2 RÊNGHAI 8:1 - PATHIAN LEKHABU IRTHIANG C.L. Bible (BSI)

¹ Rengpa’n kum sari sûng Israel rama châm a tâk hrang thu, Elisa’n Sunam nupangnu nâi a indam pe nu kha a hrila, an in mihai leh hmun danga irson hrangin a hrila.

2 RÊNGHAI 8:1 ပူးပေါင်းရင်းမြစ်များ

IRPHUTNA 12:10

Khan kha rama khan châm a hong tâka: kha rama châm kha a nahrai sikin, Abrama chu Aigupta rama zu om viat hrangin a suak tâka.

IRPHUTNA 26:1

Khan kha rama khan Abrahama dam laia châm tâk ti ang khan, châm a tâk nôka, khanchu Isaka chu Filistian-hai rêng Abime-leka kuang, Gerar khuaa a zu fea.

IRPHUTNA 41:25

Khanchu Josefa’n Faroa kuanga khan, “Faroa ni’rmang hi hmunkhat kêng a ini. Pathianin a itho lat hrang tak hi kêng nang a inhriattir a ni ta.

IRPHUTNA 41:32

Khanchu Faroa irmang voihni a iphan nasan chu, a tak takin zoro sôtloitea a hong hrang sika a ni.

IRPHUTNA 41:54

châm tâkna kum sari chu, Josefa ihril angin a hong tung irphuta: ram tina châm a tâk tâka; Aigupta rama vai hin fâk nêk hrang a la omsun a nia.

IRPHUTNA 47:4

Anni ngêtin, “Hi rama om viat hranga zuang kin ni; kin rama lak kin belrahai fâk hrang a om ta no sikin; Kanaan rama châm tâk lak a na hrai tâk sikin; khasikin lungkham takin ni siahlohai hi Gosen rama nin omtir ro,” an tia.

2 SAMUELA 21:1

Khan Davida inlal lai khan kum thum châm a tâka. Khanchu Davida khan kha thua khan Rengpa a chongpuia, Rengpa khan, “Saula le a in mihaiin thisen an insuaa, Gibeon mihai an that sika a ni,” a tia.

2 SAMUELA 24:13

Gada kha a kuang a fea, Rengpa thu suak kha a hrila, a kuang, “I tak hi mo ni iti? Ni ram sûnga kum thum châmpui tâk hi mo, ni râlhai lai ata laizâm tho hi mo, aninole ni ram sûnga sûn thum sûnga hripui inlêngtir hi mo? a ni tîrpu Rengpa kuang intung nôk hrangin irngaitua’n lân, ni iti nuam chu nin hril ro,” a tia.

1 RÊNGHAI 17:1

Gilead rama Tisbe mi Elija’n Ahaba kuang khan, “Rengpa Israelhai Pathian a sin ki itho pe ngai irhmingin nangni kin hril, kum hni kum thum sûng chu keima ircham ni loiin irnêng chunga hin irdo le rua ite tho viat no ni,” a tia.

1 RÊNGHAI 18:2

Elija chu Ahaba kuang a va fea, Samari rama a sate’n châm a tâka,

2 RÊNGHAI 4:18

Nâipang chu a hong lian tîr tîra, voikhat chu a pa kôla bu âttuhai leh an bu âtna hmuna a fea.

2 RÊNGHAI 4:36

Gehazia chu a koia, “Sunamnu kha hong koi ro,” a tia. A hong koia, a zuangin chu, “Ni nâipa hi pom ta ro,” a tia.

2 RÊNGHAI 4:38

Voikhat chu, ram pumpuia châm a tâk laiin Elisa chu Gilgal-a a fea, deipuhai ar chutirhaia; a siahlo kuang khan, “Bêl lian kha lan lân, deipu irchulaihai fâk hrang inchuan ro,” a tia.

2 RÊNGHAI 7:20

Khaang khan a hong om tâka, khua kul mikot kha mipui an bita, an ihneng that a ni ta.

2 RÊNGHAI 8:2

Pathian mi thu chu a zôma, an rêngin Filistia rama an fea, kum sari an va om tâka.

INPÂKNA HLAHAI 105:16

Kha ram ata hrangin châm a koia; Fâk hrang rêng rêng inomtir ta maka.

INPÂKNA HLAHAI 107:34

Ram satakhai chu a mi omhai sual sikin, ram inponin an changtira.

JEREMIA 25:29

Ki khopui sûng ngêta hin insiat theina sin chu ki iphut hrang a ni. Dûk tuanga loia zôk hrangin an irtûng ma ni? Zôk no nihai, dengthei ngêt an ti, irnêng chunga mi tin laia irdoina ki tîr hrang sika khan, keima Rengpa itinrêng thotheiin ki iti a ni.

LEVI DÂN 26:26

Nin fâk irvaina inpingtir ki ta, lungthu sôm hmanga fâk le nêk suang nuhai khan lungthu inkhat vai hmangin fâk le nêk suang ta an ti. Sem viviat a ta, an dongtum an fâk zoi hnung khom an phîng la châm dên a ti.

AMOSA 4:6

Khan, kei khomin nin khopui murdihai châmna le nin hmun murdihaia irsamna nangni ki pêka; kha tena khom ki kuang hong kîr mak chêia, Rengpa thu suak khan a ti.

HAGAIA 1:11

Irnêng chunghaia, tâng chunghaia, bu chunghaia, uain chunghaia, hriak chunghaia, irnêng chunga thil hong suak chunghaia, mihriam chung haia, sa chung haia, kuta tho suak murdihai chunga khua kin kangtir a ni,” a tia.

LUKA 21:11

Hnîngnupui tho a ta, hmun dang danga châm tâk a ta, hrihai pung a ta, irvân ata ichiomhai le siatna irkhêl tak tak hong om a ti.

LUKA 21:22

Pathian thubua irziak a hong tung indik theina hrangin, kha nikhuaa chu ‘Phuba lâk nihai,’ ni a ti.

LUKA 4:25

“Irngai u ta, hi hi a dik a ni, Elija zoro laiin Israel rama meithâi tamtak an oma, kum thum le tha ruk rua tho loiin a oma, a ram pumpui sûnga châmpui a tâka.

TÎRTÔNHAI SINTHO 11:28

An laia inkhat Agaba chu a ngîra, rammual pumpuia châm irkhêl tak tung a ti, ti Irtha inhriattirin an puanga, kha châm kha Klaudia inlal laiin a tung ta.

RUTHI 1:1

Tianlaia roirêltuhaiin roi an rêl lai khan, Israel rama châm a tâka. Judai ram Bethlehem khuaa mi inkhat chu a dôngma le a nâipasal hnihai leh Moab rama om hrangin an fea.