2 SAMUELA 2:6 - PATHIAN LEKHABU IRTHIANG C.L. Bible (BSI)

⁶ Rengpa khan nin chunga lungkhamna le thutak inlang sianlân; hi thil nin tho sika hin kei khomin nin chunga satakin tho ki ti.

2 SAMUELA 2:6 ပူးပေါင်းရင်းမြစ်များ

2 SAMUELA 10:2

Reng Davida khan, “A pa Nahasa khan lung a ni lei inkham ang khan kei khomin Hanuna hi lung ki inkham hrang a ni,” a tia. Khanchu Davida khan a pa chungchâng thua lungngam sak hrangin a mihai a tîra. Davida mihai kha Amona irchihai omna ram an va tungin chu,

2 SAMUELA 15:20

Mizâna la hong chak ni nia, a vuan hin kin laia a suk a tunga ni zui hrangin nang ki iti hrang ni mak che? Ki fena hrang lua ki la inhriat loi a ni, nang chu kîr nôkin lân, ni urênghai kha hruai kîrhai ro. Pathian lungkhamna le thutak ni kuang om ri se,” a tia.

2 SAMUELA 2:7

Hrât tak le hâitakin om roi! Nin rêng Saula chu a thi tâka, Juda irchihai khan an rêng hrangin sahriak an ni irthutir tâk a ni,” a tia.

2 SAMUELA 9:3

Reng khan, “Pathian lungkhamna kin langtir theina hrangin Saula insûng mihai laia mi a la dam mo an om?,” a tia. Ziba khan rêng kuang, “Jonathana nâipasalhai laia inkhat a la om, ama chu ke’nbâi a ni,” a tia.

2 SAMUELA 9:7

Davida khan a kuang, “Chi no ro, ni pa Jonathana sikin lung nang inkham ngêt ki ti, ni pu Saula ram murdi nang pe nôk ki ta, ki dokânga khalâi ot sa mai ta ni ta,” a tia.

INPÂKNA HLAHAI 57:3

Nin lem zoi tumtu chu a ni hrilinsiat tika, Ama khan irvân ata zuang tîr a ta, ni saninhring a ti. Pathianin a lungkhamna le thutak chu zuang tîr suak a ti.

FESUAKNA 34:6

A maton tiang fe angin Rengpa khan, “Keima Rengpa hi khonza le satna sip Pathian chu ki nia, a ninginmur zel ngai loi lungkhamna lian le iamomna inlang ngaitu chu ki ni.

THUVÂRHAI 14:22

Sin sa sinin chu mi danghai mahrip le iamzoina a dong ngaia; thil sual sinin chu an tho’nchâi ngai.

MATHAIA 10:16

“Irngai u ta! Inê kâra belra lût angin nangni ki itîr a ni. Mirûl anga vârin, vasu anga nunirnêmin om roi.

MATHAIA 5:44

Keiin chu nangni ki hril; ni râlhai kha lungthungin lân, deng nangni intheitirtu chu chongchai pe ro,

MATHAIA 5:7

“Lungkhamna nei mihai chu an vân a sa e, lungkham an la ihlo hrang a ni.

JOSUA 2:14

Kha mihai khan nupangnu kuang, “Kin hril tum hi kin ti no’n chu Pathianin kin hringna hi la ri se! kin hong lam hi tûte nin hril no’n chu, ram hi Rengpa’n a ni pêk tika, satakin ni chunga tho kin ti,” an tia.

RUTHI 1:8

Naomi’n a moihai inhni kuang, “Fe unglân, nin nuhai in tiang kîr nôk chian ta roi, nin pasal thi tâkhai le ki chunga satna nin inlangtir lam ang takin, Rengpa’n nin chunga satna inlangtir ri se.