2 SAMUELA 14:22 - PATHIAN LEKHABU IRTHIANG C.L. Bible (BSI)

²² Joaba kha a hmâi irnêng sikin Davida makunga khan an boka, chubai a mûka, a kuang, “O rêngpa, Pathianin sat nang vur ri se. Ki ingênna kha hlo a nin chuktir pe sikin. A vuan hin ni mit ki tung ti kin hriat ta,” a tia.

2 SAMUELA 14:22 ပူးပေါင်းရင်းမြစ်များ

THUVÂRHAI 31:28

A nâihaiin an irngaiinnatzia an inlangtira, a pasal khomin an pâk ngai.

JOBA 31:20

Tukfam samul leh siam ki belrahai ata ki pêk ngai, Khanchu ama’n lungrîl takin a nin fâk ngai.

JOBA 29:11

ki thuhril inhriathaiin an nin pâka, A ni hmuhaiin an ni chôiirsânga,

NEHEMIA 11:2

Milungchuk taka Jerusalema om hrang irpêkhai khan mipuihai inpâk an hloa.

2 SAMUELA 19:39

Kha hnung chu Davida le a mihai khan Jordan râl an kâi tâka. Reng khan Barzilaia kha a tuma, sat a vura, khante Barzilaia chu a in tiang a kîr nôk ta.

1 SAMUELA 20:3

Khannisian Davida khan, “Ni pa khan lung ni ni inkham dân hi an hriat infel vinga, khasikin Jonathana khan hi thu hi chu inhre ual no ri se. khano’nchu, a lungrîl a na pe hrai itinin, a iti khom a ni thei. Khasikin Rengpa irhming chôiin ni kuang chong kin kung a ni, thina le kin kâr chu kalkhat vai a ni,” a tia.

RUTHI 2:2

Moab mi Ruthi’n Naomi kuang, “Loi tiang va fe ki ta, faôi va zong ki ti, ni lei inrentu chu va hmu ngêt ki ti,” a tia. Naomi’n, “Fe ro ba, ki nâinu,” a tia.

IRPHUTNA 6:8

Nikhomsianlân, Nova kha chu Rengpa mit a tung maia.

IRPHUTNA 47:7

Khanchu Josefa’n a pa Jakoba kha Faroa kuang a tuanga Jakoba’n Faroa kha sat a vura.

2 SAMUELA 14:21

Inhnunga chu rêng khan Joaba kuang, “Irngai ro, ni inuam lam taka tho hrangin ki inuam a ni. Fe’n lân, ruatharte Absaloma kha va zongin lân, hin hong hruai nôk ta ro,” a tia.

2 SAMUELA 14:23

Kha hnung chu Joaba kha a thoia, Gesur-a khan a fea, Absaloma kha Jerusalema a hruaia.

2 SAMUELA 14:4

Nupangnu kha rêng kuang a fea, a makunga irnêng sikin an boka, chubai a mûka, rêng kuang khan, “O rêngpa, ni san ro,” a tia.