2 SAMUELA 17:17 - PATHIAN LEKHABU IRTHIANG C.L. Bible (BSI)

¹⁷ Abiathara nâipa Jonathana le Zadoka nâipa Ahimaaza kha Enrogel-a an oma, khopui an lût mi’n an hmuhai loina hrangin Jerusalem kho kôla khan an iom a ni. Suaknu inkhat hin thil omdânhai a va hrilhai mai ngaia, anni khan rêng Davida kha an va ihril nôk ngai a ni.

2 SAMUELA 17:17 ပူးပေါင်းရင်းမြစ်များ

2 SAMUELA 15:36

An nâipasalhai ruai Zadoka nâipa Ahimaaza le Abiathara nâipa Jonathana khom an laia om an ni. Ni thil inhriat murdihai kha ni hong hril hrangin annihai kha ni hong itîrhai hrang a ni,” a tia.

2 SAMUELA 15:27

Reng khan ochai Zadoka kuang, “En ro, hi nâipa Ahimaaza le Abiathara nâipa Jonathana hi hruaihaiin lân, lungngam takin khopuia kîr nôk roi.

JOSUA 18:16

Hinom-a suak tâng dunga fein Refaim phâi lûtnaa khan a suna, Hinom irhôr a pana, Jebus-hai khua sim tiang panin a fea, Enrogel a dêna.

JOSUA 15:7

Akor irhôr ata Debir khuaa a tungin a fe zêla, khan ivadung sim tianga om Adumin-a fena tianga om Gilgal a dêna. En-semes tuikhura a fe zêla, En-rogela a fea.

1 RÊNGHAI 1:9

Adonija khan Enrogel kôla khan Zebelet lungpui kôla khan irbôlna belra le sehrâtchal a martak tak a lei inhlan tâka. A urêng rêng nâi murdihai le Judai ram rêng inzakomhai a bukkhômhaia.

1 RÊNGHAI 1:42

Kha thu a hril lâi takin ochai Abiathara nâipa Jonathana a hong tunga, Adonija’n, “Hong vak hi ro,” “Nang chu ruatharte fel tak ni nia, thurchi lômom hon hriat le nir hoi?” a lei ti pea.

2 SAMUELA 15:35

Ochai Zadoka le Abiathara khom kha an iom sa a ni; rêng ina thu suak ni inhriat dôr chu ochai Zadoka le Abiathara inhril ngai ni ta.