2 SAMUELA 10:19 - PATHIAN LEKHABU IRTHIANG C.L. Bible (BSI)

¹⁹ Khaang khan Hadadezera thuhnuaia an rênghai khan Israelhai makunga an dinghmun a siat tâk ti an inhriatin chu, Israelhai leh irngeina an siama, an thuhnuaia an om tâka. Khanchu Suria mihai khan Amon irchihai kha san nôk ngam ta mahai.

2 SAMUELA 10:19 ပူးပေါင်းရင်းမြစ်များ

2 SAMUELA 8:3

Kha hnung chu Davida khan Eufrates vadunga a ram la nôk hrangin a fe malamin Zoba rêng Rehoba nâipa Hadadezera khom a doi inhnêa.

2 SAMUELA 8:6

Kha hnung chu Davida khan Suria rama Damaska khan sipai a siaa; khanchu Suria mihai kha Davida thuhnuaia an om tâka; khâzana an hong pêk ngaia. Rengpa’n Davida chu a fena tina inhnêna a pêka.

1 RÊNGHAI 20:1

Suria rêng Benhadada’n a sipaihai a bukkhôma, rêng sômthum inhnihaiin an sakor le tâlihai inhmangtirin tâ an sâna. Samari khua panin an idoihai phut a ni.

1 THURCHI SUINA 19:19

Hadadezera haiin Israelhai chu ngam mahai ti an inhriatin chu, Davida leh an chonga, irngeiin a khua mi le sa an chang ta. Suria mihaiin Amon-hai khom san nuam ta mahai.

ISAIA 26:11

Ni kut nir lek khomin hmu nuam ngai mahai, ni mihai ni inren lam hi irhmutirhai roh. Hmuhai sian mualphoi irla ri sehai, ni râlhai hranga meiri-al laia khan, kâng irhmang ri sehai.

DANIELA 2:37

O inlaltak, nang chu rênghai rêng, irvân Pathianin ramhai, sinthotheinahai, hrâtnahai, roiinpuinahai a ipêk chu ni ni;

JOSUA 11:10

Josua chu a kîra, Hazor khua a lâka, an rêng chu a sât thata, (Kha laia khan Hazor khua hi kho lian ual tak a lei ni.)

THUPHUANG 18:10

A hremna kha tuang sa an chi sikin hla tak ata thîr an ta, “Babulon kho roiinpui le kho det, ni chung a rik! Ni chung a rik! Dârkâr khat sûngin te ni chunga roirêlna a itung tâk hi,” an tia.

ROIRÊLTUHAI 1:7

Adoni-bezeka’n, “Rêng sômsari kutpui le kepui ki lei tan inbongpai pea omhai khan ki bu nêkna maichâm hnuaia bu’rmal an hrût ngaia, khaanga ki itho ang chie khan Pathianin ki chunga a hong tho tâk a ni hi te,” a tia. Khanchu, Jerusalema an hruaia, kha khan a thi tâka.