2 SAMUELA 14:6 - PATHIAN LEKHABU IRTHIANG C.L. Bible (BSI)

⁶ Ka pu, nâipasal hni ki neia, sûn khat chu loia an ruaiin an irsuala, tûte a sel hrang lak om mahaia, inkhat khan a thatpai tâka.

2 SAMUELA 14:6 ပူးပေါင်းရင်းမြစ်များ

IRPHUTNA 4:8

Kaina’n a sangpa Abela kuang, “Loia fe ei ti” a tia. Khanchu hiang hin a nia, loia an om laiin a sangpa Abela kha a’rsualpuia, a thatpai tâka.

2 SAMUELA 13:28

Absaloma’n a zuituhai kha chong a bêhaia, “Amnona’n uain a ina an rui kha lei en chak unglân, that hrangin thu nangni ki pêkin chu, that roi, chi no roi. A mophurna chu keima’n pêl ki ti. Hâitakin om unglân, lungôkinchain om no roi duah,” a tia.

2 SAMUELA 13:29

Khanchu a zuituhai khan Absaloma he bê lam angin an thoa, Amnona kha an that tâka. Davida nâipasalhai murdi kha an thoia, an sakuartung chunga an chuanga laizâm an tho tâka.

2 SAMUELA 14:5

Reng khan a kuang, “Imo a ini tâk?,” a tia. Nupangnu khan, “Meithâi ki nia, ki pasal a thi tâka.

2 SAMUELA 14:7

Atûn hin ki urênghaiin an ni hmumâka, a’rzirpuipa thattu kha, a urêngpa a that sikin an that theina hrang zongin ki nâipa kha an kuta bâng hrangin an ni tia. Khaang khan an that nôkin chu nâipasal boiin om ki ta, ki sabeina la omsun lua kha a ihek hlet hrang a ni. Ki pasal kha irhming nei loi le irnêng chunga irchi nei ta loiin a iom hrang a ni ta,” a tia.

FESUAKNA 2:13

Khanchu sûn danga a va fe nôka, Hebrai mi inhni an le’rsual pea, dik loi ualpa kuang khan, “Itho mo ni rualpa ni ivîk?” a tia.