2 SAMUELA 12:10 - PATHIAN LEKHABU IRTHIANG C.L. Bible (BSI)

¹⁰ Khasika khan khandai khan ni insûngkua kha masan viat no ni, nangma’n ki thu zôm loiin Hit mi Uria dôngma ni sutpaia.

2 SAMUELA 12:10 ပူးပေါင်းရင်းမြစ်များ

IRPHUTNA 20:3

Khannisianlân, Pathianin zâna a’rmangin Abimeleka kuang khan hiang hin a hrila, “Irngai ro, ni nupang hruai sikin mithi ni ni ta, mi dôngma kêng a ini,” a tia.

2 SAMUELA 18:33

Khanchu rêng kha ngaisiatna’n a hong de tâka; kul kotbâi chunga tentana khan a fea, a chapa. A chap pumin, “O ki nâipa Absaloma, ki nâipa, ki nâipa Absaloma, ki nâipa, nir thûl hin keima ki lei ithi ni sianlân chu o! O Absaloma ki nâipa, ki nâipa!,” a tia.

1 RÊNGHAI 15:5

Hit mi, Uria chunga thil saloi a tho ti no chu Davida’n a dam sûngin Rengpa mithmua thil sa a thoa, a thupêkhai khom a zôm ngaia.

THUVÂRHAI 17:13

Satna, suala thuan nôk ngaitu chu thil saloiin a in mâksan no ni.

AMOSA 7:9

Khan, Isaka hmun irsânghai kha hong ram an ta, Israel hmun irthianghai kha insiat ni a ta; khan, Jeroboama sûngkuahai khandaiin doi ki ti,” a tia.

NAMBAR 11:20

Tha khat sûng chu, hnông raka inluak rakin fa nin ti, nin kuanga om Rengpa hnôla, itho hranga Aigupta rengata suak mo ei ini o, tia nin chap sikin,’ ti ro,” a tia.

MATHAIA 26:52

Jisua’n a kuang, “Ni khandai kha a siana hmuna se nôk ta roh. Khandai inlekhai chu khandai ngêta thi an ti.

MATHAIA 6:24

“Tûte’n hruaitu inhni sin irkop thei no nihai, inkhat hnôlin, inkhat indit an ta; aninole inkhat irngaiinnat an ta, inkhat hmusit an ti. Pathian sin le sum sin irkop thei no chin ni.

ROM KHUAA MIHAI KUANGA TÎRTÔN PAULA LEKHATHON 2:4

A ninole, nangni irlettir a nuam sikin Pathian chu khonzâna neiin nangni a nghâk ngai tih inhre loiin satna a nei intamzia le a tuangdiarzia le a entheizia chu a ingainêp ma ni?

1 THESALONIKA 4:8

Khasikin, hi thu uksak loi chu mihriam a ipoisak loi ni maka, Irtha Irthiang nangni pêktu Pathian kha a ipoisak loi a ni ual.

1 SAMUELA 2:30

Khasikin keima Rengpa Israelhai Pathian hin ni in sûngkuahai le ni pa sûngkuahai kha kumtuanga ki ochai changin ki makunga om mai nin ti, tiin ki len kunga. Khannisianlân atûn chu om viat ta no chin nih ki iti a ni. Ni chôiirsângtuhai chu chôiirsâng ki ta, a ni hmusithai chu hnuaisiahai ki ti.