2 SAMUELA 14:3 - PATHIAN LEKHABU IRTHIANG C.L. Bible (BSI)

³ Kha hnung chu rêng kuang fe’n lân, ki he nang bê lam ang tak hin va ti ro duah,” a tia. Khanchu Joaba khan a ti hrang kha an hril tâka.

2 SAMUELA 14:3 ပူးပေါင်းရင်းမြစ်များ

2 SAMUELA 14:19

Reng khan, “Hi thu rêng rênga hin Joaba hin kopna mo a nei?,” a tia. Nupangnu khan, “Rengpa, ka pu nir hmingin ki iti a ni, ni chong irdon kha tûte’n vei tiang mani, chang tiang mani, pial thei no ni. Ni sipai hruaitu Joaba khan a ni tîra, ki tho hrang le ki iti hrang murdi he a ni ibe ving a ni.

2 SAMUELA 14:4

Nupangnu kha rêng kuang a fea, a makunga irnêng sikin an boka, chubai a mûka, rêng kuang khan, “O rêngpa, ni san ro,” a tia.

EZRA 8:17

Khan Kasifia hmuna hruaitu Idoa kuanga ki tîra; kin Pathian ina sintho hrang hong hruai hranga Kasifia hmuna Idoa le a urênghai Nethinim hai kuanga an hong tîrhai hrang ki hrilhaia.

FESUAKNA 4:15

Khasikin nangma’n chongpui masa’n lân, ki thuhrilhai kha hril pe vingin lân, ni hmûr le a hmûrhai chu keima’n nangni ompui ki ta, nin iti hranghai khom, nangni intitir ki ta.

ISAIA 51:16

Irvân khi ki kaiphara, irnêng irnghatna ki phûma, Zion mihai kuang, “Ki mihai nin ni, nin hmûra ki thu ki sia ta, ki kut zapha laia ki sia insa ta,” ki iti kha.

ISAIA 59:21

“Keima’n nin laia thu ki ithung chu hi hih a ni,” Rengpa’n a ti. “Ki’rtha nin kuanga om le ki thu nin bâia ki isia khan atûn ata kumtuangin nangni suaksan ta ngai no ni; nin nâihai le nin tuhai nâihai ten khomin mâksan ngai no ni,” ti hi Rengpa thusuak a ni.

JEREMIA 1:9

Khanchu Rengpa’n ki kut a hon tûka, ki hmûr a hon thema, ki kuang, “Irngai ro, thu ni inpuang ngêt hrang nang ki ipêk a ni.

NAMBAR 23:5

Rengpa’n Balaama bâia thusuak chu a hrêa, Balaka kuang kîr nôkin lân, van hril ro, a tia.

DÂN INHNINA 18:18

an laia mi ngêt deipu nangni inkung pe ki ta, an kuang insîr hrang hril ki ta, ki thupêk ang kha nangni hril irzôt a ti.