2 SAMUELA 11:15 - PATHIAN LEKHABU IRTHIANG C.L. Bible (BSI)

¹⁵ A lekhathona khan, “Uria kha râl ichiomna tiang taka maton insatir unglân, an thata a thi theina hrangin a bing ualin om ri se,” tiin a’rziaka.

2 SAMUELA 11:15 ပူးပေါင်းရင်းမြစ်များ

2 SAMUELA 12:9

Itho mo ki thupêkhai zôm loia, hi thil saloi tak hi ni itho tâk? Hit mi Uria kha irdoina hmuna nin thattirhaia, Amon irchihai nin thattirhaia, khanchu a dôngma kha ni luapai pea.

1 SAMUELA 18:17

Kha hnung chu Saula khan Davida kuang, “Irngai ro, ki nâinu ulian ual Merabi hi dôngma’n nang inluatir ki ti, sipai hâitak le iamom takin ni thop khakin lân; Rengpa irdoinahai chu doi mai ro,” a tia. (Saula khan, keima’n a chunga kut thâk viat loiin Filistia mihaiin a chunga kut thâk tong ri se, ti a ingaitua a ni.)

JEREMIA 20:13

Rengpa hrangin hla sak unglân, Rengpa chu inpâk roi! Mi sualhai kuta irthokin sirphûma omhai chu sansuak an ni tâka.

INPÂKNA HLAHAI 51:14

O Pathian, nang ni saninhringtu Pathian, thisen suaknahai ata ni saninzôkin lân; Khanchu ki milei hin ni felna thu, raifân takin hla’n sak a ti.

INPÂKNA HLAHAI 51:4

Ni chunga, ni chung vaia thil ki tho’nsuala, Ni mithmua thil ki lei tho’nsual tâka: Thu nin sîrin thiam ni chang theia, Roi ni rêlin sêlnaboi ni ni theina hrangin.

2 SAMUELA 11:17

Kho sûnga mihai kha an hong suaka, Joaba kha an doia, mi senkhat Davida mi lianhai laia mihai kha an thata, Hit mi Uria khom kha a thia.

1 SAMUELA 18:25

Khanchu Saula khan anni kha Davida kuang, “Reng khan a râlhai phuba lâkna’n Filistia mihai an servun irzakhat ti no chu a man ite la no ni,” va ti hrangin thu a pêka. (Khaang khan Saula khan Davida chu Filistia mihai kuta that hranga a insâp a ni.)

1 SAMUELA 18:21

Saula khan a lungrîlin, “A khitna hranga châng a ni theina hrangin le, Filistia mihaiin a chunga kut an thâk theina hrangin, Mikali hi chu Davida inluatir hi rong,” a tia. Khanchu Saula khan voihnina khan Davida kuang, “A vuan hin ki mâkpa ni ichang hrang a ni,” a tia.

2 SAMUELA 11:16

Khanchu Joaba’n khua a’rhual khap laia khan râl hrât omna tia inhriatna hmuna khan Uria kha a tîra.

1 RÊNGHAI 15:5

Hit mi, Uria chunga thil saloi a tho ti no chu Davida’n a dam sûngin Rengpa mithmua thil sa a thoa, a thupêkhai khom a zôm ngaia.

THUHRILTU 8:11

Sin siat chunga hremna intung zôi loi a ni ngai sikin, mihriamhai milunga chu thilsual tho hrangin a ingam tâk a ni.

JEREMIA 17:9

Mihriam lungrîl hi thil dang nêka porinche tak a nia, siam insa tak tak a ni, Tu mo an hriat thei hrang?