2 SAMUELA 12:9 - PATHIAN LEKHABU IRTHIANG C.L. Bible (BSI)

⁹ Itho mo ki thupêkhai zôm loia, hi thil saloi tak hi ni itho tâk? Hit mi Uria kha irdoina hmuna nin thattirhaia, Amon irchihai nin thattirhaia, khanchu a dôngma kha ni luapai pea.

2 SAMUELA 12:9 ပူးပေါင်းရင်းမြစ်များ

2 SAMUELA 11:4

Davida khan hong hruai hrangin mi a tîra, an hong hruaia, a lei zâlpui tâka. (Ama kha a tha tina irvei a hmua irthâr zoi chak a nia.) Khanchu a in tiang a kîr nôk tâka.

2 SAMUELA 12:10

Khasika khan khandai khan ni insûngkua kha masan viat no ni, nangma’n ki thu zôm loiin Hit mi Uria dôngma ni sutpaia.

2 SAMUELA 16:7

Simeia hin khomâk a sâma, hiang hin a tia, “Fe irhmang ta ro, fâk irhmang ta ro, nangma thisen insuak ngai, mihriam sa loipa.

1 RÊNGHAI 15:5

Hit mi, Uria chunga thil saloi a tho ti no chu Davida’n a dam sûngin Rengpa mithmua thil sa a thoa, a thupêkhai khom a zôm ngaia.

1 RÊNGHAI 21:19

A kuang Rengpa’n hiang hin a ti, Nabota thatpai a ruk ti loia, a grep irhuan khom lua ni itum ma ni? va ti ro, Rengpa’n hiang hin a ti. Uihain Nabota thisen an inliakna hmun ngêta hin ni thisen inliak an ti,” a tia.

2 THURCHI SUINA 33:6

Hinom irhôra hâlirvôm thilinhlanna’n a nâipahai an hlana;

INPÂKNA HLAHAI 51:14

O Pathian, nang ni saninhringtu Pathian, thisen suaknahai ata ni saninzôkin lân; Khanchu ki milei hin ni felna thu, raifân takin hla’n sak a ti.

INPÂKNA HLAHAI 51:16

Irbôlna chunga lômna nei mak chea; Khaang kha ni no sianlân chu nang pe ki ti: Hâlirvôm thilinhlan chunga lungchukna zel nei mak che.

INPÂKNA HLAHAI 51:4

Ni chunga, ni chung vaia thil ki tho’nsuala, Ni mithmua thil ki lei tho’nsual tâka: Thu nin sîrin thiam ni chang theia, Roi ni rêlin sêlnaboi ni ni theina hrangin.

INPÂKNA HLAHAI 90:8

Kin pualoinahai chu ni makunga ni siaa, Kin sual thupinrûkhai chu ni hmêl vâra ni sia tâka.

THUVÂRHAI 14:2

Dikna neiin chu Rengpa chi mi a nih ti an langa; dikna nei loi chu Rengpa chi mi ni mah ti an lang ngai.

ISAIA 5:24

Annihai sika hin meiin fapôl a ikâng angin, ilhling a ikâng inhek angin, an irzunghai kâng inhekin, an sa lai takin hek zoi a ti; itinrêng Rengpa dân chu zôm loiin. Israelhai mi irthiang an hnôl sikin.

JEREMIA 18:10

ki mithmua thil sual an thoa, ki thu an zôm noa ni’n chu thil sa tho pehai hranga ki itum kha irlêktir nôk ki ti.

AMOSA 2:4

Rengpa khan hiang hin a ti: “Juda tho’nchâina inthum sikin, a ni, minli sikin, a hremna kha inboi no ning; Rengpa dân kha a hnôla, a thupêkhai vong mahaia, an pahai ibiak ngai pathian irlimhai khan a hruai irhmang sikin.

1 SAMUELA 15:19

Khan, itho sika Rengpa thu kha zôm loiin, râllâk thilhai kha inbo zela ni inbo, Rengpa mithmua thil saloi ni tho tâka?,” a tia.

1 SAMUELA 15:23

A chunga sualnahai hi tasân theihai sualna leh hmunkhat a ni, tukulliannahai hi millim biakna leh hmunkhat a ni. Rengpa thupêk ni hnôl tâk sikin ama khomin rêng hrangin nang a inuam loi a ni,” a tia.

1 SAMUELA 15:26

Samuela’n Saula kuang, “Nang fepui viat no ning, Rengpa thupêk ni hnôl tâka. Rengpa khomin Israel rêng ni hrangin nang a inuam ual ta loi a ni,” a tia.