mi senkhat mi chanlamboi, mi tiksiahai khan, “Eini kuanga an fe no sikin ei râllâk thilhai chu semhai no ih. An dôngmahai le an nâihai chu hruaihai sian fe ri sehai,” an tia.