2 SAMUELA 11:8 - PATHIAN LEKHABU IRTHIANG C.L. Bible (BSI)

⁸ Kha hnung chu Davida khan Uria kuang, “Ni ina fe’n lân, ni sôl zu irngam ro,” a tia. Uria kha rêng in ata a suaka, rêng khan fâk zât a zun thaktirhaia.

2 SAMUELA 11:8 ပူးပေါင်းရင်းမြစ်များ

IRPHUTNA 18:4

Tui tômte hong la ki ta, nin kehai irsu unglân, thing dâihlîm hnuaia hin sôl irngam roi.

IRPHUTNA 19:2

“khan lungkham takin puhaio, nin sinthotu ina hin irngam unglân, nin ke nin kut irsûkin zân riak unglân, zîng nôka nin thoi le nin fena hranga la fe ta roi,” a tia. Khannisianlân anni’n chu, “Ni no ni, keini chu kholaidunga riak kin ti,” an tia.

IRPHUTNA 43:24

Khanchu Josefa’n in sûnga a hruaihaia, tui a pêkhaia, an ke irsûkin, an sakuartunghai khom bu a pêkhaia,

IRPHUTNA 43:34

Khan Josefa’n an dongtum hranghai chu semin, a bîkin Benjamina dongtum hrang chu mihai nêkin voiringa’n a tam ual bîka, khanchu uainhai inin a sân a hoi ti takin an om ta a ni.

INPÂKNA HLAHAI 12:2

Mi tinin an bômhai kuang thu ite ni loi mai mai an insîr ngai: Mi inpâk pai pai hmûr le huangna milung irputin thu an insîr ngai.

INPÂKNA HLAHAI 44:21

Pathianin chu a izong suak loi hrang ma ni? Lungrîla thuphai hi an irhriat mai a ni.

INPÂKNA HLAHAI 55:21

A bâi chu sahriak angin a tora, A milung chu irdoina a nia: A thuhai chu sahriak nêkin ar nâla, Khannisianlân khandai phôisaihai a ni.

ISAIA 29:15

Rengpa ata an thiltum thuphai chu la’rfûk nôk an ti: Inrûkin thil an tho khomin, Tu moh hmua, tu moh an hriat hrang? an ti.

LUKA 12:2

Ite thupsua thei ni mah, an lang nôk zel ngai, ite inhriat loi hranga ip om mah, inhriat suak a ni nôk ngai.

LUKA 7:44

Khanchu, nupangnu tiang irheiin, Simona kuang, “Hi nupangnu hi ni hmu mo? Ni ina ki honga, ki ke sôpna hrang tui ni pe mak chea, ama hin chu a mit irthi’n ki ke an duia, a samin a huia.

HEBRAI toc2 HEBRAI 4:13

Pathian hrangin chu ite thil irthup om mah, thilsiam tinrênghai khom a mithmu’n chu inlang pharin ar hong zit ngai a ni. Ama kuang ngei ei sik senga thurchi ei la insîr hrang a ni.