2 SAMUELA 14:14 - PATHIAN LEKHABU IRTHIANG C.L. Bible (BSI)

¹⁴ Ei rêngin ei la ithi ngêt hrang a ni; eini chu tui irnênga irpai tâk ei ihrût thei ta loi ang hi ei nia; Pathian lua khomin mi thi tâk chu hringna pe ual ta ngai ma, khannisian rêng khan a rot tâk mi kha hong hruai kîr nôk hrang dân lampui a izong thei a ni.

2 SAMUELA 14:14 ပူးပေါင်းရင်းမြစ်များ

JOBA 30:23

Nangin ni that ni ta, mihringhai omna hranga ni indangna khan, Ni hruai ni tih, ti kin hriat.

HEBRAI toc2 HEBRAI 9:27

Mi tin voikhat chu thi ngêt an ta, kha hnunga khan Pathian irêlin om an ti.

NAMBAR 35:28

Ochai inlal a thi mâka chu kha zôkna khuaa khan a om mai hrang sikin; ochai a thi hnunga rêk chu mi thattu kha a omna rama khan a ikîr nôk hrang a ni.

JOBA 34:15

Mi murdi irhmang zoi an ta, Mihriam chu nêngpila kîr nôk a ti.

NAMBAR 35:25

Pungkhômhai khan mi thattu kha thisen phuba lâktua irthokin hrung an ta, pungkhômhai khan a thâna, zôkna khuaa khan inomtir nôk an ta, sahriak irthianga nâl, ochai inlal a thi mâka chu khataka khan a iom hrang a ni.

NAMBAR 35:15

Israel irchihai le ram dang mi an kuang omhai ta hrangin zôkna khopuihai ni a ta, mi tukhomin kutkechâiin mi a lei thata ni’n chu, hitaka hin lûtin zôk a ti.

THUHRILTU 9:5

Mihringin chu la thi hrang an nih ti an inhriata, khannisian mithihaiin chu ite inhre ta ngai mahaia, lômman khom nei ta ngai mahai; an irnghilpai ving tâk a ni.

INPÂKNA HLAHAI 22:14

Tui anga bunpaiin ki oma. Ki ru murdihai khom irphêtin a oma: Ki milung hi khuaihlu angin a zôi zoi ta.

JOBA 14:14

Mi a thi hin a ihring nôk hrang ma ni? Keima’n chu zoro sa ual la nghâk ki ti, Ki buaina hi a hek mâka chu nghâk mai ki ti.

ROM KHUAA MIHAI KUANGA TÎRTÔN PAULA LEKHATHON 2:11

Pathianin mi theibîk nei mah.

MATHAIA 22:16

Khan, an irchutir senkhathai le Heroda pâla mi senkhathai a kuang an tîra, kha mihai khan, “Irchutirtu, thutak nin sîr ngai ti kin inhriat tukhom uksak ual ngai mak chea, tukhom theibîk loiin mihriam ta hranga Pathian lungdo thutak kha nir chutir ngai.

INPÂKNA HLAHAI 90:10

Kin dam sûng kumhai chu kum sômsari a nia, Hrâtna sikin kum sômriat khom a ni theia; Khannisianlân a sôtna chu sinsôlna le chardongna chian a ni; A boi lata, keini khom kin vuang irhmang ngai a ni.

INPÂKNA HLAHAI 90:3

Nangma’n chu mihriam hi irhmangnaa nin fetir ngaia; “Mihriam nâihaio, kîr nôk roi,” ni ti ngai.

INPÂKNA HLAHAI 79:3

An thisen chu Jerusalem kôl vêla tui angin an bunpaia; Anni phûmtu hrang lak tûte om mahai.

INPÂKNA HLAHAI 58:7

Anni chu tui hrât taka luang angin luangpaihai sianlân: Hloisûl angin sirsôpin chuai ri se.

JOBA 34:19

Hruaituhai khom indit bîkhai ual maka, Mi irchonghai khom inrianghai nêkin en irsânghai mah. Ama kut suak ving an nia.

2 SAMUELA 11:25

Davida khan thurchi hong hriltu kuang khan, Joaba kuang khan hiang hin van sîr ro, “Hihai hin ni milung insôltir bâk no roh, khandaiin tûte inhnê thei ual ma, hi nêka na ual hin doi unglân kho sûng kha insiat chit roi, tiin inthorhai ro,” a tia.

DÂN INHNINA 10:17

Rengpa nin Pathian hi pathianhai Pathian, rênghai Reng, Pathian roiinpui, sinthothei le ichiom tak kha a ni; tûte theibîk nei maka, inthêm inhnê thei lak ni ma.

LEVI DÂN 26:40

“Nin ni doia, nir heisanin kha mihai khan an pahai leh thilsual an tho a nih ti inhre suak an ta,

1 PETERA toc2 1 PETERA 1:17

Theibîk nei loia mi tin an sintho ang taka ngaitua petu kha “Pa” tia nin koiin chu, hi rammuala nin om sûng hin ama chi pumin om roi.

TÎRTÔNHAI SINTHO 10:34

Petera’n thu an sîra: “Pathianin mi tinrêng ir-ang natin a ni en tih kin hriat infel ta.

FESUAKNA 21:13

A tum sika a ithat a ni no’n chu, hmun nangni ki indang pena khan lût a ta, khatak khan zôk thei a ti.

2 SAMUELA 14:15

Atûn hin rêngpa hi thu insîr hranga ki ihong khom hi mi’n an ni khâl luan ni lei intungtir pe a tih ti ki sabei.

1 RÊNGHAI 11:39

Solomona sualna sikin Davida irchihai chu dengintheitirhai ki ti, kumtuangin chu ni ual no ni,” a tia.

INPÂKNA HLAHAI 22:15

Ki hnuk hi pil bêl angin a chârkhohroi zoi ta, “Ki milei khom ki danga a kop khak tâka; Nangin thina pila hin ni ni ihruai inlût tâk a ni.

INPÂKNA HLAHAI 77:8

A lungkhamna chu kumkhua’n a iboi theng thai ta hrang mani o? A thu’nkung chu irlo tin tin dênin a iboi hrang mani o?

CHAP HLA 3:31

Rengpa hin chu ni hnôl mai ngai no ni.

EZEKIELA 18:23

Mi sual an thia hin ki ilôm hrang ma ni? an nun hong irleta, nun thara an iom hi ki ilôm ual loi hrang mo?” ti hi Rengpa pathian thusuak a ni.