2 SAMUELA 11:2 - PATHIAN LEKHABU IRTHIANG C.L. Bible (BSI)

² Sûn khat chu, khohloi misa dâia zâlhmun ata Davida kha a thoia, rêng in chunga a hong fea. In chunga a hong fe’n chu nupang inkhat tuiirsil lai hi a hmua, kha nupang kha hmêl satak a nia.

2 SAMUELA 11:2 ပူးပေါင်းရင်းမြစ်များ

IRPHUTNA 12:11

Khan hiang hin a nia, Aigupta rama an lût hrangin a dôngma Saraii kuanga khan, “Irngai ro, nupang hmêl satak ni nih ti kin hriat.

IRPHUTNA 3:6

Khanchu nupangnu khan thing ra kha fâk thei zât a nih ti le mit lâktak a nih ti le, mihai invârtir theitu thing ra irzukom tak a nih ti an hriatin chu, a ra senkhat irhmalin a fâk tâka; khan, a pasal khom a pêka a fâk sa tâka.

IRPHUTNA 34:2

Khan Hiv mi Hamora kha, kha rama rêng nâipa Sekema’n a lei hmua, a chelthunga, a lei zâlpui tâka.

IRPHUTNA 39:6

Khanchu a inei murdi chu Josefa kuta a sia vinga, a kuanga irchon om murdi chu a pu’n inhrepui loiin a kuta a pêk hleta, a bu nêk hrang ti no kai chu. Khan, Josefa chu mi hmêl sa le nunhoi tak a nia.

IRPHUTNA 6:2

Pathian nâihai khan, mihriam nâihai kha an hmêl a sa ti’n an hmuhaia, khanchu an indit murdihai chu dôngma’n an luahaia.

2 SAMUELA 13:1

Davida nâipa Absaloma khan farnu hmêl satak hi a neia, ar hming chu Tamari a ni. Davida nâipa ngêt Amnona’n an dita.

2 SAMUELA 14:27

Absaloma khan nâipasal thum le nâinu inkhat a neia, ar hming chu Tamari a nia, hmêl satak a ni.

2 SAMUELA 4:5

Rekaba le Baana kha Isbosetha in panin an fea, sûn laitaka Isbosetha sûn irngam laitakin an va tunga.

2 SAMUELA 4:7

Insûng an va lûtin chu, Isbosetha zâlna tentana an fea. Isbosetha lei in irnghil kha an suna, an thata. Kha hnung chu a lu an tana, an chôia, Jordan phâi fe thalin zân sôt an fea.

JOBA 31:1

Taksa irzukna lungrîl nei pumin, Dôngmate en loi hrangin chong kin kung ta.

INPÂKNA HLAHAI 119:37

Thil chanlamboi papai en loi hrangin Ki mit hi ni la pe’n lân; Ni lampuihaia khan hringna ni pe roh.

THUVÂRHAI 19:15

Ni nuamin chu nir tha inboi mai ro; zâl mai ro, khannisian phîngchâmin om ni ti.

THUVÂRHAI 31:30

Inditomna hi huangna a nia, hmêl satna khom hi chanlamboi a ni; Rengpa chitu nupang rêk chu inpâkin om a ti.

THUVÂRHAI 6:25

An satnahai chu irzuk no’n lân; an mit meng ir-âi khan nang in-ôktir no ri se.

THUVÂRHAI 7:8

Nupang inkhat omna kil tianga lampuia khan a fea. An in kôla a thenga,

JEREMIA 19:13

Jerusalema inhai, Judai rama rêng inhai le irvâna ârsihai kuang mirimhoi hâla pathian danghai kuang uain an bun thuanna ngaihai kha Tofet hmun ang taka porinchetir ni a ti,” tia anni chu hril hrangin.

MATHAIA 10:27

Inthima nangni ki ihril hi sûn khovâra insîr unglân, inrûka nin inhriat hi in chunga chuangin tânginsampui roi.

MATHAIA 24:17

Mi, a in chunga om khom in sûnga a neinun la suak hrangin chum no ri se.

MATHAIA 5:28

Keima’n chu hiang hin nangni ki hril, tukhom, nupang indit ena en ka chu, a lungrîla a iuire chian tâk a ni.

TÎRTÔNHAI SINTHO 10:9

Khan, a tûk sûn laia, kha mihai khua an tung tôn chu Petera kha chongchai hrangin in chung zôla a luia.

DÂN INHNINA 22:8

Nin in sin kha a chung zôl kha nin irkul hrang a ni; khanchu, tu mani khom tâk palin, thi sianlân, a mô kha pêl no chin ni.

DÂN INHNINA 5:21

Ni bômhai dôngma ni irzuk hrang ni ma, a in le loihai, a suakpa, a suaknuhai, a sehrâtchalhai, a sakuartunghai, a ta rêng rêng ni irzuk hrang ni ma.

1 PETERA toc2 1 PETERA 4:7

Thil tinrêng mongna zoro chu anai tâka, nin chongchai theina hrangin lungrîl irfîm tak irputin irvong infel roi.

1 JOHANA 2:16

Rammuala thil om murdihai taksa irzukna hai, mit irzukna hai, mâni sum irsorpuinahai le dam sûng roiinpuinahai hi Pa kuang ata suak ni mak e, rammual ata suak kêng a ini ual.

1 SAMUELA 9:25

Khanchu kha ni zela khan Saula chu Samuela hai leh khan bu khalâi hmunkhatin an otsuam tâka. Khanchu bozôl ata kho sûng an fea, Samuela chu Saula leh in chunga Saula zâlna an isiam pena khan an zâl tâka.