2 SAMUELA 18:27 - PATHIAN LEKHABU IRTHIANG C.L. Bible (BSI)

²⁷ Râl hrungtu khan, “Maton hon sa ualpu so chu Zadoka nâipa Ahimaaza kêng a ang,” a tia. Reng khan, “Ama kha mi satak a nia, thurchi a hong intung hrang ni a ti,” a tia.

2 SAMUELA 18:27 ပူးပေါင်းရင်းမြစ်များ

2 RÊNGHAI 9:20

An hruaitu khan, a tâli chu invêt angin a chalaia Jehua angin a om a tia.

1 RÊNGHAI 1:42

Kha thu a hril lâi takin ochai Abiathara nâipa Jonathana a hong tunga, Adonija’n, “Hong vak hi ro,” “Nang chu ruatharte fel tak ni nia, thurchi lômom hon hriat le nir hoi?” a lei ti pea.

ROM KHUAA MIHAI KUANGA TÎRTÔN PAULA LEKHATHON 10:15

Tîr an ni no’n chu tu’n mo hril hrang? “Thil sa thurchi hong hriltu ke chu a va sa vang na!” ti irziak ang khan.

ISAIA 52:7

Zion kuang, “Ni Pathianin roi a rêl ta,” a tia. Suaka zôkna thu lômom hmun tina inpuanga, irngeina Thurchi Sa intungtuhai ke chu en a hoi vang na!

THUVÂRHAI 25:25

Ram hlatak ata thurchi sa inhriat chu tui inhrâl dangchâr lai taka tui dâizan in ang kha a ni.

THUVÂRHAI 25:13

Palai iamom chu a tîrtu hrangin bu ât laia ivurtui dâiriam ang kha a ni. A tîrtu hringna an hartir ngai.

2 SAMUELA 18:26

Kha hnung chu râl hrungtu khan mi dang a bing doka hon tân a hmu nôka, râl hrungtu khan kotbâi hrungtu a koia, “En ta, mi dang a bing doka hon tân a om nôka,” a tia. Reng khan “Ama khom khan thu a hong intungtir sa hrang ni a ti,” a tia.